تجربتي مع بنك التسليف ( مسار التميز ) :d




السلام عليكم ورحمة الله وبركآته .. :ash:


طبعاً أحب أقولكم أن هالموضوع أتمنى يكون ( موضوع دردشة بخصوص مسآر التميز بنك التسليف ) ..
والمراحل اللي تمر فيهآ و تجاربنآ في التقديم .. الى مآوصلنآ فيه الآن ..
وراح أبدا أنا بتجربتي مع بنك التسليف - مسآر التميز .. :)




طبعاً أنا كانت بداية فكرتي من قسم المشآريع .. بعد ما اطلعت على بعض من المشاريع ،
وتشجعت أكثر أن يكون لي مشروعي الخاص فيني .. :tsfiq:
بدأت أفكر في بعض المشاريع اللي أحس أني راح أبدع فيها .. :confused:
إلى أن وجدت الفكرة آللي جآزت لي .. :rolleyes:
وبديت بـ دراسة للمشروع .. بشكل مبسط جداً .. لدرجة أن فيه أشياء كثيرة ماكنت حاسب حسابها ..


وكنت وقتها في بداية رمضآن في عام 1432 ، العام اللي فآت .. :Looking:


آلمهم : بدأت في تجميع المعلومات والسؤآل وبدأت خبرتي تزيد بالموضوع وبدأت تتفتح في بالي كثير أمور عن المشروع ..


وفي نفس الوقت أخذت دورة تدريبية في الجامعة ( جات في وقتها ) كان اسمها " إعداد خطة عمل لمشروع استثماري " .. ;)
كان محآضر الدورة الاستاذ ( محمد العويد ) المشرف العام على المنافسة الوطنية لإعداد خطط عمل المشاريع التجاريه ..

الزبده ، :d

كآنت المحاضره بصراحة : مفييييدة بشكل كبير ووسعت في بالي كثير أشياء تخص المشاريع الاستثماريه وطريقة عملها ، و اشتراطاتها وتكاليفها الحقيقة ..
وسمحوا لنا نسال الاستاذ محمد العويد بعد المحاضره وكان كثير متجاوب و يساعد وفعلاً شخص يبي يساعد ..

كان في نفس المحاضره توزيع حقائب تدريبية وكان محتواها كالتالي :

• بروشورات تعريفية بالمنافسة الوطنية .
• دفتر ملاحظات .
• كتاب إسمه ( الطريق إلى السوق - اعداد الدكتور خالد الزامل ) للتحميل اضغط هنا ..

اللي فادني بالدورة ككل ( الكتاب ) .. :d
حقيقة كتاب مميز جداً يعطيك طريقة اعداد خطة عمل " دراسة جدوى " في 50 خطوة سهله ومفهومه وواضحة .. " تعمل دراسة جدوى " بدون اي تكاليف او مجهود كبير .. وتوسع نظرتك للمشروع من كل الجهات .. وتفهم مشروعك صح .. :rolleyes:

بالنسبة لمراحل طلبي في التمويل الى الآن : :s
مر طلبي للتمويل بعدة مراحل .. من تاريخ التقديم 16/10/1432 هـ .. :q
وأصعب مرحلة كآنت المقابلة الشخصية اللي كانت بشهر 3 من عام 1433 .. :Looking:
وكآنت المقابلة كالتالي :
تدخل للجنة مكونة من 3 أشخاص .. يعطيك ورقة ( مكتوب فيها الاسم والعمر والمؤهلات ولماذا اخترت المشروع ومسار المشروع ) ..
وتقعد تتكلم عن نفسك وعن مشروعك وعن ( مايميز مشروعك عن بقية المشاريع ) ..
وبعدين يبدا شخص ثاني يتكلم معك عن التكاليف المالية ويدخل بالتعقيدات .. يحاول يعقدك .. :r
أهم شيء تكون عندك " ثقة بنفسك " وماتوقف عند نقطة معينه وتسكت .. :tsfiq:
لأن هذا كله له تقييم .. :rolleyes:
والحمدلله اجتزت المقابلة :ash:
وهذي صورة من المراحل .. الى تآريخ اليوم 21/9/1433 هـ


http://im19.gulfup.com/2012-08-09/1344482889481.png




والموضوع هذا يعتبر دردشة رمضآنية بسيطة .. ودي الكل يشارك فيها ونقطع روتين الأسئلة المتكررة وتكون هنا أخر اخبارنآ و أخر ماصار معنا من مستجدات ..
وبالتوفيق للجميع :tsfiq:


^_^

المشاركة الأصلية كتبت بواسطة ابتسم دائماً (المشاركة 6633518) اخوي الشعرا ماارسلو لك اختيارهم للمكتب اللي يعمل الدراسة ؟ سمعت انهم بيرسلون ؟!

المشاركة الأصلية كتبت بواسطة ابتسم دائماً (المشاركة 6633488) وعليكم السلام .... انا تجربتي من العام الماضي قدمت عليهم وبعد ماجمعت معلوماتي عن المشروع وتكاليفه والخ كل ماادخلت المعلومات المطلوبه بموقع البنك بالنت اما تنمسح او تتغير الارقام لوحدها وفي الاخير تركتها كما هي بعد احباط وعناء ..تابعتهم حتى المقابلة الشخصيه حيث انها مفترق طرق ..حيث وصلتني رسالة على جوالي في وقت ضيق بعد فترة من التقديم وترددت بالسفر لهم وبعد الاستخاره ذهبت اليهم وعددهم ثمانية اشخاص يسألوني عن جدوى المشروع ولماذا اخترته ولماذا لم يختاره غيرك وكيف تسوق للمنتج وعن التكاليف والخبرات السابقه والخ. فالحمدلله كنت ملم بالموضوع واجاباتي موفقه وثقتي بنفسي موجوده... المقابلة تقريبا لم تستغرق عشره دقايق ... والان الحمدلله تجاوزتها وتجاوزت مفاضله المشاريع ومطلوب مني الان عمل دراسة جدوى مستقله ؟!! 8 نتيجة الإجراء : مطلوب دراسة جدوى مستقلة تاريخ الإجراء : 14330914 الملاحظات:

المشاركة الأصلية كتبت بواسطة الشعرا (المشاركة 6633491) فكرة جيدة جدا وموضوع جميل أخي الفاضل : إذا قلت لك تقريبا أن 90 ٪ مما قمت به حدث لي مثلة ما عدا الدورة التي أخذتها سبحان الله وأنا أقرأ هذا الموضوع كأن الذي يكتب يكتب عني انا كل شيء في مراحل التقديم متطابقة معك تماما ما عدا المرحلة رقم 8 كاتبين لي * * * * * * 8 نتيجة الإجراء : مطلوب دراسة جدوى مستقلة * ** *تاريخ الإجراء : 14330914 الملاحظات:* * هذا والله الموفق

المشاركة الأصلية كتبت بواسطة الشعرا (المشاركة 6633613) بإذن الله سوف اعمل بنصيحتك وسوف أقرأ هذا الكتاب في القريب العاجل

المشاركة الأصلية كتبت بواسطة جبال شامخه (المشاركة 6634417) تم تحميل الكتاب جزاك خيرا الله وبارك الله فيك