بكره مقابلتي بشركه الفنار ابي معلومات عنها
 

السلام عليكم

شخباركم

حبيت استفسر عن شركه فنار هاذي مدري وش ترجع معناي مقدم عليهم امس بمساعد فني

المهم نست هالشركه مدري وش مهنهم يعني وش يشتغلون بمواد غذائيه ولا ايش يعني بالضبط

وقالي تجي بكره الساعه 9 عندك مقابله شخصيه ومن بكره تداوم يعني بعد ما اخلص المقابله

هالحين اللي محيرني وش يشتغلون هذولاء واول مره اسمع لهم باسم هالشركه وماهيب معروفه

فما ادري تنصحوني اروح لهم ولا ايش اسوي ابي اللي شغال عندهم او قد اشتغل اي واحد فيها

تنصحوني اروح لهم ولا اتركها

شركة كهربائية .. لها علاقة بالسويتشات " المفاتيح الكهربائية " والأفياش .. الخ

زي ماقال الاخ شركة كهربائية بس هم دقو عليك جوال ولا رسالة ايميل ولا كيف

لا جوال كلمني على هالرقم ٠١٤٩٤٥٤٠٠ وقالي اذا عندك اصحاب جيبهم وياك وجيب صوره من شهادتك وبصوره من بطاقتك وصوره شخصيه يكفي وحده بس والله بيني وبينكم هونت مؤ مرتاح

ليش مو مرتاح انت روح وش السالفه قابلهم

لأنو كلمني واحد من شركه الكهرباء وقالي والله عندنا يشتغلون وأم الكرف يكرفونهم لما يقول تعبت بعرف حلات الراتب بالتعب والمجهود لكن قالي ما فيها لا ترقيات ولا شي بس مسوين حمله مشان يصيرو من الشركات المعروفة ولا شغلهم كرف والراتب ٢٨٥١ على ما أظن ينزلك واللي يقولك ٣٠٠٠ لاحترامي له نصاب غير صحيح لأنو التأمينات يأخذون حول ٢٥٠ تقريبا ايش الفايده واللي يقول القطاع الخاص ٣٠٠٠ الى الان مابعد طبق هالقرار والدليل خبر اللي نزل من العمل

بالعكس تنفعك كاخبرة وخدمة في التامينات وثلاثة الاف ماهي بطالة . بالتوفيق عزيزي