موظف واحتاج دخل اضافي اتمنى المساعده
 

اهلين فيك يالغالي

مقوله اسمع بها

ليس كل سقوط يعني النهايه فسقوط المطر اجمل بدايه

الحياه تجارب ودروس والاهم ان نتعلم منها

اخي استخير الله وفكر باي مشروع وراح الاعضاء يبدون ارائهم

وراح اساعدك باذن الله بدراسه لي مشروع تريده باقرب تقدير له

راسلني على الخاص اذا فكرت باي مشروع تقبل تحياتي

بالتوفيق للجميع

كل عام وانت بصحه وسلامه ومن افضل إلى افضل اخوي اهنيك الان استطعت الصعود للقمه

اقري موضوعي الذي سوف اقوم بتنزيله الان لا يحتاج محل ولا شيء فقط سيارتك الخاصه والمكسب مضمون باذن الله حسب مزاجك

بتوفيق لك اخي

وعليكم السلآم ورحمة الله وبركاته ..

وانت بخير وصحة وسلآمة اخوي ..

من موضوعك اخترت نوعية مشروعكـ ..

من ظمن خياراتك دعاية واعلان ، ومن ظمن مالديك معرفة اشخآص في الدوري والانديه .. كل ماعليك شيء بسيط جدآ وتسويه وقت فرآغكـ ايضآ بالبداية ولكن لما يبدأ شغلك يكبر افتح محلك وابدآ صح بترتيب وطاقة اقوى ..


اطبع كرت ان لديك امكانية للطباعة على التيشرتات فقط :: كل ماعليك تنشر وتنشر وتنشر وبعد ماتنشر تروح للمؤسسات متوسطة العمل لاهي قوية بالعمل كي مايرفعون قيمة الطباعه عليك ولاضعيفه يكون شغلهم ضعيف وسعرهم ايضآ اقل من السعر الذي نطمح له جميعا ..

بعد ماتعرف الاسعار لطباعة التيشرتات تكون انت موزع الكرت الشخصي وعملك شنو بالظبط ؟

تجيكـ طلبيات طباعه تيشرتات :-
1- تتفق على السعر مع الجهة طالبة العمل مهما كانت الفائدة ولو شيء بسيط جدآ .
2- تشتري التيشرتات جملة اذا سعر التيشرت لدى المطبعه مرتفع او جودتهآ متدنيه .
3 - تبلغ المطبعه ان لديك طلبيه يتجهزون لها لما يكون عددها فوق 10 الاف حبه وبكذآ انت
تطبع لدى المطبعه بسعر جملة والتيشرتات تشتريها بسعر الجمله والبيع للجهة التي طلبت
منك بسعر ممتاز فلو كانت الطلبية 2000 او 3000 حبه فأنت كسبان اقل شيء جدآ من ريالين الى
خمسه ريآل على حسب شطارتك ومعارفكـ .. بكذآ انت بدأت عملك الخاص بدون رأس مال سوى علاقاتك
وشغل وساطة لحد ماتكون قاعدة عملاء قويين ورأس مال كويس يوصل لحد 100 الف او 150 الف وبكذآ تفتح
محلك وبراحتكـ انت وخبرتك قوية واسعارك معروفة والجهات الي شغآل معاهم معروفين ايضآ ..

ولو كان العمل لابد رسمي وكذآ بامكانك تطلع سجلك التجاري وتبدأ بدون محل مجرد عقود وختم وتوكل على الله ..

ولاتستهين في مجال الدعاية والاعلان والله بحر بحر وشيء مايتوقعه الشخص ابدآ ..

ولاتنساني بكرة لما تكبر تسويلي تيشرت XXL تعرفـ المقآس لازم كبير *_*

والله يرزقك بالرزق الطيب ولجميع المسلمين ..

اخوي لاتفكر غير فتح بقالة او سوبر ماركت صغير في موقع يكثر به السكان ويفتقد هذه النوع من المحلات
استخر ربك اولا بعدين شوف مكان يناسب والبقالة دخلها رائع يوميا اما المغسلة ولا الصالون الدخل الجميل يكون موسمي بس البقالة دخلها كنز واكثر الناس يشترون من البقالة وكل العنب حبه حبه حتى تطورها
والله يرزقك ويرزقنا

اشكركم اخواني جميعا

ولكن اغلب المشاريع تحتاج وقت فراغ وهذا اللي ناقصني كثييييييييييييييييييييييير
يعني وقتي اغلبه دوام واللي يبقى لي اقضي فيه ارتباطات اسرتي ومطالبهم
يعني لا يوجد لدي وقت فراغ اقدر استفيد منه وهذا اللي سبب لي عقده
على العموم الافكار المقدمه جميله ولكن يبي لها تفرغ شوي


اتمنى طرح المزيد من لافكار التي لا تحتاج الى وقت كبير للتفرغ لها ومن غير قصور في الاخوان

وشكرا

اخي الكريم .. مجرد نصيحـَه بـ امكآنـَك الاخذ بهآ آو تركهآ ..،

طبعآ لي صآحب يشتغل بـ العود والعطور آلآحظ آشياء كثيره يسويها من ضمنها الخلط بالعطور

مره كنت جالس معه قال راح امشي للرياض تطلع معي .؟ قلت ماعندي مشكله اروح معك

ودخلنا كذا محل فـ المعيقليه طبعآ يشتري منهم بالجمله ..

اذكر مره اخذ 4 كيلو من العود تقريبا سعره 450 او 480 شي زي كذا للكيلو الواحـَد

المهم قبل مانوصل للقصيم واحنا بالطريق باع للكليو الواحد على 1200 ريال ..!!

ويعلم الله اننا راجعين للرياض من عند الغاط واخذنا 5 كيلو ..

خلاصه كلامي

انا مالي بالعود ولا العطور لكن بـ امكآنـَك آنك تشتري بـ الجمله وتفرده بآلوقيـات او بالكيلو على ماتحب

وتعرضك على اقاربك او اصحابك ومنها ان شاء الله تستفيد

وغير تركيب العطور الي يسويها ..

اتمنى افدتـك لو بـ شي بسيط

تحيتي

وش رايكم اني ادخل ممول


ويكون الطرف الاخر هو المسؤل عن المشروع

واتمنى مزيد من الافكار


تحياتي