حسبي الله ونعم الوكيل على من كان السبب
السلام عليكم حابه افضفض لكم لأني حزينه باالمره على حياتي انا واهلي والسبب صديق ابوي الي كشفناه متأخرانه كان سبب في عدابنا سنين طوووويله باالسحر تخيلو هو بنفسه يسوي السحر في بيته وفي الأوديه واماكن مهجوره بدم الغنم او الحمام والشعر واشياء غريبه كنت اشوفه ومستغربه وش قاعد يسوي ماكنت اعرف انه كدا ومو باين عليه انه ساحرلأنه مسوي نفسه شيخ واغلب كلامه في الدين المصيبه انه سحر ابوي من زمان الحين عايلتنا كلها مسحوره نعاني من امراض مالها علاج وغريبه ودين وفقر وتفكك ومشاكل كثيره كثيررره وكره وبدون دراسه او وظائف او بيت او زواج مع انا كبار وتعبانين مانقدر نسمع القران او الرقيه وانقرا فيه شيوخ مستمرين معانا بس الين الحين مافيه تحسن بس عرفنا انه اسحار مدفونه من الشيوخ وكلهم اجمعو انه الي فينا سحر والله مقهوره بلغنا الهيئه من سنه وماسوو اي شئ والساحر مو لاقي احد يوقفه وربي شفته مع الشباك الساعه 1 اخر الليل يصب مويه عند باب جارنا وكان متوتر وخايف لايكون احد يشوفه وش نسوي ياناس احس انا قربنا نموت من القهر والتعب والحزن حسبي الله ونعم الوكيل فيه الله يفضحه عاجلا غير اجل يارب .
|
عليكم السلام ورحمة الله وبركاتة
الله يشفيكم يارب انتي من وين اذا المدينة او الجنوب فية شيوخ ادلك عليهم |
الله يشفيكم الشفاء العاجل حسبي الله ونعم الوكيل
|
حسبي الله ونعم الوكيل على كل ساحر وظالم وجبار
عليكم بقيام الليل ودعاء الله ثم البقرة قدر المستطاع وعن تجربة والله ماراح تحتاجون للمشايخ برضو كل صباح 3 او 5 او الاكمل 7 تمرات مع ملعقة طعام زيت زيتون مع كاسة موية زمزم وان قدرتي اخلطي مع كاسة الزمزم ملعقة عسل سدرة . المطلوب بس التمسك بحبل الله المحافظة على الفروض في وقتها والسنن الرواتب والاذكار صباح مساء والله وبالله وتالله وعن تجربة أحكيك إنه لاساحر ولاغيره يقدر يسوي شيء إذا الله ما أراد لكن الله أراد هالشيء وأكيد خيره لكم بإذن الله واللي مدفون حاولوا ترشوا موية وملح في المكان اللي تخافون منه او تحسون انه فيه شيء وبرضو مداخل البيت ومخارجه والاركان لاتيأسوا أبداً ولاتستلموا شوفي الله وش يقول لإبليس ( إن عبادي ليس لك عليهم سلطان إلا من اتبعك من الغاوين ) وكمان ( إِنَّ كَيْدَ الشَّيْطَانِ كَانَ ضَعِيفاً ) إذا الشيطان نفسه هو عبد لإبليس فهو اكيد بيكون ضعيف لكن احنا الحمد لله عبيد لله تعالى اللي خلق ابليس وخلق شياطينه اللي اتبعوه كمان الدعاء لاو أصيكم عليه " رب إني مسني الضر وأنت أرحم الراحمين " " لاإله إلا أنت سبحانك إني كنت من الظالمين " : وكمان كرروا دوم حسبنا الله ونعم الوكيل ولاتنسوا البسملة في اكلكم وشربكم استبشروا خير فالله سبحانه وتعالى مايوقع أمر على عبده إلا وفيه خير هذا تجربتي والحمد لله من تحسن لتحسن والله ما احتجت لمشايخ إلا يمكن 3 مرات وبعدها خلاص كنت أدعي ربي يرزقني العزيمة والقوة والإرادة لأجل اتغلب بنفسي لأنه لو ماكان الشخص مقتنع انه بيتعالج والله لو تجيب له وحيد عبدالسلام بنفسه ماراح يتعالج لأنه هو مو مقتنع بفكرة العلاج او انه صار يؤوس .. وعلى الأقل انتوا صديق ابوكم احنا عم ابويا وامي ينقال له جدنا عليهم من الله مايستحقون بحق هالليالي المباركة وبإذن الله تبشريني باللي يسركم |
قال الله تعالى ( وما هم بضارين به من أحد إلا بإذن الله )
وقال الله تعالى ( وَلَا يُفْلِحُ السَّاحِرُ حَيْثُ أَتَى ) عليك بالدعاء والتضرع والانكسار بين يدي لله سبحانه ,, فالموحد اذا مسه ضر يلجأ الى من بيده النفع والضر قال الله تعالى ( وإن يمسسك الله بضر فلا كاشف له إلا هو ) حسبي الله ونعم الوكيل عدد حبات الرمل وقطرات المطر واوراق الشجر على كل ساحر ,, |
رددي حسبي الله ونعم الوكيل بشكل كبير وبكل وقت
الله رح يكفيكم شره لكن شدو على أنفسكم بالذكر والقران الله يفرجها عليكم |
حسبي الله ونعم الوكيل
|
طيب والي مسوي السحر يكوون ابو الام ووش بتقولون؟؟؟؟؟؟؟
حسبنى الله ونعم الوكيل على كل سآآآآحر اللهم بقدرتك وعزتك وجلالك دمرهم بقوتك انه لا يعجزك شي لا حول ولا قوة إلا بالله |
حسبي الله ونعم الوكيل
|
في شيخ من زملاء الشيخ المقبل يرسل لك طرق فك السحر بالقرآن ووصفات ثانية من السنة ، إذا تبغين رقمه ارسلت لك اياه عالخاص ، مع إني أفضل تروحون له بأنفسكم لو قدرتوا .. بالنسبة للهيئة ما تتعاون مع أحد بهالمواضيع إذا ماعندك بينة عالساحر وممكن الساحر إذا ماعليه ممسك يرفع عليك قضية ردة إعتبار تاخذين فيها سجن بأنتبهي إلا إذا ماسكة عليه شي والله يشفيكم ويعافيكم
|
الساعة الآن 07:01 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين