مساعده ( ناوي أفتح معرض دهانات )
 

السلام عليكم ورحمة الله
أخواني لدي معرض فتحتين على طريق رئيسي
فتحه خلاص النشاط جاهز بأذن الله
والفتحه الثانيه كنت ناوي أفتح فيها سواتر ومظلات او تكييف او دهانات
ولكن بعد الاستخاره وجدت نفسي أميل لموضوع الدهانات
أرجو ممن لديه معلومات لا يبخل علي
شاكر ومقدر

وعليكم السلام
شوف يا غالي الدهانات نشاط معقد ومتشبع بس لو اشتغل المحل ارباحه طيبه جداً يعني لو مسكت ثلاث عمائر متوسطه تكفي ارباحها لتغطيه مصاريف الاجار والعمال سنه كاملة والربح في البرميل الواحد من ثلاثين الى سبعين في المائة حسب نوع وحجم برميل الدهان وانصحك تمسك وكالة جوتن اذا مالها وكيل في الشارع او المدينة اللي انت فيها ماخذه سمعه وشهرة قوية مثل الجزيرة حتى دهانات الجزيرة تعطي وكالات بس شروطهم كثيرة منها يشترطون عليك لازم المحل فتحتين وديكور خاص وواسعار محدده وثابته تتقيد وتلتزم فيها هامش ربح لا يزيد عن ثلاثين في المائة اضف الى ان اسعارهم غالية للزبون وبالنسبه لتجهيز المحل الشركة اللي تختارها هم راح يجهزون كل شيء من ديكور وغيره واهمها الكمبيوتر لخلط الالوان سعره حدود ستين الى سبعين الف بس راح يقسطونه لك بسعر الكاش وبالنسبه للشركات المقترحه والمعروفه في السوق:
الجزيرة_ جوتن _ بي بي سي_ سيجما_ ديلوكس_ دايروب_) فيه كثير تقريبا ذكرت لك الاشهر والمعروفه
وانتبه من الدهانين اليمنه والباكستانية بعضهم يعرض عليك جلب زبون شرط انك ترفع السعر عليه والزايد يعتبر عموله له وبعضهم يزيد عدد البراميل وهي ما تحتاج فهذا غش وخداع للزبون وسرعان ما ينكشف المحل وتروح السمعه مثل محلات با معروف كان يسوي الحركه هذه بس الحرام مايدوم وانهارت سمعته
بالتوفيق لك والله يفتح لك ابواب الرزق والبركه واي سؤال انا حاضر

ليس لدي خبرة كافية .. ولكن الجود من الموجود :

هناك مايسمى توكيل تآخذه من دهانات الجزيرة أو أي شركة دهانات ..
يبدو لي أن هناك مايسمى بالتأمين ( مبلغ تدفعه ).. تحصل منهم على جهاز معالجة الدهانات وإخراجها باللون الذي اختاره العميل ..
لان محلك راح تكون جدرانه الداخليه رسومات وألوان ونقوشات جميلة ( عبارة عن عينات ) إضافة لبراميل البويات الأبيض الجاف ( شي حول هالاسم ) والزيتي ..
والالوان الثانية تستخرجها بالمكينة على اختيار الزبون .. طبعا لديك دفاتر ( مجلدات )لها اسامي مااعرفها ... فيها الوان كثيرة وجميلة ..

إضافة الى وجود دهانين فنانين متعاونين معك بالعمولة ان استطعت ...

و الانترنت ماراح يفيدك كثر ماتمشي رجليك وتعايش الحدث عن قرب ...

شوف لك محل تشتغل معهم شهر ...أضمن لك بإذن الله نجاح باهر ...

إلا على فكرة .. إن كان محلك أول سجل تجاري باسمك ولست موظف .. ستحصل على دعم غير مسترد من الموارد البشرية عن طريق ريادة وذلك مبلغ 3000 ريال لمدة سنتين ..

الصدق + التسويق غير المنقطع + المعاملة الحسنة+ محلك على طول النهار فاتح = نجاح باهر بإذن الله

السلام عليكم
واشكر تفاعلكم وسرعة استجابتكم وعسى الله لا يحرمكم الاجر
بالنسبه للدهانات انا ماكنت متحمس الا عشان ولد عمي وكيل لأحد الشركات اللي ذكرتو وهو اللي نصحني بفتح محل للدهانات علما ان عندنا على كفالتنا دهانين وابدو استعداد للعمل معي لكن انا رافض فكرة اني امسك شغل انا كانت الفكره اني ابيع فقط عشان مادخل في معمه مع الزباين وانا حتى ما افهم بالشغله وبنفس الوقت حاب اوزع البيض على كذا سله يعني آخذ كذا شركه وماكون محتكر لصالح أي شركه والحمدلله الامور الماديه تغطي التكاليف المتوقعه
وبالنسبه للموقع فهو بالرياض على الدائري الشمالي ولا يوجد على الدائري ولا محل دهانات الا بالطرق الرئيسيه المتفرعه من الدائري
السؤال هل الموقع يشجع هذا واحد والشي الثاني هل فكرة أني أبيع سليمه بالوضع اللي أنا فيه لين تتضح الرؤياء
وبعدها أقرر أمسك شغل ولا أكتفي بالتوريد

اكرر شكري دمتم بود

الموضوع للنقاش ياشباب
وربي ارزقني وارزق مني
اللي عنده خبره مايمنع ادخله شريك بالنسبه
واللي عنده رأي لا يبخل
أسأل الله الكريم أن يرزقني وأياكم من واسع فضله

بالتوفيق لك و لشغلك

[align=center][align=center]الله يوفقك ،،
وان شاء لله يفيدونك اصحاب الخبرة[/align] [/align]

وعليكم السلآم ورحمة الله وبركاته ..

اخوي وين بالدائري الشمالي بالظبط لانه ممتد على طول الرياض .. لو كان في جهة حي قرطبة ممتاز ولكن لو هو جهة شمال الرياض من مخرج 7 الى مخرج 2 فما انصحك بالدهانات
والسبب ان هذيكـ المنطقة صعب الزبون يجيكـ إلآ ماندر واكثر الي بالجهة الموضحة اعلاهـ ياخذون من شركات معروفة بدهانين يعني مايشترون من اي محل ..

فنصيحتي حاول تشوفـ شغله اكثر شعبيه لموقعهآ .. يعني لو كنت تبي تغير النشاط شوفـ اول
شيء الموقع ينفع لاي مجال وابحث وبتحصل مجالات كثيرة وهناك الدعايه والاعلان شغآله والسبب ان محلاتها مش كثير والشيء الثآني ان الجامعات والمدارس اكثر من ماتتخيل ..

وعسى الله يوفقكـم ياشباب جميعآ