|
عااااااااااااااااااجل ! اريــد حل
السلام عليكم ورحمة الله وبركاته أما بعد فإنه ( وأول شي ) أبقوله : عسى الله يرزق الكل منكم باللي في صدره ، يدريبه الرب أنا مدري به ! ثاني شي : أنا بنت ما أعرف أكتب مواضيع وشوفي على قدي والصدق الصدق تعبت من كثر ما أفر بذا المنتدى وأفررررر وأفرررر أدور لي جواب ولا لقيت فإن قصَرت بالعرض إسمحولي ، وإن ما بان لكم شي (لا هنتوا ) اسألوني !! ثالث شي : ترى الود ودي الآن لو أكسر هالجهاز وأروح لمنهو عنده حاجتي ما أكتب لكم يعني ( وأنا مدري هل من ورى كلامي لكم فود أو لا ) ! ـ ( لكن هو منهو اللي عنده حاجتي ) بعد الله مانا عارفه بهالوقت اللي ما ينعرف به شي ( يا صرت منت ولد كبكبلي وقلي !! ) لذلك أنا قررت وبعد ما شاورت نفسي واجــد إني أكتب لكم اللي بكتبه الحين خاصه وإن اللي حولي يا سألتهم مثلي ما يعلمون ويدرون ! المووووهيم ولأجل ما تطول السالفه ! أنا تخصصي بـِالوكسا لريوس ( كيمياء ) تقديري كان ممتاز إلا شوي يعني بالعربي جيد جداً مرتفع ، تربوي ! .. طبعاً تنيت التعيين وتنيت التعيين ( لكن عمي أصمخ ما درابي ! ) الزبده ما حصلي التعيين فقلت يا بنت كملي دراستس أغدي اللي ما جا اليوم يجي باتسر ! وكملت بالعلوم الاجتماعيه الماستر لأني مابي أكمل بالكيمياء والطموح أني أكمل بعد دكتوراة بالعلوم الاجتماعيه ( قدام إن شاء الله ) !! ـ المهم الحمد لله حصلت على الماستر وبدرجة ارضت الله وارضتني ، طبعاً شهادتي ذي ما تهيَا إني اتوظف من وراه أبد ( ومن الأخير ) ما زادتني هالشهاده شيَن يُذكر لأنو وفي الأول والأخير : ما معي واسطة والحمد لله !! ـ ولأن اللي ما معوه واسطة وعشان ما ينهبل بهالديرة المفروض أنوه يدرس ما يوووووقف ويدرررس ويدررررس لين الله يدبره قررت إني أجرب حظي وأقدم ع الإبتعاث ووللأسف إني انقبلت مبدئي والمفروض إني الحين اكمل أوراقي عشان مرحلة التدقيق لكني وأصدقكم القول أنا ما ودي أطلع برا بل ودي أقضب أرضي وأكمل دراستي بعدين ليش ! لأن أهلي بعوزي بصراحه ( وكلمتن تستحي منها بدها !!! ) ظروفي الحين ما تواتي إني أكمل الدراسة أبد ، صحيح أنا ( تسبدي تفرك ) على البعثه لكن الشكوى لله : يا لد الله العبد وهو ما بينه وبين حاجته إلا الشي البسيط ماله إلا الصبر عسى آخرة صبره خير وسهالات !! المعلوووووم يا أهل هالمنتدى وأخص منكم بالذكر السلف الصالح ( أهل جدارة ) الناصحين !! أنا أبي أعرف وش اللي يرفع عدد نقاطي ! ـ ومتى أنا بكون مستحقة للوظيفه بحسب علمكم بعد علم الله لأني والله خايفه اغدي مثل معايد القريتيني ـ لا فزت في بعثه ولا لحقتني جداره :) أخيراً أنا أتمنى من اللي قرى ما كتبت أعلاه أن ( يدعيلي ) في نفسه لعل منكم من يحبه الله ولهُ من الله ما ليس لي ، ثم إن كان عنده من نصيحه أن يتفضل وينصحني بها لعل أختكم الغافله (me) أن تنتفع بما تكتبونه آمين ، وإن ما كان عنده من نصيحه فلا ينقد / تنقد علي وبس ، هذا واستغفر الله لي ولكم والسلام ! |
الله يوفقك يارب
واللي يرفع النقاط المعدل وتاريخ التخرج وانتي معدلك زين واتوقع دام معك ناستر السنه القادمه يكون لك نصيب .. بس نصيحه دامك منتظره منتظره قدمي على مدرسه اهليه ولا كملي دكتوراه .. اطلبي العلم وتوكلي على الله |
امممممممم هنا الامور بالعكس
اللي عنده ثانوية فرصه اعلى من الجامعه والجامعة فرصهم اعى من الماستر والا ليه عندنا 3000 عاطل شهادات عليا الله يعينهم والله انا مثلك ما حبيت الانتظار وجلسة البيت فكملت دراسة وبنص الطريق جتني وظيفة جدارة بعد 6 سنوات والحمد لله لاني بجد ماني متوقعه الاقي وظيفة بشهادة الماستر مايبون اللي متخرجين من الداخل ومايبون اللي نظامهم موازي يعني مدري ليه ندرس ونتعب واخرتها مافي وظيفة بس بيني وبينك لو جتني فرصه اكمل دكتوراه بكمل لاني احب اتعلم واواصل عشان كذا اذا انتي فعلا تحبي تتعلمي اطلعي بعثه وجدارة شفتي حالتنا كيف بالسنين ننتظر وبالقطارة نتوظف واذا وظفوك حذفوك اخر الدنيا وبالنهاية كلها انتظار يعني ممكن تروحي تدرسي وترجعي بشهادتك او تجلسي تنتظري بالبيت وشوفي وين افضل لك والشيء الاخير والمهم اللي احب اقوله ان الرزق بيد الله مو بالوظيفة ابدا اكثري الاستغفار والدعاء واستخيري والله يييسر لك امرك |
اقتباس:
حياك الله فهد ويا جعلك تسلم والله على زين دعواك ومنطوقك أنا يا فهد ولا أكذبك بنت ما أحب القعده والضعافه لذلك قدمت على كذا مدرسة أهليه أول ما تخرجت والحمد لله أنقبلت لكن ماش المدارس الأهليه نظامه يمرض المتعافي ولا تسألن ليه ولا عوَدت وحاولت أقدم عقبها لأني أنشغلت بالماستر والحين وبعد الماستر ما أفكر فيها أبد لأني راعية تجربة والمجرب ما ينصحه طبيب ! عموماً عسى الخير يقدمه ربي لي ولك ولكل من يمر آمين |
غريبه والله
كيمياء وتقديرك جيد جدا مرتفع وكم سنه صار لك جالسه ولا جاك تعيين سنة كم تخرجتي انتي وكم معدلك بالضبط حتى نقدر نحسب نقاطك واتوقع والعلم عند الله ان اول مفاضله تتم للكيمياء انتي مرشحه لها وبقوه والف مبروك مقدما انتي اهم شي عبي بيناتك وتابعين عبدالعزيز الخنين على تويتر ولاتنسين تتابعين الخدمه المدنيه والصحف الالكترونيه الاخرى ما ادري احسك متحطمه من كتابتك للموضوع وانتي ما شاء الله عليك دافووووووووووووره هههههههههههههههه |
اقتباس:
من لا يزيده رازق الناس مـا زاد طير السعد عيا نصيبي يباريـه !! ليال يا عزوتي أنا مؤمنة بالقدر خيره وشره إن شاء الله لكن أنا يوم إني قدمت على الدكتوراة قدمت وأنا ظروفي تقريباً كانت مواتيه والمحرم كان لي متهيي لكن سبحان من يريد ما لا نريد ( بفترة بسيطة كل شي تغير ) وحساباتي صرت لازم أعيده من أول وجديد ! عشان كيذا أنا استخرت عن فكرة طلعتي برا وإكمالي لدراستي ( وإلا لو هي بكيفي ما انتظرت جدارة ولا انحديت على أني أحسب هل بيكون لي مكان مع من تبي تلحقهم جدارة أو لا ) ! الوضع يقهر يا ليال ( برا كفاءتك وشهادتك هي اللي تشهد لك زائد دوراتك وخبراتك ) هينا مثل ما قلتي كل شي معكوس عسى ما ينعكس للأجواد شرواك حظ ونصيب ! لكن سؤالي في نظام جدارة يا ليال أنا حاطة تعليمي وأنو معاي شهادة بكالريوس يعني ما قدمت بالماستر توقعين لو بقدم بالماستر بيلحقن شي يُذكر وبتزيد نقاطي ! ثم أنا بسألك هم كاتبين عدد نقاطي 76.2306 وتحت كاتبين اقتباس:
علماً يا ليال بأني متخرجة بتاريخ 28/6/1428هـ ونسبتي كانت 87،75 فهل فيه أمل لي قريب إن شاء الله أو هو مالي لوا ! |
اقتباس:
إنت تشوف اللي أشوفه يا بزوغ أو ما تشوف ! الشكوى لله وش أقول غير الشكوى لله وقت الفطر والسَحَر إي والله الشكوى للي يعلم في كل شي سبحانه ! عموماً ما ينسى كريم والكلام قد قيل ببلاش !! فإن لحقتني الوظيفة وصرت صادق يا بزوغ تراني بحجلك وأضحيلك مار إنت أفلح وجبلي العلم الوكاد ! |
ابطلع الحين وأشوفكم مسيان إن شاء الله يارب عساني ويا رجعت القى منكم : الرد الشافي لما جاء في سؤالي ( الغافي ) !! |
ههههههه صدقيني ماقدرت أخفي إبتسامتي و أنا أقرأ
أسلوبك لطيف & ذكية من الأخير بأقول لك أنا معي ماستر بأحد التخصصات الإجتماعية من أمريكا .. صار لي تقريبا ٦ شهور ،، للآن مانزل لي تعيين .. لكن الي شفع لي (و الحمد لله من قبل و من بعد) أني جتني وظيفة على شهادة البكالوريس ، طبعا سألت الديوان قلت و الماجستير؟ قالوا أنت قدمت فيها على الموقع؟ قلت إيه .. قالوا : عااادي جدا لو تجيك بكرة وظيفة على الماجستير تقدر تترك وظيفتك الحالية و تروح لها .. الفوائد من هذي الهذرة: ١- قدمي بكل شهاداتك (بكالوريس - ماستر) ٢- إن صحت البعثة و قدرتي عليها (حسب ظروفك) لااا تفوتيها. ٣- ترى الحال من بعضوا ، موبس إنتي لحالك ٤- طريقة حساب النقاط بالتعيين: ٧٥٪ على الأقدمية بالتخرج و ٢٥٪ على المعدل ، أو إنها العكس و الله مدري (وظائف إدارية) |
انتي كملي بياناتك في جداره
وصدقيني اول مفاضله راح تتعينين فيها اذا فيه احتياج على الكيمياء انا ما ابغى حجه ولا اضحيه انا ابغى تدعين لي بالتوفيق في المفاضله القادمه فقط والدعاء لوالدي |
| الساعة الآن 12:01 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين