احتاج مشورة ونصح بمشروعي تكفون انصحوني
 

احتاج النصح والمشورة
السنةالماضية بدءت مشروع مفرزنات رمضانية ووجبات فطور وسحور بلطلب والحمد لله الكثير عجبهم شغلي السنة هذي المشروع اتسع اكثر وازداد عدد الطلبيات والزبائن
والمشكلة انني اشتغل لوحدي واولادي يساعدوني الشغل اصبح ماشاء الله تبارك الله افضل كسبت ثقة الناس لكن ماني قادرة بحكم انني امراءة كبيرة اكمل لوحدي تعبت احتاج لمن يساعدني بشرط ان يكن على مستوى
بلنظافة
الطبخ الممتاز
الصبر على العمل والتزام الموعد
بحثت ماوجدت الا رجال وانا مااقدر ادخل طباخ بيتي ولا اقدر اسلمه الشغل ياخذه بره ينجزه هذا شغل ناس لازم اوقف عليه بنفسي حتى لا اخسر زبائني
هل اقبل طلبيات بسيطة صعب لانهم زبائني ومتمسكين فيه ومااقدر ارد وحدة واقبل وحدة وهذا مشروع لازم احافظ عليه واكبره ومايتوقف عند نقطة وحدة
جاتني فرص شراكة لكن اجانب وهذا المبدء ارفضه ماارتحت للفكرة وجاتني فرص شراكة اخرى بس مع رجال اكثر من شخص عرضوا الشراكة وانا حرمة لوحدي ومااعرف هل سيخاف الله فينا اوكيف
هل ادخل شراكة مع رجل ممكن ينجح المشروع ويتوسع لكن كيف اضمن حقي وانا بلبيت مااعرف ايش يصير
والله ماني عارفة اقرر المشروع جدا طيب وساعدني اجمع للايجار بس ماني قادرة لوحدي
باالله انصحوني كيف الخطوات

مالك الا تجبين لك خادمة وتكونين مشرفة عليه وتكون له راتب او انك تشرفين ع العمل وتمشين ع حسب ماتبين انك تحطين له نسبة مثلاء تقولين له اذا انجزتي الشغل زين لك زيادة في الراتب ولا تفهمينه ان الشغل حق الناس وانك تمشين عليه الزيادات مثل العموله
الله يكتب له الخير في طريقك ويرزقك في الحلال

هذا هو الراى الصائب لكن فكروا معي كيف انفذه استقدام مااقدر يبيله فلوس واجد واخذ من هنا المتخلفين اسعارهم نار وصلت ل2000 بلشهر ودخل مشروعي لايتعدى ال500 تقريبا وهدفي منه الايجار ماابي يروح بخادمه بلشهر

ياكافي مافيكم ناصح 000 برضه جزاكم الله خير

الله يوفقك ويرزقك
اكتبي في قسم المشاريع والأفكار إن شاء الله تجدين من يفيدك

نصيحتي لك سوي مفرزنات وبس اريح لك واضمن اما الوجبات يبيلها وقت وتعب وجهد
انتي ماتبين شراكه ولاتبين شغاله سديتيها من كل الجهات
مثل ماقلت لك مفرزنات وبس وتخيلي الطلبيه الوحده لاتقل عن 500 ماشاﺀ الله
كم راح توصلك طلبيه وكم راح تكسبين
الله يوفقك وييسر امرك