هلا ام نوسه ..

في مدارس تحدد الوان التنورة والبلايز اي شي اهم شي مايكون لونها صارخ ..

بس مو كل المدارس تمشي ع هالنظام في ملتزمين ومعقدين( نفسيه) المعلمات بألوان محدده وفيه مدارس لا اهم شي يكون طويل وساتر ..

اختي معلمه مديرتها محدد لون التنورة اسود وبني وجينز غامق فقطططط لاغير هذا وهي تدرس في قريه يعني حتى القرى ممكن تلاقي فيها مديرات متشددات .. واصلا مافي قرار يقول لازم الوان معينه للمعلمات بس ماعرف بعض المدارس ليه تحب التعقيد :Looking:

طيب الحين الاهم وش نودي معنا مسجل عشان القرأن او لاب توب وطابعة اشياء ضروريه للشرح مدري كيف النظام بالقرى

للاسف مهما اتجهزنا ماراح نعرف الوضع الا بعد ما نبدأ العمل

لذلك كل وحدة تاخذ الاساسيات المهمة .. من ملابس و ادوات مكتبية و سائل تعليمية و غيرها


وكمان اعتقد الان اغلب شغل المعلمات يتطلب وجود نت .. لذلك لازم توفروه لو عن طريق الكونكت ..

كمان وانتوا بكرامة الجزم راعوا انها تكون مريحة خاصة لمعلمات رياض الاطفال و يفضل انها تكون بدون كعب ..

و ارتداء ملابس مريحة تمكنها من الحركة بأي وقت ..

ايش كماااان ..

لا تنسون الكريم الواقي من الشمس لاننا بننكرف تحت الشمس و افضل شي درجة spf تكون عالية فوق ال60 ..

بالنسبة لمعلمات القرى البعيدة عن الخدمات .. لازم تجهزوا اغراض تكفيكم لفترة .. بحيث ما تخلص عليكم .. و مثلا كل اسبوعين او كل شهر تروحون المدينة تقضون اشياء للشهر اللي بعده ..



بمجرد وصول كل وحدة لمكان توجيهها الله يعينها تدور سواق طبعا للي ماعندها .. وتسأل عن مكان ادارة التربية والتعليم قبل ما تروح لها عشان يكون كل شي منظم ..

لا تنسون كل وحدة تاخذ معاها شنطة اسعافات أولية .. احتياطا ..خاصه للي في القرى


ربي يكون بالعون ويحفظنا جميعا من كل شر

هالشي حسب المدرسة .. اذا في المدن مو كل المدارس مسوية نظام الكمبيوتر والبروجكتور فكيف القرى ..

هو عموما لازم يكون معك لاب توب عشان اوراق العمل اللي تسويها للطالبات

لما توصلي مدرستك بالسلامة تعرفي هم ع اي نظام ماشيين

والله نزلت السوق واشتريت كم قميص وتنانير يادوب حصلت طويل
والله يستر من القرى الي شايتينا فيها شوت
بس ماادري متى بينزلون المدارس عشان نرتاح وناخذ اغراضنا معانا
لان اذا كانت القريه متوفر فيها كل شي مايحتاج احمل معي اغراض كثيرة

وش الوان التنانيير
انا جبت اسود ورصاصي وبني
وبلايز شيفون لاني بمنطقه رطوبه وحر

الأهم من اللبس انتم مانسيتوا تخصصاتكم
انا ناسيه مدري شلون اشرح باخلاص وامانه

ههههههههههههه
الله يعينا
والله ناسيه كيف اشرح
اخاف المديره تمسكني الفصول كلها مافيه حد معين للحصص في الاسبوع مانبغى احد يستغلنا هههههه

للي بالهجر البعيده
الله يكفينا الشر
اهم حاجه تاخذون الاغراض الصحيه وشنطة اسعافات اوليه
لاتنسون تاخذون بنادول احتياط يمكن ماتلاقون صيدليات
واعتقد نظام المدارس كلها تنوره سوداء بس البلايز اعتقد تكون غامقه ومو شفافه
الله يعيننا وييسر لنا امورنا ويعطينا خير هالوظيفه ويكفينا شرها

من ناحية اللبس بأخذ كمن بلوزه بس خفيفه لانه المكان حار

لحد مااشوف كيف الوضع


ومن ناحية التحضير اخويه يقول خذي الجاهز مايحتاج تبحثي من النت بس العروض واراق العمل طلعيها من النت

بس كل مااروح اسأل المكاتب يقولون مافي تحاضير الحين ماتجي الا بعد العيد على عاشر يوم ياربي يعني مايمدي اخذ معايه

الله يعنيا على الكرف