تجمع المقبولين في كلية الملك عبدالله للدفاع الجوي (ثانوي) 1433
السلام عليكم
مبروك للي انقبل والي ما انقبل ربي يوفقه ويلقى احسن منها نبي نفيد بعض في الموضوع عن المقابلة والاوراق المطلوب تقدمها والاختبارات حقة القبول النهائي والرواتب وكل شي يعني الي تعرفه عن الكلية اطرحه هنا عشان نستفيد جميع والي يعرف يثبت الوضوع لايبخل علينا وياليت يثبته |
وعليكم السلام
الله يبارك فيك واللي ماينقبل خيرة له تطبع استمارة الالتحاق وتعبيها كامله معلومات صحيحه وبعدين تحط عليها صورة للشهاده الثانوية وصورة من نتيجة القدرات والتحصيلي والكفايات تطبعها من النت وصورة بطاقة الاحوال وكرت العائله وحفيضة النفوس لجد الطالب والاوراق تروح توقعها في الامارة يعني شغلتها شغله رح ادخل موقع الكليات العسكرية وتلقى كل شي مكتوب وبعدين رحت لكلية الملك عبد العزيز الحربيه تاريخ 13/8 رحت عندهم راجعو الملف واعطوني موعد للكشف الطبي اليوم اللي بعده 14/ 8 الساعه 4 فجر مقابل اسواق الشعلة جا موعد الكشف الطبي عبارة عن ممر ضيق وفيه 9 عيادات بجنب بعض اذا اجتزت الفحص الطبي تحول الى المقابله الشخصيه ويقابلك ضابط ويسألك اسئلة الهدف يشوف انت تتعتع في كلامك ولا طليق في الكلام وبعدين تروح تاخذ موعد اختبار لياقه بدنيه واعطوني اليوم اللي بعده واللياقه البدنيه عبارة عن اربعة اختبارات عبارة عن 30 بشم و30 بطن في 30 ثانية ووثب وهروله اربع لفات على الميدان كل لفه 400 متر يعني 1600 متر مطلوب منك طبعا اللي ماعنده لياقه راح يتعب مره طبعا اختبار التحريري مافيه للكلية الحربيه والدفاع الجوي فيه الكلية الجوية والبحريه طبعا بالنسبه للرواتب والله ماادري بس راح تكون كويسه هذا تقرير مني حصريا |
يعطيك العافية
بس البشم 35 اما الهروله ياني تعبت فيها كملت ثلاث لفات قال الي المدرب خلاص مدري وش السالفه وهي اربع بس ربك يوفقنا انشاء الله |
تكفون آبي كلآم مضمون
آول م آتخرج من الكلية كم آستلم راتب تتوقعون فوق 10 الآف ؟؟ لآني انقبلت في الدفاع الجوي وكمان في الجامعة سنة تحضيرية للمسار الطبي . |
سبحان الله واستغفر الله والله اكبر
|
اقتباس:
|
ي اخوان انا الحمد لله خلصت كل شي الحين انتظر الفرز النهائي:u
بس ياليت احد يفيدنا / كم يقبلون طلاب في كلية الملك عبدالله للدفاع الجوي:m |
للرفع للرفع
|
أحسسن يادفاع جوي
عساء لله يوفقكم ان شاء لله وعقبال ما نشوف ناس ترفع رؤسنا وتبيض وجيهنا واتوقع عدد الدفاع الجوي حليل بعد الحربيه بالترتيب يعني الحربيه ثمن الدفاع الجوي ثمن البحريه ثمن الجويه لاحد ينقز ويقول الجويه اكثر واانا شايف عددهمم ياحبيبي الجويه ما ينقزون اي واحد يعني بالعربي يبون اللقطه يعني يبون ناس صح انقلش نظر وطول وكل شيء وان شاء لله كلنا اخوان وشعب واحد وامه واحده بالتووووووووووووفيق للجميع حبيت بس اسلم عليكم واشارك معكم لانكم مثل اخواني واكثر ولله ولله لله بالدعاء يأخوإنِن بالتوفيق بالتوفيق بالتوفيق |
الله يووفق الجميع ,,
بس كم العدد في الدفاع تقريبآ احد يععرف . " |
الساعة الآن 04:00 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين