|
معلمة انجليزي ومسكوني علوم وارشاد؟؟ تعالوا شوفوا الوضع
السلام عليكم ورحمه الله
صباح الخير انا تخصصي لغة انجليزية وتفاجأت مديرة الابتدائي مسكتني علوم مطور للصفوف العليا المنهج مطور وفيه كلام كثير وتجارب وصعب بصراحه خصوصاً لوحدة ما تتذكر العلوم زين الله يعافيكم اعطوي آرائكم واعطوني روابط او مواقع فيها تحضير الدروس واوراق العمل واشياء كذا بالآضافة الى انها مسكتني الارشاد الطلابي ويقولون مسؤوليته كبيرة لان مشاكل الطالبات وحلها بيدك والله ما اعرف بالارشاد شيء ابغى منكم تساعدوني الي تعرف او مسكت الارشاد من قبل. ومشكورين مقدماً. |
وعليكم السلام ورحمة الله وبركاته
هذا ظلللم واجحاف في حق المعلمة والطالبات ،،، بالله كييييف يصير كذا ،،، المديرة مابراسها عقل ..؟؟ نفس صديقتي نخصصها دين ويمسكونها لغتي ثاني ابتدائي يعني تأسيس وكمان فنية وفيه عجز كبييييير ومايعينون معلمات والاشراف مايرفعون بالإحتياج وكأن الرواتب من جيوبهم الله يوفقك ويكون بعونك يارب |
افتحي الكتاب واقري لهم ههههههههههههههههه
الله يعينك |
زي حالتي. أنا تخصصي0رياضيات متوسط ومسكوني بالإضافه له سادس ابتدائي رياضيات وتربية أسريه وكمان مسكوني مساعده فنية متوسط وسألت قالوا مالاحد حق يمسكك غير تعليمي وكلمت الوكيلة وسألتها عنى. والله يستر يمكن تزود علي حصص
|
انجليزي وارشاد وعلوم ...... مو كأنها كثيره يا اختي ؟
والمشكله كل وحده في مجال مختلف كليييياااا كيف حتقدري توفقي وتقدمي عطاء كويس في هالتخصصات ! اختي دقي على مكتب الاشراف واسألي هل يحق للمديره اللي تسويه ؟ مهما كان انتي بشر صراحه .. صايره احمد ربي كثير اني معلمة رياض اطفال حالي حال نفسي واطفالي |
روزلايت
صباح النور و السرور و عليكم السلام و رحمة الله و بركاته بصفتي قديم في التعليم و يمكن لي خبره بسيطه اتمنى بأن اقدر افيدك و لو بجزء يسير في مجال التعليم و بالتحديد المدارس الابتدائية التي فيها نقص في المعلمات فـــ يكون الإعتراض فيها صعب جداً عن المواد المسنده للمعلمه فـ يجب عليك تطوير نفسك و البحث عن أهم المراجع التي تفيدك في تخصصك الجديد ( العلوم ) فـــ أنتِ طوري نفسك و المرحله الابتدائية تحتاج أكثر لبث روح المنافسه بين الطالبات و تقديم الهدايا لهم هذا من ناحية اسناد مادة العلوم لك أما الإرشاد الطلابي فــ يحتاج لجهد أكبر بكثير منك و الإلمام بـــ فن التعامل مع الطالبات و اتمنى منكِ اختيار أي مادة حتى لو كانت غير تخصصك و البعد عن مجال الإرشاد لأنه لو تصير أي مشكله فـــ كل اللوم بيكون على المرشدة الطلابيه و تحويل الطالبات عندك و اتمنى التوفيق لكِ و لجميع المعلمات |
| الساعة الآن 10:20 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين