كيف اتفاوض بخصوص الراتب ؟
السلام عليكم
انا مهندس اتصالات حديث التخرج ، لي شهر كامل ارسل فاكسات واحوس الرياض ، ومرة سويت مقابلة قال المدير العام كم تبغى راتب ؟ تبغى 1500 قلت له لا قليلة قلت ابغى 2000 علشان اشوف طبيعة اعمل و اشوف رد الرجال لكن نفخ راسي بالكلام قال لي تذاكر وبدل سكن وبدل صحي .. الخ ؟ سالت الناس قالوا لي 2500 قليلة في حقك ؟! ابي تعليقكم ؟! |
ردوا يا ناس ؟؟؟
|
ايه يا خوي مره قليله
|
أخوي الله يوفقك لا تقبل بأقل من خمسة آلاف لانهم كذاأعذارهم لا تلتفت لكلامهم
أنت الآن تخرجت مهندس على كذا هم مافرقوا كثير عن مكافأتك وأنت طالب راح تلاقي راتب يرضيك بس لاتيأس نصيبك راح تاخذه خلك واثق بالله ثم من شهادتك |
اقتباس:
وأنت خريج جامعة وتقول كذا احسبها صح أنت تشوف الغلا طاق فوق هل هذا الراتب يكفيك أقل راتب 4500 يفترض وهم قليل في تخصص حلو مثل تخصصك بس على حساب أنك حديث التخرج والله يوفقك |
كلامكم صح !! انا ما اعرف عن الروتب ؟
وانا مقدم على زين وموبايلي والاتصالات وعدة شركات ولا احد رد ؟! اخاف يمر الايام والسنين وانا على هذا الحال ؟؟ اشكركم |
روح الليل <<< أتمنى ترحم نفسك ياخي وشو الفين :(
تراك ببلدك وشهادتك حلووه وش فرقك يابوو عن الأجنبي :( والله لو انك تشتغل عامل عادي :( وش خليت للعمال :( اربعة الاف وخمسميه او خمسه الاف كبداية بعد الشغل بسنه او سنتين والله يوصل اكثر من سبعة الاف :( بس اصبر لاتستعجل على رزقك الله يهديك ويوفقك يارب خل ثقتك بالله كبيره وان شاء الله كم شهر وانت متوظف بوظيفه ترضيك |
انا اشوف انك طلبت منهم 2000 ووافقوا خلك على وظيفتك ودوور غيرها براتب افضل لان العوض ولا القطيعه على قولتهم
لا تخلي نفسك على هالراتب ومعاك من الحين الين 3 شهور من حقك انك تدور شغل ثاني براتب افضل وهذي نصيحتي لك والله يوفقك ان شاء الله |
اقتباس:
|
ايش تبغون انتظر 7 او خمسة الف واجلس 6 اشهر انتظار ؟!
من يدفع لي الراتب حق الجلسة ؟ المشكلة ماعندي سيارة وصاحبي في النهار ينام والليل يكون صاحي قولوا لي ايش اسوي ؟! وبعدين كيف يتم تحديد الراتب ؟؟ مني ولا هم يحددون الراتب ؟! وشكركم |
اقتباس:
أخوي لا تنتظر وتجلس فالبيت على أمل انك تلقى الافضل ... خلك في وظيفتك ودور على احسن منها بالنسبة لتحديد الراتب على حسب المكان وصاحب العمل إذا كانت عندهم عقود محددة الراتب مسبقا او انهم يحددون الراتب بعد المقابلة ... |
اشلون اكون في وظيفتي انا توني ما اشتغلت ؟!
اشكركم كلكم |
أخوي الآن فيه ثلاث شركات اتصالات ثابته جديدة رخص لها وراح تبدأ ان لم تكن بدأت أكيد راح توظف ناس وزين لاتنسى شركة جديدة لازالت بحاجة موظفين كثير شوف موبايلي كم وظفت ناس ولازالت بحاجة وتخصصك حلو ماشاء الله بإذن الله تلقى الوظيفة يارب بس لاتستعجل تحياتي لك
|
زين متابعها اول باول ورسلت الس يفي ورحت موقعهم لكن ولاحد رد علي ؟؟
دلوني طيب على وظايف اخرى فيها 7000 وغيرها موافق حتى لو مو مهندس اتصالات ؟ وشكرا |
اخوي روووح الليل إن شالله ربي رح يوفقك وبيرزقك بوظيفه لا ع البال ولا ع الخاطر
احتمال يكون المدير بس يبغى يشوف طريقة ردك اا خبرك ان راتبك بها المبلغ اهم شي اذا حصلك فرصه عندهم لاتتركها عصفور بيدك ولا عشره عالشجره ومنها تاخذ خبره حتى لو استمريت شهر او شهرين عندهم ومثل ماقالو اخواني وانت لاباشرت الشغل احتمال يسلمك المدير موقع ومركز حلو بالوظيفه ويرفع لك اكثر في الراتب ماتدري؟؟؟ ولا اوصيك اذا فعلا ثبت ان راتبهم قليل وماعندهم مميزات تناسب مؤهلك الي معك دور لك على غيرهم واستمر دوووور لاتيأس ..وخل املك بالله قوي .. واوصيك بشغله الله الله ياخوي بالاستغفار تراه يفتح باااااب الارزااااق لك قوله تعالي (واستغفرو ربكم انه كان غفارا يرسل السماء عليكم مدرارا ويمددكم بأموال وبنين وجنات وانهارا) ولااوووووووصيك اخوي طمننا عنك وعن اخبارك ..وأسأل الله العلي العظيم لك بالوظيفه الخيّّره عاجلا غير اجل |
هذا وانت مهندس وتقول تبي راتب2000 الله يعينك
1500 و2000 خلهم لنا حنا اصحاب دبلوم الشبكات صار لي سنه على هالوظيفه ولا زاد الراتب ياعمي انت وافق على أول ثلاث شهور يكون راتبك مثل مايبون بس اشرط عليه الراتب يتعدل بعد هذي الفترهويصك 4 ونص وزود |
.ترى دائما في البدايات يعطوا 1500 او 2000
ولكن لما شافوا شغلك وعجبهم يرقوك الى ان شاء الله ف المستقبل بعد سنتين تحصل على أكثر من 5000 ريال أهم شيء خذ خبرة وان شاء الله ربي بيوفقك.. واستخيرررررررررررررررررررررررر |
عزيزي اللـه يوفقك وإذا تبغى الشور الصح
إنت اقبل فيها مؤقتا ومنها تنحسب لك خبره في سيرتك الذاتية..وبنفس الوقت قدم على أكثر من وظيفة المهم إنك ماسك بيدك وظيفة ولا العطالة طولت العمر ترى واللـه ما أحد ملاقي وظيفه بهالأيام حتى لو بدون راتب |
اخووووي رووح الليل انت قدم على أي عرض
انا دبلوم وشفني ماكلمت شهرين بالبيت وربي وراتبي 4000 وماني مقتنعه هذا وانا بنت فما بالك انت اللي مصاريفك اكثر !! انا عطيتك تجربه عشاني حسيتك مره ماتعرف شي عن الرواتب ومره انقهرت يوم قلت لهم 2000 !!!! عشان كذا رديت مره ثانيه لمن يقولون لك كم تتوقع نعطيك قلهم حسب الكادر عندكم !! يعني مو بكره اتوظف الاقي نفس تخصصي ياخذون اكثر واذا اصروا تعطيهم رقم قل مو اقل من 5000 واذا حسيتها كثيره قول 4000 اسفه على الإطاله وعلمنا اذا توظفت :) الله يوفقك يارب |
اشكركم كلكم من اولكم الى اخركم
رب ضارة نافعة .. صحيح تركت الوظيفة وراح ادور على وظيفة ثانية والحمد لله ماتم العقد ؟! عاد تخيلوا لو وقعت لمدة طويلة ،، راح اكون في خرايطها وراح ابغلكم اذا اشتغلت ... |
اقتباس:
ليش تتركها ؟؟؟ صحيح الراتب 2500 قليل بنسبة لمؤهلك ، لكن تستفيد خبره خصوصا انها اول فرصه لك ؟؟؟ بسألك عن العقد ، هل فيه مده معينه ؟ ام فترة تجربه لمدة 3شهور ؟؟؟ وفقك الله ،،، |
معيش التاخير ،،
راح اتركها لضعف الراتب والحمد لله استفدت منكم الشيء الثاني مدة التدريب سنة وبعد التدريب اوقع العقد لمدة اربع سنوات يعني الرجال يبغى يستثمر جهدي خلال خمس سنوات ؟! وماخاب من استشار .. اشكركم |
هاجرر اشكرك على ردك مرتين ومعليش قريت اغلب الردود بسرعة
بالتوفيق للجميع |
الساعة الآن 02:31 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين