|
مميزات وسلبيات شركة الكهرباء للمتقدمين على برنامج التدرج
سلام عليكم
شباب لأجل نفيد ونستفيد ونكون على بيّنة عند التوظيف بشركة الكهرباء إن شاء ربي وانكتب لنا نصيب فيها كل شخص يكتب ثلاثة مميزات أعجبته بالشركة وكانت سبباً لرغبته للإلتحاق بها،وثلاثة سلبيات لاتعجبه بهذه الشركة وسأبدأ بنفسي أكثر ما يعجبني بهذه الوظيفة: 1_ التأمين الطبي 2_ التعيين قريب من بيتك وأهلك 3_ راتب مقبول + يومين راحة بالاسبوع حسب ماسمعت وما لا يعجبني فيها: 1_ ساعات العمل أكثر من الوظائف الحكومية التي تكون من الصبح للظهر 2_ قد نعمل بنظام الشفتات،وبذلك ستداوم مرة بالليل ومرة بالظهر ومرة بالصبح 3_ عدم امكانية التطور وستضل فني بالشركة حتى التقاعد |
الاهم هل شركة الكهرباء حكومية ام اهلية ؟
|
ياخوان تكفون علمونا كيف طريقه المقابله الشخصيه وكم رواتب الدبلوم وهل في القرض العقاري من عندهم الي يوصل مليون ريال وتقسطه عليهم <<< احس محد بيجاوب على الكم الحائل من الاسئله هههههههههه
|
الموضع جميل اشكرك اخوي سفينة الاحلام على هـ الفكره ..
اتمنا التفاعل من الشبااب لكي نتعرف على الكثير من مميزات و عيوب الشركة , لأن هذا شي راح يفيدنا كثير .. لكن لدي سؤال هل المقبولين من الكليات راح يكون مستواهم نفس خريجين المرحلة الثانويه ام ماذا ؟ وشكراً .. . |
غروك البشر حبيبي <3
شخبارك اشتقت لك ايام تجمع ارامكو .. ههههههههههههههههههههههههه الله يوفقك يارب تعالي انقز بنق ابيك |
هلا والله بحبي ,,, نقزت اقبل الاظافه
|
انا توظفت في شركة الكهرباء لمدة شهرين ( وظيفة صيفية ) في الطوارئ
قسم الطوارئ عليهم ضغط غير طبيعي الفنيين الله يعينهم اول شيء مارااح تكونو مع الشركة رااح يستلمكم مقاول والمقاولين قطاع خاص لكن اعتقد لكم نفس بدلات موضفي الشركة لكن رواتبكم الاساسية راح تاخذونها من المقاول ويمكن هناك حوالي 8 مقاولين واذكر كان معي واحد من الموظفين الشباب كانت وظيفته دائمة عكسي كان يشتغل مع واحد من المقاولين وكان المقاول مأخر راتبه شهرين وجلس يتدين عشان يشتري اغراض رمضان وقتها وبالنسبة للاداريين مدري يمكن رااح تكونو عند مقاول ويمكن يكون عقدكم مباشرة مع الشركة لان حتى المقاولين عندهم موظفين اداريين داخل الشركة يعني مو غير الفنيين :) واذكر موظفين الشركة يقسمون اجازاتهم يعني بدل ماياخذو الشهر كامل ياخذو اسبوع او اسبوعين ايضاً في الشتاء تعتبر اجازة حتى عند الفنيين لان الاعطال بتكون قليلة بعكس الصيف موسم الانفجارات هع بالاخير هذا اللي اعرفه من خلال الشهرين اللي جلستها في الشركة ونصيحة لا يخوفكم كلامي يكفي انكم راح تطلقون البطالة وتتوظفو المقاول ماراح يطردك لان الشركة بتحفظ لك حقوقك موفقين ان شاء الله |
طيب اخوي عندك علم عن الدعم الفني حاسب آلي ..
لان هذا التخصص الى سجلت فيه , والله يوفق الجميع ياربً .. . |
الحمدلله على كل حال الكهرب احسن من العسكرية
|
اقتباس:
الا اذا هم بيعلمونك كيف تصلح كيابل :) واسهل تخصص مبين التخصصات الحاسب الآلي اسئل مجرب انا لما توظفت حطوني في قسم الشبكات كنت بس اسجل اعطال كيابل الأمس |
اقتباس:
عفواً اخوي انا خريج كلية التقنية , قسم تقنية حاسب آلي الدعم الفني :court: .. |
اول احاجة السلام عليكم
خلونااا نتفق يا شباب على حاجة ان شركة الكهرباء (سكيكوو) شركة حكومية يعنى زى ارامكوو وزى سابكك هذى معلومة للى ما عندة علم بعدين اسباب سوء الشركة انهااا كانت قطاعات يعنى كهربا الشمالية والوسطى والجنوبية والشرقية اسمها سكيكوو كل وحدة على حداا يعنى كل شركة بالحالهااا وكانت سكيكو الشرقية لافضل من ناحية الرواتب والمميزات بحكم الشرقية وارامكووو وكانت الشركات الثانية رواتبها طفسة ومافية مميزات بعدين توحدة وصارة كلها واحد الشرقية والشمالية والغربية وصارة مميزاتها وحدة ورواتبهاا وحدة راحة المميزات وقلة الرواتب والموظفين االلى بسكيكو الشرقية اللى تقاعد اللى راح شركات ثانية اللى قعد لكن راتبة عالى وراحة مميزاتة المهم الشركة مدعومة من الحكومة لانهااا تبيع الكهرب خسرانة يعنى تربح من الشرقية وتخسر من غيرهااا والحكومة ماتسدد للشركة كل 4 سنوات تاجل يعنى مالياا مهب ربحانة عشان كذاا تدعمها الحكومة بقيادة خادم الحرمين الشريفين الله يطول عمرة وبدة تحقق تقدم الفترة لاخيرة مع البراك الرئيس التنفيذى وصارة هيكلة وتوزعت 4 قطاعات 0النقل - والتوزيع - التوليد- ومدرى وش خخخخ) المهم لو التكلفة يقطيهاا التسعيرة والبيع تتحسن بكل بساطة الشرككة هذاا وضع الشركة مادياا عشان تفهمون وضع الموظف بالنسبة لهاا الموظف يبى 3 اشياء راتب يرفعونة و بدل سكن مناسب بونص هذى من ناحية الراتب اماا بيئة العمل الموظف يحتاج بيئة فيها عدل بين الموظفيين اقصد من ناحية الزيادة السنوية والتقييم ويحتاج تجديد دماء الادارة العلياا لكى تتحرك الشركة ويصبح حماية للمموظف من التسرب والظلم (نفس حماية ارامكوو لموظفينهاا او سابك او مرافق ___________________________________________ اناا بالنسبة لى اشوف الشركة حلوة كخبرة وكقرب جنب البيت امااا كراتب منخفض جدا بالنسبة لشركة حكومية عملاقة مقارنة بمرافق او سابك او ارامكوو يعنى راتب قليل لكن جنب البيت للى ما يفكر بالراتب 0اهم شى راتب وبس اماا للى يهمة الراتب مثلى اشوف سكيكوو ماتناسبنى كراتب ومميزاة مافية لكن خبرتهاا حلوة للى يبى يخليهاا مطية ومرحلة لشركة تقدر موظفيها مادياااا ولكم لاختيار فالنهاية وتحياتى لكم |
شباب بالله وش رايكم
انا رشحوني للمقابله بس اختبار كفايات ما اختبرته وهو مطلوب كيف اش تشورون علي انا ماعلي من المشوار بس المشكله اخاف اروح وايردوني واتحطم *؛* هل فيه امل يتفهمون ويتغاضون عن الكفايات ومتى يفتح التقديم الجديد لاختبار كفايات هذا : ( |
اقتباس:
كيف جاتك رسالة مقابلة بدون ماتختبر كفايات ولا جاتك رسالة اختبار عندهم ؟؟ الله يوفقك |
اقتباس:
فيه واحد خويي راح اليوم وهو اصلن ماختبر كفايات لكن تفاجا يوم جاهم عطوه اختبارر ههههههههههه:iيعني تجهز للاختبارر هم رشحوك لان المنطقةة اللي انت فيهاا يبون عدد كبيرر فا نصيحة رح منت خسران شي |
اقتباس:
اجل الله يرحم والديك قولي وش هو اختبار كفايات هل هو اختبارات كامل وكيف طبيعة الاسئله وهل هو باللغه الانجليزيه كامل واذا تعرف موقع اقدر اطلع عليه زي ما تقول اراجع الاسئله عشان اختبر ترا وانا اخوك زمان عن الدراسه وحدي بختبار القدرات ونسيت كل شي ^؛^ الحقني ياحليب السعوديه :k واللي اختبر وحافظ كم سوال من اسالتهم يكتبها هنا بس عشان اعرف كيف طبيعة الاسئله تكفووووون يارجال |
اقتباس:
هي نظامها نظام شركات ولكنها ملك للحكومة مثل شركة الإتصالات السعودية اقتباس:
[IMG]http://***.an3m1.com/June2/***.net_13076696151.jpg[/IMG] خريج الدبلوم و الثانوية نفس القريد 45 رواتب خريجي معاهد الشركة بعد التعيين حسب المؤهل ومدة الدراسة: الأساسية الشهادة الثانوية (تخصص فني): مدة الدراسة سنتين = 4200 ريال مدة الدراسة أقل من سنتين = 4044 ريال مدة الدراسة أكثر من سنتين = 4356 ريال الشهادة الثانوية (تخصص غير فني): مدة الدراسة سنتين = 3630 ريال مدة الدراسة أقل من سنتين = 3474 ريال مدة الدراسة أكثر من سنتين = 3786 ريال دبلوم الكليات (تخصص فني): مدة الدراسة فصل واحد = 4433 ريال مدة الدراسة سنة = 4511 ريال مدة الدراسة أكثر من سنة = 4667 ريال دبلوم الكليات (تخصص غير فني): مدة الدراسة فصل واحد = 3863 ريال مدة الدراسة سنة = 3941 ريال مدة الدراسة أكثر من سنة = 4097 ريال هذا الراتب الاساسي + 1250 بدل سكن + 500 بدل نقل = الراتب كامل مع البدلات هذا مجرد اجتهاد قابل للخطا فأعتذر مقدما ولمزيد من المعلومات قم بزيارة هذه المواقع: http://sev-cco.com/vb/f3.html http://sev-cco.com/vb/f6.html http://www.*************.com/forumdisplay.php?f=77 اقتباس:
بخصوص سؤالك : نعم سيكونون متساويين بالراتب والقريد<< الدرجة بسلم رواتب موظفي الكهرباء ولكن الغختيلاف بمدة الدراسة بالمعهد ، أغلب خريجي الثانويات يدرسوا سنتين والكليات سنة واحدة اقتباس:
اقتباس:
أوضحت الصورة للكثيرين ، بارك الله فيك |
عندي استفسار مهم يا شباب اتمني الاجابة
الحين الدراسة بالمعهد كم ساعة في اليوم يعني من كم لكم ؟ وكم اول مرتب بالبدلات للاداري |
اقتباس:
بالنسبة لساعات الدراسة راجع الروابط بالرد رقم 17 وابحث بأخبار المعهد ، وستجد ماتبحث عنه وبخصوص راتب الإداري الجامعي (بكالوريوس) 5500 أساسي ومع البدلات يوصل السبعة |
الله يعطيك الف عافية يا عسل ,,,
|
شباااب وش صار على موعد الكشف الطبي
قالوا شيك على الموقع اليوم وشيكت مو طالع شي يطلعلي نفس المكتوب للمقابه الشخصيه ماتغير شي اااحد يفهمنا يعني ما ترشحنا للكشف الطبي والا باقي ما طلعوا الترشيح ؟ |
^
جاوبوا على استفساري |
|
| الساعة الآن 02:00 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين