|
بخصوص العمل في الأسهم
اانا عندي مبلغ بسيط وودي احطه في مجال يساعد على مضاعفته بأقل نسبة من الخسائر فكرت في شراء بضاعه وتسويقها عبر النت بس مالي خبرة كافيه ومحتاره في نوع البضاعه ومصدرها وماودي اجيبها من اسواق الجمله عندنا فكرت اشتري من موقع امازون ادوات مدرسيه بس خايفه من تكلفة البريد والشحن وهالأمور :eek: عموما قريت نصائح للبعض فيما يخص العمل بالأسهم فهل الأسهم هي الخيار الافضل ؟ انا خبري بالاسهم زماااان يوم طاحت قبل كم سنه واتنحس السوق :d يعني الحين رجعت ارتفعت ؟ ادري سؤالي يبيله :q بس تحملوني والله محتاره :c وياليت لو احد يعطيني شرح بسيط عن طريقة العمل او خطوات العمل بهالمجال لأني لاافقه فيهِ شيئاً :Looking: والمحفظه اللي سمعت انه لازم افتحها :q بأي بنك افضل ؟؟ وياليت تزودوني بالشركات اللي فيها اكتتاب و مافيهها خلاف شرعي :w جزاكم الله خير وبارك لكم فيما رزقكم |
السلام عليكم
انصحك نصيحه لوجه الله ادا ودك تدخل الاسهم استخير وتوكل بس شرط مايكون المبلغ قرض اول سلف و نصيحه اخرا لا تتابع يعني اشتر وتعال بعد سنه او سنه ونص تلقا ربح ممتاز عندك اسمنت نجران وكيان بالتوفيق |
نصيحه يا اختي
اذا لم يكن لديك معرفه كامله بالاسهم فاياك ثم اياك الدخول كمضاربه( بيع وشراءيومي) اشتري في سهم واحد او اثنين كاستثمار لمدة لا تقل عن سنه واضيف لاسهم اخونا اعلاه سهم بنك الانماء تحياتي للجميع |
لو مالك خبره نصيحه لا تدخلي
الاسهم يبغالها صبر وطوله بال ولكن سوي زيي انا اكتتب بس واول ما يدرج السهم بالسوق ابيع والحمدلله يوم 23 شوال فيه اكتتاب اسمنت المدينه ب 10 ريال للسهم والشركه شغاله واحتمال تنزل فوق 20 ريال بالتوفيق |
مالي خبره بالسهم كل ماسمع حد شارك فيها زماااااااااااااان يطلع خسران
انتي استخيري وشوفي .. بالتوفيق |
انتي شوفي اقرب اكتتاب. وأشتري فيه لا تدخلين السوق الحين نصيحه السوق تحت ٧٠٠٠ نقطه ما يوكل عيش حاليا
|
اختي البتول انا بالسوق لي ٥سنين السوق هالايام في جني أرباح يعني هبوط في الاسهم وكل الناس تطلع من السوق
نصحتك وانتي بيدك القرار |
نصحيه تسويق بالنت باي تجاره تميلي لها
افضل من دخول الاسهم دام راس مالك المراد منها استرجاع مبلغ مردود يفيدك والاسهم ارتفاعها بالهلألات الاكتتاب افضل من دخولك بشراء والله يوفقك فيما تختارين |
والله العظيم قبل كم شهر صرت اروح شبه يومي للصاله واجلس من بداية التدوال الى ان يقفل التدوال واشتري وابيع على خفيف
ومعي ناس لها 10 سنوات هذي شغلتهم والكل يطلع زعلان يعني بالعربي ما توكل عيش ترتفع شوي وتخفس فيهم بدقايق نصيحه من مجرب شوفي لك غير الاسهم ... |
:c:(خلاص غيرت راأيي*
بس*الاكتتابات كم نسبة ارباحها ؟؟ وكيف طريقتها انا اللي فاهمته ان شركة جديدة تنزل اسهمها واحنا نشتري بس كيف يكون الربح الله يخليكم تحملوا اسئلتي*:Looking: والاكتتاب مايبيله محفظة ؟؟ مجرد حساب في البنك ؟ واخر سؤال ايش رايكم في بنك سامبا ؟ او الاهلي او مايفرق؟ انا عندي حساب بالاهلي بس افكر افتح حساب في سامبا |
| الساعة الآن 04:09 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين