نطالب بالشفافيه في توزيع المعلمات علي القطاعات
 

رايكم في توزيع المعلمات علي القطاعات عادل ام لا؟

ونطالب بالشفافيه في توزيع المعلمات علي القطاعات

مثلا

الأسم النسبه القطاع حسب النسبه الاعلي الاقرب فالابعد

فلانه بنت فلان 93% جده

فلانه بنت فلان 92.5% بحره


لازم نخاف من الله اكثر ونحطه امامنا بكل امورنا بعيدا عن الفساد الإداري (واسطات محسوبيات ....) وبالتالي الكل يصبح راضي علي وضعه طبعا الي خلاني اقول كذا لاحظت في كثير من توزيعات المناطق مبهم المضوع ناس في قري وناس في هجر وناس في مدن وش الوضع هنا نبي نفهمه واتوقع من حق كل معلمه تعرف شلون ترشيحها سار كذا


اتمني النقاش البناء الهادف من الجميع
أسال الله ان يختم بالصالحات اعمالنا

الله يعين ،،،، ادارة تبوك لسه نايمة ولا طلع لنا اي توجيه

انا باخر رغبه مع ان عندي خبره 3 سنوات وخريجه من 5 سنوات وتقديري جيد جدا

فيه ظلم والله انا من الرياض وحطوني بعقلة الصقور = علة الصدور :(:(:(:(

انا من الدفعه الاولى يعني نقاطي مرتفعه
وفي توزيع القطاعات انا اخر ٤ مرشحات
تخيلتوووو

جده لسه نايمين

حبيباتي ... مو شرط ان نقاطك مرتفعه يعني انك تكونين بالرغبه الاولى

وحتى لو انتي من الدفعه الاولى فيه ناس اعلى منك يالغاليه

والحين ماحطونا الا بعد مانقلوا المعلمات واكيد الاغلبيه يكونون بنفس المدينه

واحيانا محافظات تحتاج تخصص اكثر فمثلا وحده نقاطها عاليه بس التخصص مطلوب بمحافظه اكثر من مدينه

والعكس صحيح فهمتي حبيبتي

فعلا صادقة

انا حطوني الرغبة الثانية مع ان لي سكن وخبرات في الرغبة الاولى

بس احمد الله واشكره مابغى يجي تعيين لنا

و الله ما في شفافية
أنا معدلي من الخمسة الأوائل على تخصصي وحطوني في منطقة نائية ايش رايك

واكبر دليل على عدم الشفافيه لم يتم اعلان اسماء المعييينات الجدد
في الرياض اكتفو فقط بالرسائل ........ واحذفونا 150 كيلو يمكن الخرج اقرب

هلا اختي وشاكره لك مرورك

بس تبين تقنعيني انه الوضع اوكي بالادرات التعليميه تري فيها فساد ورشاوي مايعلمه الا الله الا من رحم ربي

وهل تتوقعي الشفافيه والوضوح باعلان نسب كل معلمه امام قطاعها شيء سلبي اتمني ان تكون نظرتنا اوسع للموضوع ........