اللهم امين وياك ، المساهمات العقارية

اللائحة المنظمة لممارسة نشاط سيارات الأجرة

إضغط هـُنا

بالتوفيق بس وش رايك بمشروع أنا في نظري افضل الى وهوى السطحة

ركبت مع راعي سطحة سعودي شرواك وقالي كان يكد بالمزين ويقول تعب وقروشة وفلوس طفسة

أما السطحة ينقل بين المدن وياخذها ضربة وحده على حسب المسافة

وكان معة دينا وباعها وشرى جمس يقول أريح وركبت معة كنها سيارتي مافرقت ومبسوط للأخر

ونصحني بالسطحة

ولك منى فائق التقدير مع العلم انني لم اجرب اي المشرعين ودمت بخير

اخوي الله يوفقك وين ماكنت

انا حاب اضيف شغله وحده

انه اي واحد يركب معاك تعطيه رقمك وتقوله اي وقت تبي مشوار اتصل علي

الله يوفقك زرار

[align=center]
انا معي لموزين

اول نصيحة خذ لك موتر اوتوماتيك

واخذ لك انوفا سيارة عائلية و كبيرة تسع لـ 8 اشخاص طبعاً

قيمتها في الوكالة بحدود 76 الف

يمكن تكلفك متكسه جاهزهه بحدود 81 الف ريال

والله يوفقكك و التكسي فيهه خيييير و الله الحمد اليوميه من العصر لحد الساعة 11 بعد توفيق الله تحصل 250 ريال
[/align]

الليموزين فيه خير ويقدر يطلع باليوم 300 ريال بالراحة اقولكم كيف

انا عندي كورلا 2004 واتكس عليها مشاوير وهي خاصة وادخل 200 ريال

اجل لو صار معي ليموزين كم ادخل

لانه صاحب السياره الخاصة مايركبون معه العوايل وكذلك الناس يتخوفون

ومع ذلك ادخل 200 ريال يوم كنت عاطل

الان انا موظف دوامين وادخل من 60 الى 120 في وسط الاسبوع

يوم الخميس والجمعة مو اقل من 100 ريال


يعتمد على الشخص نفسه

لازم تعرف متى تشتغل ووين تلف

تشتغل من بعد صلاة الفجر مباشرة الين 9 الصبح وتوقف

وتشتغل من بعد العصر الى اخر الليل


فيها خير


والميزة الي فيها

ممكن تتعرف على كم شخص توديه وترجعه ووتعرف على كم واحد وخلاص بلا لفلفه اذا ماكنت تتحمل للفله

وتدخل مصروف بيتك حتى لو كنت متزوج وزود


عن تجربة وانا لسى اشتغل وسيارتي خاصة


بالتوفيق


ترا الشغل مافيه عيب

[align=right]
ومن ناحيه ثانيه .. لو تبي ترتبط مع ناس حط في بالك شغله يالغالي،
مثلاً هالشخص نقدر نقول في الخليج ويبغى حي أشبيليـا يعني 15 ريال أو 10
طيب دق عليك وأنت في شمال الريـاض مثلا او جنوب الرياض يعني بعيد وقلت خلاص بجيك!!
بكذا انت ربطت نفسك معه ويمكن تجي من الشمال فاضي إلين الخليج ، وأنت با أمكانك تلف في الشمال لين تحصل مشوار وتروح له أفضل من انك ترتبط مع احد تجيّه ويضيع عليك الوقت وانت ممكن تستفيده في المنطقه الي اخر مانزلت فيها زبونك
هذي نقطه حطها في بـالك، وشوف اكثر الاجانب مايرتبطون معك لأنهم يدرون انها خساره وضياعة وقت له
ألا في بعض الحالات في ناس تدفع فـ كذا ماهو خساره تدفع يعني .. حق المشوار دبل أو تزيد عليه زياده طيبه
يعني تستاهل أنك تعاملهم وتجي لهم لأنهم مكسب
[/align]

يعطيك العافية عبادي ، للحفظ الملف