في كل عيد سعودي!!
 

#في كل عيد سعودي
البزران مجتمين متربعين على الارض يعدون فلوسهم والسؤال الاكثر انتشارا ( كم جمعت )



# في كل عيد سعودي
تجيك وحدة تقول مدري ليه ما أحس انه عيد"

# في كل عيد سعودي
العصر وقت الغيبوبه الجماعيه =))



# في كل عيد سعودي
شايب مايعرف الناس الا بأمهاتهم. عبدالرحمن ولد حصة؟ الله اذكرها كنها البارحه وهي تراكض وشعرها كاش ومخاطتها مسوية علامة صح من انفها الى نهاية خدها وهي طايرة ومبسوطه



# في كل عيد سعودي
لازم تقول لواحد والله مانمت الا ثلاث ساعات .. يجي يرد عليك يقول إيه وانا مانمت الا ساعتين .. ترا والله عادي مو تحدي



# في كل عيد سعودي

تكون جالس مع اهلك وسوالف وميانه وبعد صلاة العيد لازم تسلم على اهلك كأنك من زمان ماشفتهم وتكون مستحي مدري ليه =))



# في كل عيد سعودي
ذيك العجوز تقول اعطيك ولا كبرت عن العيديه يعني تنكتين ؟! فلوس مافيها كبير ولا صغير=))"



# في كل عيد سعودي
تسلم على بزر وتحبه ولما تبي تفك ايدك تتفاجئ إن يدك لصقت بيدة من كثر الحلاو



# في كل عيد سعودي
أزدحآم شديد و أختناقات مروريه عند دورات الميآه في البيت،كل واحد يقول أنا بتروش أول !!



# في كل عيد سعودي
بـزر غبي و وجهه كنه مرتبة سيكل و لابس ثوب و شماغ أكبر منه… ومع كذا يبثرونك فيه عائلته بالتصوير كنه بيونسيه !! 




# في كل عيد سعودي
بعد ماياذن الفجر يجيك ظريف العايله يقولك ترا اذذذذن.




# في كل عيد سعودي
مايجي العصر إلا وهم متصرعين بكل مكان كأنهم مبخوخين بفليت




# في كل عيد سعودي
لازم كل بنت صغيرة معها شنطة !!




# في كل عيد سعودي
رجال مشبص رقبته لايلتفت لايمين ولايسار واذا جاء يأخذ الشاهي سوا هبوط لكل جسمه =))




# في كل عيد سعودي
غرف البنات تنقلب غرف سَحَره من كثرة دخان الاستشوار خاصة * وقت الفجر *




# في كل عيد سعودي
اصوات عاليه تقول ،، اطلعوا في حريم بيسلمون على ابوي هههههههه


[motr]:d:d:d:rolleyes::rolleyes::rolleyes:[/motr]

امين يارب شكرا
على المرور

يـ زينها من ايام اذكر جدتي الله يرحمها ويوسع مدخلها
بععد صلاة العيد تقول تعال يـ وليدي خلني اعطرك وش العطر كلونيا:d:i

هههه
من جد

عوافي ع الموضوع

# في كل عيد سعودي
غرف البنات تنقلب غرف سَحَره من كثرة دخان الاستشوار خاصة * وقت الفجر *
هههههههههههههههههههههههههههه

ههههههههه نفس اللي يصير عندنا

الله يعطيك العافية

كل عام وانتم بخير

هههههههههههههههههههههههههههههه

الله يرحمها ياحليلها :m:w

جدتي الله يرحمها مدري العيد كيف بدونها :cry: كانت توصي العيال يشترون لها كرتون صغير فيه صور وحركات حلووو وتحط جوته بسكوته وريال وحلاوه :c وتوزعه ع الاطفال اللي يعيدوها :cry:

ياحبيبتي ياجدة حنفقدك :u

شكرا لي مروركم الطيب واسعدني كثير
[motr]وكل عام وانتم بخير[/motr]

صحيح نحن الشعب الوحيد الذي يستهزئي من نفسه ليه مادري وين العيب
نحن بدل مانجعل السعودي مرفوع الراس صرنا نتريق على انفسنا و نجعلنا اضحوكه لكل الناس في تويتر و المنتديات و الفيس بوك و اغلب مواقع التواصل الاجتماعي
يعني مثال تويتر في كل عيد سعودي
و مافي الا في السعودية و غيرها كثير

هذا اسمه استخفاف وهزل

وبعدين ماهو كل الناس تعيش حياتها مزح في مزح زي ما نشوف في الوسائل

صحيح بعض هالاشياء حاصلة في المجتمع ,, ولكن من الغباااااء ان تنشر أو يتم التركيز عليها

او النظره لها بالانتقاص والهزل

يا أخوان أقلية تستغل الاكثرية في التشويه لسعودية وهو لا يشعر بالتشويه ....


على الاقل خلوها بينكم وبين انفسكم .. والله وقعت في ملاكشات كثيرة بسبب هذه المنشورات مع ناس غير سعوديين ..


يا أخــوان تبغون يجي يوم من الايام ونصير علامة لسخرية في كل مجال

لانكم تركتم كل المجالات هي لسخريه .. في العيد وفي رمضان وفي المدرسة وفي السفر وفي البدو وفي الحضر .......!!!!!!


انشروا شي من صالح هذا المجتمع الكبيييير الــ20 مليون سعودي


ولا تنسون انكم القدوه للاسلام ومضرب مثل للعالم

خلو عندكم شوية طموح

ماهو كل شوي والثاني منزل سعودي هههه وسعودي ههههه
حتى مسلسلاتنا سخيفة كأن المزح حاجة مقدسه عندنا وياليتنا مبدعين فيها
ماهو لازم الضحك وحقيقة الحياة مبكية

شوية طموووح بالله ..!

اعوذ بالله وصلنا درجة بالسخافة لا تطاق ..!


وجهة نظر

ههههههههههههه

يعطيك العافيه

سبب من الاسباب خلاني اتكلم عن كل الاسباب

انا ماقصدي هي بذاتها ولكنها سمه من سمات صديقاتها المنشورات في البرودكاست والوسائل الاخرى .......

انا اعرف انها ماهي استهزاء بس غيرك شكّلها في نظره استهزاء ونحن اغنياء عن ذلك

وتفاصيل حياتنا شحنات تحمل السالبة والموجبة لو عملت للفائدة كونت طاقة تضع مقبضيها على دفة التقدم والارتياد ........ اما لو اختلت هذه الشحنات فستصبح تياراً لا يترك خلفه إلا الحطام

وصراحة كلمتك نفتخر بها والعالم يفتخر بالتقدم وتطور الصناعات من الصواريخ والمكوكات والطيارات !!
شي محزن .................................


كلنا نحب المزح والهيصه بس ماهي لدرجه المبالغ بها


على كل الاحوال كــل عــــام وانت والمسملين بألف خير

اسجل إعجابي الشديد بردود العضو فيض الشقا إلى الامام

هذا بعض من حسنات ما عندك وعند اخواني , مع الحظ الوافر ان رضي الله بها

اشكرك على الاشاده واتمنى لو كنت استاهلها حقاً ...