حلول البطالة Unemployment Solutions - للهم والفقر اسرع طريقه للفرج

السلام عليكم ورحمة الله وبركاته

الي كل مهموم فقير عقيم مطلقه مظلوم حزين مفجوع بقولكم علي طريقه ماابي من وراها الا دعوه بالغيب ان الله يوفقني دنيا واخره وانك ترسلها لكل اللي تعرفهم شايلين هم :
اول شي بقولكم قصة زميلتي هذي كانت مره تعاني من فقر قوي ومتزوجه وعقيم وزوجها حبيب بس علي قد حاله مره زرتها وكانت تصيح لان الحموله يعايرونها بالعقيم ويخبون عيالها وكنا مشغلين التلفزيون علي قناه كان فيها المغامسي وكانت هذي الحلقه يذكر المغامسي فيه قصته مع الممرضه

المهم زميلتي شدها الموضوع انا صليت علي النبي الكريم اللهم صلي وسلم عليه ونسيت كل شي بمجرد رجوعي للبيت غير حزن زميلتي اللي مااملك الا ان ادعي لها بعد فتره اتصلت علي وبشرتني انها حامل ماصدقت فرحتلها من قلب لانها انسانه مره طيبه وكانت بتموت من الهم المهم بعدها بس باسبوع بشرتني انها جاتها بعثه مره فرحت لها وقلت لها ماشاء الله الافراح تجي مع بعض مثل الهموم قالت هذا فضل الصلاه علي الرسول تقول تذكرين يوم تجيني يوم نشوف حلقه المغامسي بصراحه انا حتي الحلقه مااذكرها بس ذكرتني فيها تقول جلست اصلي علي الرسول 100 مره باليوم وبعد كم يوم زدتهم لين صرت اصلي عليه 200 مره باليوم هذي اللي اعدهم غير اللي كلما ذكرت صليت عليه تقول والله اول شي حسيت براحه غريبه وبرودمن ناحية احزاني ماعاد يهمني كلام الناس احس من داخلي بسعاده ماعرف سببها تقول مره تعبت ورحت المستشفي وماصدقت يوم قالوا حامل لي لان ماخذت الا اسبوعين من الصلاه علي الرسول تقول عقبها الحيت ولزمت الصلاه عليه تقول والله يازميلتي ان مو بس دعواتي تستجاب ان حتي الشي في نفسي اتمناه مابعد دعيت والله القاه تقول مره كان نفسي اطلع لمطعم لان زوجها علي قد حاله مايطلعون كثير بس في نفس اليوم جا وقال مليت من اكل البيت يالله نطلع لاي مطعم تختارين تقول والله صرت اتعجب دعوات تجاب واماني تتحقق .
المهم:
انا نسيت كل هالكلام وسالفه صديقتي وفضل الصلاه على الرسول في كشف الكربات لكن يوم جاني هم مايطرى علي البال ومصيبه ماتوقعتها والله ضاقت ضاقت الارض علي كنت ودي اموت لحظتها بس قعدت ادور براسي شي اقدر اسويه مافي شي غير اني ذكرتها وكلامها وقعدت اصلي علي الرسول وعقلي مره بيطير من الهم واصلي واصلي والله ياجماعه اليوم الثاني كان فيه تقرير للمصيبه المهم عدت علي خير مع لو اقصها لكم كان قلتم مالك الا الله وغيره محد يحلها بس الحمدالله جا من الله الفرج وعدت وسجدت شكر لله لكن عرفت فضل الصلاه علي النبي ولزمته باقي الايام مع انو ماكان عندي الحمدالله غير هالهم اللي فرجه الله والله ياجماعه شي موطبيعي والله مو طبيعي دعواتك تجاب امنياتك تتحقق بس اهم شي ياجماعه:
اتركو كل حرام شلون بتذكر الله ورسوله وتعصيهم
اذكروا الله وواستغفروه والزمو الصلاه بوقتها
والزمو الصلاه علي الرسول لان من صلي عليه مره صلي الله عليه عشر كيف اذا لزمت الصلاه عليه
بتكون من الله قريب
وبتشوفون شلون همكم يزول بس اذا تفرج همكم لاتنسو كملو والله تحسو انكم مثل اللي يطلع درج امنياتكم تتحقق راحه نفسيه عجيبه وكل هم يتفرج
اللهم صل علي محمد وعلي ال محمد كما صليت علي ابراهيم وعلي ال ابراهيم انك حميد مجيد

عَنْ أُبَيِّ بْنِ كَعْبٍ رضي الله عنه قَالَ : قُلْتُ : يَا رَسُولَ اللَّهِ إِنِّي أُكْثِرُ الصَّلَاةَ عَلَيْكَ فَكَمْ أَجْعَلُ لَكَ مِنْ صَلَاتِي ؟ فَقَالَ : مَا شِئْتَ . قَالَ قُلْتُ الرُّبُعَ ؟ قَالَ : مَا شِئْتَ فَإِنْ زِدْتَ فَهُوَ خَيْرٌ لَكَ . قُلْتُ النِّصْفَ ؟ قَالَ : مَا شِئْتَ فَإِنْ زِدْتَ فَهُوَ خَيْرٌ لَكَ . قَالَ قُلْتُ فَالثُّلُثَيْنِ ؟ قَالَ : مَا شِئْتَ فَإِنْ زِدْتَ فَهُوَ خَيْرٌ لَكَ . قُلْتُ أَجْعَلُ لَكَ صَلَاتِي كُلَّهَا ؟ قَالَ : إِذًا تُكْفَى هَمَّكَ وَيُغْفَرُ لَكَ ذَنْبُكَ .
وقال ابن علان البكري رحمه الله :
" ووجه كفاية المهمات بصرف ذلك الزمن إلى الصلاة عليه : أنها مشتملة على امتثال أمر اللّه تعالى ، وعلى ذكره وتعظيمه ، وتعظيم رسوله ، ففي الحقيقة لم يفت بذلك الصرف شيء على المصلي ، بل حصل له بتعرضه بذلك الثناء الأعظم أفضل مما كان يدعو به لنفسه ، وحصل له مع ذلك صلاة اللّه وملائكته عليه عشراً ، مع ما انضم لذلك من الثواب الذي لا يوازيه ثواب ، فأيّ فوائد أعظم من هذه الفوائد ؟ ومتى يظفر المتعبد بمثلها ، فضلا عن أنفَسَ منها ؟ وأنى يوازي دعاؤه لنفسه واحدة من تلك الفضائل التي ليس لها مماثل ؟ "
انتهى بتصرف .
"دليل الفالحين لطرق رياض الصالحين" (5/6-7)
وقال الشوكاني رحمه الله :
" قوله : ( إذن تكفى همك ويغفر ذنبك ) في هاتين الخصلتين جماع خير الدنيا والآخرة ؛ فإن من كفاه الله همه سلم من محن الدنيا وعوارضها ؛ لأن كل محنة لا بد لها من تأثير الهم وإن كانت يسيرة . ومن غفر الله ذنبه سلم من محن الآخرة ؛ لأنه لا يوبق العبد فيها إلا ذنوبه " انتهى .
"تحفة الذاكرين" (ص 45)
للامانه خواتي الموضوع منقول دعواتكم لي بتفريج همي

الله يوفقكم بالوظيفه