|
تم افتتاح المطعم ولله الحمد لكن!!!!
الحمدلله اليوم تم افتتاح المطعم لكن يا اخواني واخواتي ابيكم تعلموني على طريقه
اقدر اعرف كل ريال فين يروح بخصوص الدجاج معروف عدد الحبات اجردها عليهم وكمان المعلبات من البازلا والفول والتونه وغيرها من المعلبات والعصيرات بامكاني جردها عليهم بس مشكلتي فالخضروات مثل الطماطم والباذنجان والكوسه وغيرها هذي ماعرفة لها طريقه للجرد لان والله مهما عطيت عمالك حقهم وازود رااح يسرقووك وياخذوا فلوسك الا نااادرا تلقى شخص امين ويخاف الله ادا احد عنده خبره فالاشياء هذي ارجوووا ان لايبخل علي بنصيحته ربي يسعده ويطول بعمره |
اخي يوجد الآلة الخاصه بلحساب الي متواجده عند الكاشير يعطيك كل شي يتم دفعه من قبل الزبائن
كل التوفيق لك |
الف شكر على ردك يالغالي بكره بدور عليها وبشوف اسعارها
|
اولا عسالله يوفقك
وبعدين حط ببالك شغله اجباري في متلوفات راح تكون عندك وما اعتقد تستطيع جرد الخضره لان الدجاج امره سهل واذا قدرت ياليت تفيدني وين مكان محلك؟ وهل هو كبسات دجاج فقط؟ وبالف توفيق اخوي |
ارسل رقمك خاص وابشر بالخير ...
|
اقتباس:
|
كآميرات مراقبه وراقب كل شي عن بعد !
وريح راسك من الجرد على قولك(= ببسآطه السبب, عشان تعرف كل كبيره وصغيره بالمطعم وآذا لاقدر الله صار اختلاس بالمال او شي اكيد عمالك راح يتدافنون بيناتهم وينكرون وانت الي بتاكل الطعه حتى لو معك الحق لان ماعندك شي يثبت لكن لو ركبت كآم يكون معك الدليل على الاختلاس والكلآم يطول ,,,.... بالتوفيق يابطل |
الله يبارك لك ويطعمك من خيره
اخوي انصحك بالكاشير فيه برامج كثيره ودقيقة جدا لدرجة انها تحسبلك كم تطلع عليك سعر حبة الفلافل . وانصحك بعد بالكاميرات المراقبة لان العامل مهما يكون لا زم تراقبه 24 ساعة انا ما اقول انه يصرقك لكن يهمل بالنظافة ولا مشاكل مع الزباين . |
ماشاء الله على البركه
بالتوفيق |
اول شي الف مبروك ، الله يعطيك خيره ويكفيك شره
عندي لك ثلاث حلول 1- كاشير او آلة محاسبه زي ما تسميها وورقه صغيره عليها او على القزاز تكتب فيها (( الحساب بدون فاتوره مجاناً )) ولو بتخلي المحاسب بجنسيه مختلفه عن العمال اللي شغالين في المطعم افضل وإذا كنت مشغول وشايف المطعم شغال جيب لك محاسب من برا تعرفه او عن طريق احد تخليه كم شهر عشان تعرف دخل المحل وهنا بـ نسبة 70-80 بالميه حقك محفوظ 2 - كاميرا تقريباً تلاقي سعرها 2500 وممكن تلاقي انواع ثانيه او انت تختار اللي يعجبك وتلاقي انواع تسجل لك اسبوع مثلا وغير كذا تقدر تراقبهم عن طريق الجوال او اللاب توب اهم شي يكون في نت 3- تخلي المطعم تحت إدارتك وانت تعرف دخلك اليومي والشهري حتى لو شهر او شهرين تكون موجود عندهم وبإستمرار ويحسو انك مهتم في حقك مو مهملها ملاحظه : حركه يسووها العمال إذا كان شغال بالراتب يقتل الشغل بيقول كذا ولا كذا بيجيني راتبي وهنا ضروري تواجدك في المحل إذا كان راتب ونسبه بيتعب بس صدقني بيتعب لنفسه اكثر شي وانت بتقوله راتب ونسبه 10 بالميه مثلاً. وإذا ماعنده ذمه وضمير بياخذ 90 بالميه وانت عشره بالميه وانت تضحك وضروري تكون موجود معاهم واخر الشهر بيقولك الشغل تعبان وكل ما تروح عنده بيقولك نفسك الكلام عشان يطفشك ويكرهك في المحل اخر شي تعطيه إجار بـ 1000 وهوا يدخل اكثر بكثيييير وإذا فكرت تأجرها لا تتفاوض معاهم من 2000 وخلاص إذا كان إجار المحل مثلاً 1500 احسبها له بـ 7000 مع الإجار لحد ما توصل لسعر معقول وهذا انت تحدده على حسب الشغل ودخل المحل بس اهم شي انت بنفسك تكون متأكد من دخل المطعم لا يضحكو عليك انا صاحب مطعم ومريت في اللي اقوله لك كله ونصيحه لا ترمي فلوسك لأحد واخر الشهر تروح تسأل عنها (( المال السايب يعلم السرقه )) واعذرني إذا كان كلامي مو مرتب وإي استففسار انا حاضر بالتوفيق |
لاتنسى حصن نفسك يااخي كل يوم العمالة اغلبهم اصبحوا يتعاملون بلسحر حسبنا الله ونعم الوكيل فيهم
|
الله يوفقك ان شاء الله عاد لابد تعزمنا يوم يا الاعضاء
والله يعطيك خيره ويكفيك شره ان شاء الله |
ركب الكاشير الي هو من نفسه يطلع التكلفة والأرباح ويربط بين المحل والمستودعات وكاميرات مراقبه تشغل الكاميرات على جهازك وتشغل الكاشير ايضاً على جهازك وتشوف كل طلب وابن امه يقدر ينتفك بريال واحد بس تراه غالي تكلفته تقريبا الكاميرات والكاشير والبرنامج خمس طعش الف
|
طموحي العلالي:::: ويوفقك يارب
المكان بـ جيزن المطعم ارز بخاري ودجاج شويه ومضغوط واكلات شعبيه السيف والرمح:::: وصلك الرقم المقدم عاطل:::: يسلمؤ على متابعتك مب راسي اسم:::: بشوف الشهرين هذي كيف الشغل ادا عرفة انه في سرقه من العمال او الي سلمته بالجرد والحسابات راح اجيب كام يعطيك الغاليه على ردك يالغلا المتغرب ا:::: حاليا موجود عامل عمله تسجيل كل شي يتم بيعه وتجميع نسخ من الفواتير وبنهاية اليوم يجي يعطيني الفلوس والفواتير واحسبها موظف بدون:::: تسلم يالغالي ربي يخليك راقي بطبعي:::: الله يبارك فييك ويطول بعمرك يالغالي اول ماجهزت المطعم جوني سوادنه يبون يشاركوني 50%50 قلتلهم لا حتى لو واحد فالميه مابرضى لانه والله بسرقوك وبنهاية كل اسبوع او شهر تجي تتحاسب معاهم بالكثير بيعطونك ربع المكسب و3 ارباع لهم ويقولوا هذا مكسبنا بالشهر ولكل واحد 50 فالميه انا اشتغل بالنقل والخضروات لان عندي دينا وماقدر اكون موجود معهم على طول لكن المحاسب الي سلمته بستلام الفلوس وجردها مع الفواتير ان شاءالله بيكون صادق معاي لاني وعدته لو الشغل تمام ويسجل كل شي راح ازوده فالراتب والف شكر على كلامك لاني استفدة منه ربي يسعد قلبك |
متربشة وفقرانه:::: ربنا سبحانه اقوى من كل شي والشغل للحين الحمدلله ماشي تمام يسلمؤؤ على تواصلك يالغاليه
هموم عذى:::: ههههه ابشري برسل لكل الاعضاء مضغوطات والاكلات الي يحبوها قلوبهم عن طريق البلوتوث والا الوسائط ههههههه الله يحفظك وييحميك جمانة العنزي:::: الكاشير اكيد بستفيد منه كثير وبيغنيني عن تواجدي الدائم بالمطعم لكن باذن الله ان العامل الي سلمته الشغل واتحاسب معه نهاية كل يوم او يومين يكون صادق معاي وادا مانفع بجيب الكاشير وبخلي اي احد وثقة فيه ووظفته معاي يندم انه استغل عدم تواجدي معهم دائم |
شغل المطاعب طيب و مكاسبه كبيرة
و لكن........................ حاول تفرغ نفسك و تكون انت الكاشير وانت العامل وانت الطباخ وانت كل شيء أكيد حلالك اذ ما تنتبه له بياكلك الأجنبي اللهم وسع له في رزقه و وفقه لما تحبه و تــــرضاه ،،،،،،،،،،، |
اللهم امين يارب وياك ياخ محمد
والحمدلله الشغل ماشي تمام التمام من بداية افتتاح المطعم أسأل الله ان يرزقني ويغنيني عن الوظائف الي من سنين ننتظرها ولا جت |
الله يفتح عليك و يسهل امورك
|
اللهم امين وياك يارب
|
اخي الكريم يعلم الله انني مبسوط جدا لخطوتك المباركة قدم لك الاخوان نصائح مفيده وحبيت ان اقدم لك ما اعتقد انه مفيد لك 1- اترك عملك على الدينا واجلس في مطعمك وباشر عملك بنفسك فهذا سيفيدك كثيرا وتستطيع مراقبة عملك وتكوين علاقات جيدة مع زبائنك 2- احرص على الجودة دائما في المواد حتى لو كانت اغلى ثمنا 3- النظافه هي سر تميز الطعام لا تتساهل فيها بدا 4- فكر دائما في التميز والنجاح وتأكد بأن الربح المادي هو نتيجة حتمية للنجاح 5- امنح موظفيك نسبه من الدخل بالاضافة الى الراتب فهذا يدفعهم الى التفاني في العمل دعواتي لك بالتوفيق بقي نصيحة مهمة لا تنسى البر بوالديك وخاصة امك |
والله لو تبتل اذكر لي صديق بالخضرة اروح له يجونه حقين المطاعم ويقولون له زود 50 ريال او 70 ريال ونكون زباينك على طول
السبيكه يقول خلاص مادرى انه محق رزقه الحلال بحرام يعني يجي راعي المطعم ويأخذ مثلاً خضروات وورقيات بـ 100 ريال يقوم خوينا ويسجل الفاتوره 170 ريال السبعين ريال بمخبات العامل ههههههههه |
بالتوفيق
انتبه منهم ماينقدرون هالاجانب.... شوف لايكون يشترون دجاج غير دجاجك ويمشونه ويكسبون فيه ودجاجك باقي في الثلاجه ويقولك مافي زبون ترى هذي حصلت وغيرها يحصل. توقع اي شي....تحياتي |
اشكركم على مروركم ونصائحكم لي الله يعطيكم على قد نياتكم يارب
العمال الي وظفتهم يمنيين والحمدلله المطعم شغله تمام وحاليا متواجد معهم بستمرار واستفدة من نصائحكم لي الله ينور درب كل شخص في هذا المنتدى الراقي باعضائه وادارته لان شغلي على الدينا باكون بعيد عن شغل المطعم اكيد بيصير نصب واستغلال لكن الحمدلله حاليا اسعى في زراعة الخضروات لانه عند الوالد الله يحفظه ارض وموجود فيها بير وباذن الله سأبدء في الزراعه ووضع السور حول المزرعه في هذا الشهر عشان مايجي منصف رمضان والا بدء الانتاج سؤال يا اخواني واخواتي هل اقدر اسوي اضافات عشان يشتغل فالصباح والمساء مثل فرن التميس وصاج الخبز الملوح؟؟ المطعم اسمه المذاق العربي للارز البخاري والاكلات الشعبيه |
الاضافات بالمطعم ضروري جدا
الصباح فطور وتخليه فول قلابه تميس ملوح شكشوكه وتخلي لها فتحه خاصة والغدا والعشاء بوقته |
الله يعينك ويرزقك بعمال امناء
|
الله يوفقك ويرزقك
|
أحلام ورديه::::اشكرك على مرورك يالغالي
وهذا هو الي في تفكيري بسويه خصوصا انه لاييوجد منافس الحمدلله مبارك العصيمي:::: اللهم امين وياك يارب زمنا هذا نفسي وما ادراك مانفسي مهما عطيت العامل حقه وزود لازم يطمع فيك ويستغل غيابك ان شاءالله العمال يكونوا معي صادقين والي يستغل غيابي بيجي يوم يندم عليه لاني شغلتهم بالمطعم وهم في امس الحاجه للشغل كاتم الشكوى::::اللهم امين وياك يارب ويسعدك بالدنيا والاخره ياخوي |
اللة يوفقك
|
بالتوفيق يالغالي وعلى البركة الافتتاح
ولكن انتبه من التشتت ,, تفتتح مطعم وتتركه وتشتغل بالدينا وتشتغل بالمزرعة وبتحط مع المطعم البخاري فطور في الصباح اتمنى لك التوفيق في كل خطوة ولكن التشتيت يضيع الشغلة إلا إذا كان لا يوجد هناك مطاعم كثيرة أو متخصصة فبإمكانك عمل بعض الإضافات بالقدر المعقول مع عدم التهاون بالجودة في كل منتجاتك سواء بالفطور او الغداء او العشاء ,,, واحرص على وجودك الدائم ولا تتهاون في وضع الكاميرات والكاشير هذه اساسيات تعطيك مؤشرات لم تحسب لها حساب الآن وتطعيك بعض النتائج التي لم تتوقعها والف مبروك المطعم مرة اخرى |
الله يوفقك يارب ويرزقك ان شاء الله
اهم شيء برنامج المحاسبة افضل وأريح من كل شيء والله يرزقك بواسع فضله |
اذا حاب تتعامل معايا انا طباخة وهذا رابط موضوعي واذا مافتح تجده بقسم البيع والشراء مطبخ نكهة زمانhttps://www.btalah.com/t441699.html
|
ربي يوفقك ويكون هذا المشروع بداية طريقك للمليون
انا مع أخوي عبدالرزاق السعيد في كل ما قاله |
ما شا الله موفق ان شا الله
|
رد: تم افتتاح المطعم ولله الحمد لكن!!!!
صحيح الموضوع قديم ولاكن حبيت اشكر الجميع واستفدت الكثير من النصائح والارشادات
ياليت صاحب الموضوع بعد هالسنين يفيد الي ناوي يفتح نفس المشروع من تجربتة العريقة بالتوفيق للجميع |
| الساعة الآن 11:10 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين