أوظفك ب 1200 ريال يا طالب الجامعه ؟ السعوده والتأمينات الاجتماعيه ؟
 

السلام عليكم ورحمة الله وبركاته

اخواني انا طالب بجامعة الملك عبدالعززيز


احد الشباب عرض علي : انه يسجلني في احدى الشركات على اني موظف عندهم وينزلي راتب 1200 ريال ؟؟ شهريا


طلب مني صورة من بطاقة الاحوال وصورة من الحساب الموحد ورقم الجوال


وبعدين قالي اذا ارسلتها راح توصلك رسالة تسجيلك في التأمينات الاجتماعيه ؟!


انا باقي لي سنه على التخرج وبعدها راح ابحث عن وظيفه ؟؟


هل الموضوع هذا راح يضرني ؟!؟ نصايحكم ؟|


يقولي ان الشركه هذي حق مقاولات واجنبيه هيا وتبي 500 سعودي من طلاب الجامعات ؟!


ياليت تفيدوني .. بالموضوع

واسف ماعرفت اختار القسم لكن انقلوه للمكان المناسب

كثير من الشركات يسوون هالطريقة .. لكن ممكن فيها شبهه شرعية

واحد من الشباب عرض علي 1500 ريال شهريا في شركة ابوه و واففت .. بعدها قالي انهم خلاص اكتفو

طيب انا ادرس هندسه في الجامعه وخريج هالسنه تقريبا التترم الاول .!

اخاف الموضوع يضرني ليش يسجلوني في التأمينات الاجتماعيه ؟ وبعدين لو قدمت على وظيفه راح يعرفون ؟؟


ياليت واحد فاهم يفهمني الموضوع هذاا ؟؟؟

وعليكم السلام..

أخوي نصيحتي لك.. أنك مآتسجلبه.. اذا هي يجيك الرآتب وانت با البيت..

وهذا محرم شرعآآ.

الشركه تبيك أسم فقط.. أنك موظف عندهم. يعني يستغلون اسمك با التأمينآت.. (السعوده الوهميه)

وهاذا يضر ك بحيث أنه محرم شرعآآ.

واذا تخرجت إن شاء الله.. مآيمشيلك حآفز.

ولو تبي تشتغل في شركآت الاغلب مآيقبلونك.. لآنك موضف . ومسجل اسمك.

وأنا انصحك مره ثآني تتركه لوجه الله..

با التوفيق لك وللجميع.

فلوسها حرام لاتبيها ، ولو كل شاب تركها كان اضطرو انهم يوظفون سعوديين من الخريجيين اللي جالسين في البيوت ومالينها .
تدري ليش اختارو طلاب الجامعات ، لانهم راح يقبلون باي راتب ، طالب الجامعة توه صغير واهله يصرفون عليه وتنزله مكافأة من الجامعة بعد ، فشيء طبيعي بيقبل بالف وميتين .
اللي متخرج من الجامعة وقاعد في بيتهم ما راح يقبل باقل من ثلاثة الاف ، الحد الادنى للاجور ، والرقم اللي راح يمكنه انه يفتح له بيت ويكون اسرة.
انت جامعي ما يهمك تفتح بيت ولا تكون اسرة اثناء دراستك في الجامعة، اما المتخرج هذي اولى اهتماماته لذلك راح يطالبهم براتب ثلاثة الآلاف .
شوف كيف التحايل والتلاعب على القانون كله عشان يوفرون الف وثمنمية ريال ما يعطونها السعودي.
مع انك ما راح تشتغل والمتخرج بيشتغل ، بس هم ما همهم ، هم شغلهم ماشي ماشي بالسعودي وبدونه ، لان شركات المقاولات هذي ما عليها رقابة ولا حسيب فعلي ، لذلك تلاقي اهم المشاريع في البلد متعطله ومتاخرة سنوات وسنوات ولا معبرين في احد، قرارات واوامر الملك نفسها ما نفذوها ، عندنا في منفوحة مشروع ممشى مصلى العيد بتلقىة حاطين لوحة كبيرة بقيمة العقد ومدة تنفيذ المشروع وكل المعلومات والحين مطوفين أم أمين المدة وتوهم ما أنجزو ولا 20% من المشروع حسبنا الله ونعم الوكيل يا رجل.

لا تبيهم وانصح كل اخوياك ومعارفك في الجامعة لا يسجلون معهم ، تراها كلها سنة وبتعرف كيف القهر والغبينة اذا تخرجت ورفضو يوظفونك الا بالفين مدري الفين وخمسمية ، أو عطو وظيفتك لطالب جامعة بالف وميتين وهو يقبل فيها اما انت تطلب حقك ثلاثة الاف.

اسال الجامعه عندها اشكاليه انها تدرس موظف ;)

لان اغلب شروط الجامعات انه مو موظف او اذا كان موظف يكون معه خطاب من العمل

ياخي روايه موب رد:q

ااقتبس من كلامك (( اللي متخرج من الجامعة وقاعد في بيتهم ما راح يقبل باقل من ثلاثة الاف))

3000 ترى وش تسوي لك يالغالي

نظحك على بعض يعني لاهي مزوجتك ولا جايبه لك سياره ولا شقه حتى
, انا اشتغلت بفندق رسبشن وطلعت منه عشان السعوده وبلاويها

ولعلمك كان راتبي 3750 والطباخ الهندي عندهم الي ماكمل كم شهر راتبه 6300:q

والسوري الي متوظفين انا وياه بنفس الاسبوع وحاطينه بقسم المبيعات وبدون شهاده في التسويق او بكالريوس اصلا اول راتب له 9 الاف وشوي + سياره 2012

هاخلوكم على الـ 3 الاف بارك الله فيكم

[grade="00008B FF6347 008000 4B0082"]لا لا لا لا لا والف لا[/grade] ههههههههههه اعصابي احس اني هورت اخووووووي ابعد عنها دام باقيلك سنه وتتخررج بعد اذا جيت تقدم يمكن مايقبلونك فاهم واول شي حررررررررررررررررررررررررررررم

لا هندي ولا سوري هذولا معاهم جناسي اوربية وامريكية ،
بعدين ال3 الاف ادري انها شوية لكن لو استاجرت لك شقه حول منفوحة بتسعة الاف في السنة وسيارة صغيرة ترى امورك بتمشي لانك بتلاقي راتبك راح يتضاعف بعد اربع سنوات ، الله يرزقكم من فضله ويغنيكم ويبعدكم عن الحرام

موضوعك عادي وهذا يرجع لك انت اذا تبي تسجل او لا وفيه فايدة لك بعدين الخبرة انك مسجل بالتامينات وايضا مبلغ التقاعد