السلام عليكم

انا موظفه بقطاع اهلي خيري

ماشيه بشغلي لكن مديرتي استقالت وجتها وظيفه بالتعليم وكلفتني برئاسه القسم ابتداء من 1/7 لحد ما يجبون مديره جديده
والى الان
بعد شهرين تقريباً ما جتنا مديره جديده قلت لمديري قال لازم جامعه قبل وانتي معك ثانوي بس ..حسيت انه ما اهتم
كلمت الاداره العامه بالرياض قلت خلوني مره وحده امسك القسم بدل ما تجبون وحده من برا ولا تعرف شغلنا لانه متعب شوي
قالت بنشوف قبل ان مالقينا رجعنا لك عرفت انها تصرفني لان معي ثانوي
لما زاد الشغل علي شغلي وشغل التكليف قالت لي وحده من الموظفات اطلبي زياده راتب لانك كلفتي بالقسم والمديره الي قبلك كانت بمكانك قبل وكانت تاخذ زياده راتب >> شوفوا نذالتها مديرتي الي قبل ما علمتني انها تاخذ زياده على تكليفها قبل
بس الان انا استحي اكلم مديري واقول له ابي زياده راتب لاني كلفت بالقسم علما ان عملي بجمعيه خيريه احس كأنه يقول همك بس الفلوس
وراتبي الي اخذه الحين 4000 بما انها اول سنه لي
غير كذا الدوام على مدار السنه >> حسيت اني بشركه
كيف اقول لمديري وافاتحه بالموضوع ؟
تكفون الله يعافيكم
وفكرت اني اترك الدوام واستقيل واجلس بالبيت اقوم متى ما بغيت واطقطق بالنت على الاقل قبل كنت اجيب ارباح بالنت وانا بالبيت
لكن لما جتني وظيفه ابتركها والاهل رافضين اتركها

عادي قوليله

انا ابغى ارجع موظفة عادية زي اول

منصب المديرة مسئولية

وانا ماعندي القدرة اني اتحمله

وثاني حاجة

نصيحة لاتتركينها

خليكي في وظيفتك احسن

وترى 4 الاف زينه مره

ترى الفلوس مو كل شي

عندك الراحة النفسية في العمل

وانتي مجال عملك خيري ماشاء الله

خليكي في وظيفتك احسن .

اكتبي خطاب ياختي

باسلوب حلو وهادي

واوصفي له معانتيك الجديده بشغل

وزيادة المهام الوظيفيه والمسئولية

ووضحي له الراتب اللي تاخذيه

واطلبي منه الزياده حسب مايراه

لجل لا ياخذ الموضوع بحساسيه ويقول تتامر علي
هذا هو تفكير اغلب المدراء
ربي يوفقك ويسهل اموريك

الصبر زين ولا تستعجلين

انتي اول سنة وتبين تصيرين مديرة وتبين زيادة !!

ونصيحة اجتهدي واعملي عمل المديرة واذا لك رزق فيها بيوفقك ربك لها ان شاء الله
ولا تنسين ان عملك خير ي ولو احتسبتي الاجر من الله بتنالين ان شاء الله خيري الدنيا والاخرة .

اهم شي يعطونكـ خبرهـ ؟!