» استفسار من اهل الخبره في تاجير المعدات
ياجماعه انا في راسي اشتري لي راس تريله واقدم علي سواق مع صندوق قلاب او ثلاجه او ستارة ابي منكم النصيحة ويش تنصحوني اخد مرسيدس (ادا كان مرسيدس اي حجم الي يتحمل وقير عادي لو كهرب) ولا افيكو ولا مان (بأجرها على شركة بسواق ) والسؤال الثاني ايش اكثر شي تاخده الشركات لاني مابسوقه ابي ادخله بعقد مع شركة بسواق (القلاب ولا الستارة ولا الثلاجة) الرجاء اقتراحاتكم الله يجزاكم خير
|
هلا اخوي خالد ...
بالنسبه للشغل طال عمرك افظل شي القلاب واجاراته من ١٨ الف وفوق على حسب حجم الصندوق ... اما الثلاجه ماله شغل ابد ولا فيه شركه تستقبلها والستاره مدري وشهي صراحه يمكن قصدك ( الجوانب ). ؟ اذا هاذا قصدك فشغلها ضعيف ولاتجيب همها طيع شوري وخذلك راس مرسيدس من موديل ٩٥ وتحت طراز / ١٩٣٥ او ١٧٣٥ او ١٩٣٨ او ٢٠٣٨ هاذي من افظل الطرازات قير عايدي سست واما الصندوق خذ حجم ٢٤ او ٢٦ قاعده ١٦ هاذا اللي انا اعرف والله يكتبلك اللي فيه الخير .... |
طيب البوب كات والله في راسي بس ودي اعرف كيف شغله مزبوط
|
القلاب افضل واسال ابو بكس وماقصر اخونا تجيبك الايام
|
بالتوفيق الله يرزقك
|
أنصحك ب القلاًب ، مثل ماقال الاخ الي قبلي .. من 18 ألف وفوق ،، اعررف واحد قبل فتره اشتغل فيها والله رزززقه ..
وبالتوفيق لك .. |
القلاب إذا انت بتسوقه راح تعين خير إن شاء الله اما إذا بتعطيه سواق يعوض الله عليك إلا إذا كان عندك 3 قلابات علشان إذا خرب واحد الثاني يكون شغال وانتبه لحد يدري عنك ... والبوب كات لازم تشتري معاه دينه او ونيت علشان إذا جاك شغل هنا او هنا تكون جاهز وشغلها حلو تقريبا من 6000 وانت طالع وعلى حسب مده المشروع او المقاوله إلى راح تمسكها ... والله يوفقك إن شاء الله
الاسعار القلابات من 250 ألف وانصحك بأبو بوز مع اني ماراح تحصله لانه انقرضت من البلد ههههههه بسبب كثره الطلب عليها وماشاء الله خراب انسى بس تغير كفرات البوب كات من 50 ألف وانت طالع وافضل لك تعطيه شركة تستأجره منك من 8000 وريح راسك إن شاء الله اكون افدتك بشي |
اقتباس:
دلني عليها ولك الحلاوة |
مـــتــــابــــــــــــــــــع
|
التريله بلاويها كثيره .. كل يوم داق عليك السواق يقول ضرب كفر .. تعطل قير تعطلت طرمبه تعطل بستم .. إلخ
الأفضل تشتري لك بوب كات وكالة بـ تسعين الف S130 وتركب له جهاز تتبع وتأجره على اي شركه اذا كان السواق من عندك يستاجرونه بـ 6500 وراتب السواق بـ 2500 ،، مصاريفها ماتجي فوق الـ300 شهرياً من زيت وديزل وفلاتر وبعض المقاولين يستاجرونه يومي بـ 300 ريال بالتوفيق |
الساعة الآن 02:33 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين