السلام عليكم
احب اضيف لكم مميزات الجندي في حرس الحدود

8600 ريال لأن في حرس الحدود بدلات كثييره ..


1- راتب جندي حرس الحدود حديث التعيين 8600 ريال بالضبط ( طبعا للعاملين في المراكز الحدودية ) وينقص شي بسيط للعاملين بالمواقع الإدارية

نجي للمميزات اللي ياخذها جندي حرس الحدود
1- بدل مناطق نائية بواقع 35 %
2- بدل الإرهاب بواقع 25 %
3- بدل تضاريس بواقع 25%
4- صنف سائق أو صنف دورية أو صنف حاسب آلي بواقع 400 ريال
5- بدل شهادة ثانوية عامه بواقع 300 ريال
6- بدل خطرية
7- علاوة ميدان
8- بدل نقل
9- إعاشة دبل

يعني مميزات لا تعد ولا تحصى وكل هذي تاخذها اول ما تتعين .

ثالثا / طبيعة عمل حرس الحدود ينقسم لقسمين
1- ميداني .. وهو حراسة حدود المملكة العربية السعودية البرية والبحرية وحراسة الموانيء والمنشآت الحيوية بها
وبعضكم يخاف من العمل بها عشانها بعيده عن المناطق العمرانيه وانا حبيت اطمنكم أنه الخدمه الميدانيه بتلك المناطق محدده مابين سنتين إلى خمس سنوات يعني بعدها يحق لك النقل إلى أي قطاع او مكان قريب من أهلك وصدقوني غالبية الناس اللي يروحون هناك ماودهم ينقلون للمزايا الماليه اللي ذكرت فعشان كذاتلاقي عريف والا وكيل رقيب راتبه يوصل فوق 12 ألف ريال
وللمعلومية فقط إن العمل بحرس الحدود سوف يحظى بنقلة نوعية من حيث آلية العمل فيه والان جاري العمل في تطوير حرس الحدود من خلال منظومة متكامله يعني احتمال يتم الاستغناء عن الدوريات والمسح والاشياء اللي كنا متعودينها وتصبح مراقبة الحدود الكترونية وهذا راح يوفر الجهد والعناء على ضباط وأفراد حرس الحدود ... وطبعا هذا راح يفتح مجالات وظيفية كثيره وكمان راح يكون في تأهيل وإعداد للكوادر الموجوده حاليا .... يعني باختصار مستقبل التوظيف متجه حاليا لحرس الحدود


2- إداري .. وهذا يختص بالقطاعات والقيادات والمديرية وطبعا مو شرط يكون عندك تخصص إداري أو تكون حاسب آلي عشان تعمل هناك .. يعني ممكن تعمل هناك وانت توك متخرج

رابعا / آلية التسجيل في حرس الحدود هذي السنه ماراح تختلف كثير عن السنوات السابقة بمعنى انه التسجيل يكون بالموقع الالكتروني بعدها تجيك رسالة بالقبول المبدئي بعدها تروح تودي شهاداتك بعدها الكشف الطبي وبعدها التحليل المخبري .... الخ


خامسا / أي استفسارات اخرى عن حرس الحدود أقدر أجاوب عليها أنا ماعندي مانع واتمنى اني اخدم اخواني في هذا المجال وكل همي انه مايبقى أي أحد من أبناء وطني عاطل عن العمل

يعطيك العافية

ما شاء الله تبارك الله

الله يكثر من امثالك

الله يعافيكم

مشكورين ع التفاعل الطيب

ماشاءالله

الرواتب الصراحه كويسه

اتمنى للجميع التووفيق

ما شاء الله

موضوع جميل
وتفاصيل اجمل
ومشكور اخوي على الكلام
وكل عام وانت بخير

والله خوش معاش الله يوفقكم

كم راتب جندي حرس حدود قوات خاااصة

ماشاء الله رواتبه طيبه