الواسطه فوق النظام
 

السلام عليكم ورحمة الله وبركاته


انا ياشباب متخرج من الثانوية العامة عام 1432 والين الحين وانا ادور لي وظيفه حكومية
ماخليت وزارة مارحت لها ماخليت قطاع حكومي ماقدمت عليهم لكن بدون اي فائده هات ملفك وندق عليك ولاحس ولاخبر الواسطه فوق النظام وانا علشاني ماعندي واسطه اشكل
ياعالم والله العمر ضائع مني هذي موهلاتي واتمنى الي عنده واسطه يفزع لي ومستعد ادفع له اتعابه لحد 20 الف ريال واقسم بالله اني صادق في كلامي

ثانوية عامه علوم طبيعية نسبة 85

حاسب الالي 6 اشهر تقنية المعلومات

حاسب الالي مدخل بيانات شهر

شهادة خدمة عملاء

وخبره معتمده بالتامينات الاجتماعية والشهادة موجوده معي الوظيفة كاتب اداري لمدة سنه

وللمعلومية انا مقدم على العسكرية وتم قبولي بشكل نهائي لكن ماحظرت الدوره لهم بسبب ظرف الله اعلم به وتم الغاء فكرة العسكرية من راسي اتمنى اتوظف زي العالم الي نفس موهلاتي ويمكن اقل مني ومتوظفين مدني ياعالم والله موافق يقبلوني لو بالكفاءه او الابتدائية ونفس الراتب حق الابتدائية بس حكومية

اعذروني طولت عليكم

اعذرني مالك خيار الا العسكريه اعرف واحد من الشباب نسبته 97 علمي متوظف معنا بالبحريه رتبته جندي , تبي مدني مالك الا تكمل دراسه او اذا ماتبي تكمل لك العسكريه او شركات ماتوكل عيش .

الله يعين ياخوي بس احنا متخرجين قبلك بسنوات
وبإنتظار الخدعة المدنية

والشركات خبرك ........ امورهم طيبه
ماتلقى وظيفه وان لقيت دوامك 12 ساعه