اقتباس:
اما باقي القطاعات العسكرية مافيها تفضيلات يعني لو يروح على تاريخ تخرجك سنتين او ثلاث ماعندك مشكلة ولو تدرس كلية التقنية سنتين وتقدم على المباحث راح يفضلونك انت على اللي توه متخرج وبعدين نصيحة اذا منت يم دراسة ادخل من الحين وريح راسك يمكن تدخل التقنية وتفصل منها ووقتها يكون راح عليك التقديم وتنتظر سنة لين يفتح التقديم مرة ثانية اما اذا كان لك قدرة بالدراسة اسمع كلام الوالد وادخل التقنية بالنسبة لي انا انتظر تقديم المباحث >> جندي << |
شوف ياخوي بالأول والأخير الراي لك انت
لا انا ولا فلان اللي نقرر عنك لأنه مصيرك أنت لحاالك محد معك جندي المباحث راتبه مو سهل والكل يتمناااه والعريف افضل منه بكثيير واذا تبي الكلية الأمنية تراهي افضل بمليوووون مرة بس العريف والملازم يبي له دراسة وتعب والجندي تقدم بالثانوية على طول معاد بعدها ان شاء الله الا الدورة العسكرية وزي ماقال احد الاخوان فووق اذاا منت يم الدراسة افضل لك تخش بالجندي والله راتبه حلو بكثير وراحة بس اذا تحس نفسك بتصبر سنتين او ثلاث او اكثر دراسة ادرس افضل والراي الأول والأخير لك وانا ملاحظ كثرة ردودك ومواضيعك كلها عن المباحث وعن رغبة فيها الله يوفقك ويحقق لك مرادك يارب واقول لك للمرة الثانية ترا جندي المباحث مو هين والله وشكرا ... |
اترك التقنية عنك رتبتها ما تسوى سنتين =24 شهر لو راتبك بالمباحث 8 الاف للجندي 8000*24= 192 الف ريال واقدمية سنتين ايضا
وفرق الجندي عن العريف بجميع البدلات 900 ريال فقط |
العمر قدامك اذا مادخلت جامعة ادخل كلية تقنية تراها تمشي ملللللللللللللللللللللليون لإن النظام عندهم سريع وماتحس الا وانت متخرج صدقني مع اني انصحك بالجامعة والدراسة بالجامعه بتخلي عندك خيارات اكثر من العسكرية بالتوفيق
|
انت ادرس بالتقنيه
وقدم بالمباحث واذا قبلووووك اسحب ع التقنيه الله يوفقك |
آلسلآم عليكم
آخوي آنآ حآلتي مثل حآلتك بالضبط كنت آبي آدخل العسكريه على طول ومال خلق دراسه ابد قالوا لي الاهل لا تدخل جندي كمل دراسه وادخل الكليه الامنيه ويعطونك ضابط وراتبك حلو بدال الجندي المهم سمعت شور الاهل ووكملت دراستي وخلصت سنتين بالجامعه وباقي لي 3 سنوات وشفت اخوياي اللي دخل الامن العام واللي بالمباحث واللي مدري وين واحد وواحد تزوج وواحد شاري له موتر جديد واللي مسافر واللي جاي الا انا بالبيت ماسك كتابي وادرس المهم قفلت وكرهت الدراسه وغيابات ونفسيه زق والخ والحين انا مقدم على العسكريه جندي وان شاء الله يقبلوني والجندي حلو وكلن يتمناه وراتب الجندي حلو بس ضيعت من حياتي كم سنه لو اني داخل فيها عسكريه من البدايه كان احسن وهذا وحالتي وانت براحتك انت اذا لك خلق دراسه ادرس اما اذا مالك خلق دراسه لا تتعب عمرك والشور لكك وانت سو اللي تبيه ما عليك من اي اححد , هذا مستقبلك وانت اللي تحدده وكلام ابوك على العين والراس بس الواحد هو اللي يخطط لمستقبله ومع السسلامه والله يوفق الجميع |
السلام عليكم ورحمة الله وبركاته
كل عام وانتم بخير عندي سؤال بعد اذن صاحب الموضوع التقديمات الجايه مثل الامن العام جندي او جندي اول بالنسبه للثانويه العامه فقط تكفووون افيدوني |
عندنا في المجتمع مشكله ومشكله أزليه أن الشخص
ماينظر لمستقبله لا ينظر لمستقبل صاحبه او زميله او قريبه ويشوف وش مسوي علشان يسوي مثله زي خويينا حمني البدراني أخوياك تزوجو وتوظفو ياخي الله يوفقهم أنت مالك ومالهم ياخي أنت مخلص سنتين في الجامعه كمل دراستك وتخرج وجب معدل يجمل بتتوظف أفضل من وظائفهم إن شاء الله وش عليك فيهم حبيبي صاحب الموضوع خش الكليه التقنيه أو خش الجامعة ترم ثاني وأدرس وشد حيلك وجب معـدل والله يوفقك بلا عسكريه بلا هم |
ابوك يفهم احسن منك اللي يقوله اسمعه وصدقني ماراح تندم والله يوفقك
|
اقتباس:
|
الساعة الآن 02:24 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين