تفاصيل مقابله محضر مختبر حاسب في جدة
السلام عليكم ورحمه الله وبركاته
ياليت يا اخوان نتساعد واي واحد عمل المقابله الشخصيه لوظيفه محضر مختبر حاسب يقول لنا كيف كانت الاسئل بالتفصيل وجزاكم الله خير الجزاء وياليت محد يبخل علينا بأي معلومه يعرفها لانه اختباري الاسبوع الجاي لكم ارق التحايا |
هلا فيك اخوي نديم الصمت انا سويت المقابله في جده محضر مختبر حاسب الي وكانت المقابله الحمد لله سهله # اول شي سويت المقابله مع مدرس الحاسب كان كل كلامنا شفهي اسئلته لي كانت كالتالي 1- ايش درست في تخصصك وايش الغات الي درستها ؟؟ تذكر له المواد الي درستها والغات بعد مثل الجافا وasp واي لغه درستها 2- اذكر لي برامج الاوفس ؟؟ قلت له الورد والاكسل والاكسس والبوربوينت والفرونت بيج 3- مآلفآئده من استخدآم برنامج الفرونت بيج ؟؟ تصميم صفحات الانترنت 4- تستعمل النت ؟؟ اكيد ايه 5- اشرح لي طريقة الفورمات ؟؟ تقوله تشغل الجهاز وتدخل الاسطوانه وراح تشتغل تلقائي << قالي طيب لو ما اشتغلت قلت له تضغط ديليت في بدايه التشغيل وتخلي اول اقلاع يكون السي دي >> بعد ما تشتغل الاسطوانه تقوله يجي تقسيم الهاردسك تختار الدرايف سي وتضغط حرف D عشان يحذف الي في السي وبعدين ننزل النظام 6- قالي كيفك بالصيانه لو اعطيك رامات تركبها؟؟ قلت له ايه 7- ايش الاشياء الموجوده داخل الجهاز ؟؟ تقوله مذربورد ومعالج ورامات وهاردسك وبور سبلاي واي شي يخطر ع بالك داخل الجهاز قوله . # ثاني شي رحت عند مدرس اللغه العربيه 1- يعطيك كلمات تكتبهااا انا اعطاني تلالا وهائله و لؤلؤ 2- يخليك تقرى من كتاب قواعد 3- يقولك عبر لي ويختار هو موضوع مثلا انا لاني من المدينه قالي عبر عن المدينة شفهي # ثالثا رحت عند مدرس الدين وكانت مقابلته سوالف وعلوم الي اذكر قالي كيف لوو بتتزوج تاخذ تكروونيه وانت ابيض قلت له القلب وما يهوى خخخخخخخخخ قال ايه صح بس لابد يصير تكآفئ قلت له اكيد بس اذا جيت بتزوج راح اخذها على حسب قول الرسول صلى الله علية وسلم نسبها ودينها ومالها وجمالها .. قال رووح الله يوفقك وبس وانتهت المقابله واهم شي خلك واثق من نفسك والله يوفقك ويوفقنا واي سؤال اخوي انا حاضر ان شاء الله ما اقصر معك بس اكون ع النت |
خانتني الدمعه يعطيك العافيه ولاكن هذا طريقه المقابله لمحضرين مختبر فكيف بلمعلمين اذا كان عندك خلفيه ارجوك رد علي .
الله يوفق الجميع |
يا اخوان انا سويت المقابلة وكانت كالتالي :
أولا عند الثقافة الاسلامية : 1. فتح المصحف على سورة طه وقالي اقرأ . 2. بعدين قالي الاسماء الحسنى تدل على ايش . 3. اذكر دليل من القرأن يدل على قدرة الله المطلقة . 4. الاية الاحد الصمد مامعنى الصمد . ثانيا:الحاسب الالي بما ان تخصصي دعم فني كانت كالتالي : 1.ماذا تعرف عن الدعم الفني ، ماهي مهمة موظف الدعم الفني . 2.اعطني احدى رسائل الخطأ التي تظهر عند تشغيل الجهاز ، واذكر حلها . 3.كيف تقوم بتثبيت نظام التشغيل خطوة خطوة . 4. مالفرق بين الـFAT وNTFS ، وايهما افضل سكيورتي "الحماية". 5. ماذا يعني Partetion بارتيشن . 6.اذكر احد برامج تقسيم القرص الصلب . وهل فيه برامج اخرى . 7. كان عنده جهاز مفكك تحت الطاولة قال اعطني الهاردسك . 8. طلع اللوحة الأم وقالي وشتعرف فيها . ثالثا: اللغة العربية : 1. فتح كتاب النحو على ابيات وقالي اقرأ. 2. اعطاني ورقة وقالي اكتب عن أي موضوع يعجبك ، وكان يدقق على الخط والإملاء . وأخوك نسى سنة الصاد وهو الخطأ الوحيد دعواتكم |
اقتباس:
أولاً يعطيك العافيه على الأفاده ثانياً عندي سؤال انت تخصص برمجيات ولا دعم فني ؟ مع خالص ودي واحترامي |
يا إخوان المقابلة الشخصية جدا سهلة..لكن أهم شيء أنك تخش وأنت واثق من نفسك!!
والأسئلة مثل ماحصل مع الشباب.. لكن أنا سألوني سؤال كيف تتعامل مع طلابك؟ والسؤال الثاني هو أن بكره عندك درس وش الأسلوب إللي تتبعه والطريقة؟ |
خانتني الدمعه
الله يسلمك يارب ما قصرت كفيت وفيت ويارب يجعلها من نصيبك ويرحم والديك والف شكر اخوي وجزاك الله خير n. s مشكووور على مرورك واضافتك الله يبارك فيك ويجعلها من نصيبك الله يجزاك خير top الله يعطيك العافيه ما قصرت والله يجعلها من نصيبك جزاك الله خير الجزاء ولا يهونون البقيه حياكم الله وتسلموون على مروركم لكم جميعا ارق التحايا والدعوات القلبيه |
الله يوفق الجميع
|
المغامر
والله ما ادري لكن الله يسهلك المقابله متمرمط بشركات تخصصي برمجيات والله يوفقنا جميع |
الله يوفقنا وأياكم
|
الساعة الآن 04:39 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين