شركة قذره ... ولا ترحب بالسعوده ( تعالوا شوفوا قصتي معهم )
صحيح اذا قالوا ( ماكل ما يتمناه المرء يدركه ) ... و مافيه وظيفه تجي على الكيف
لكن مثل الشركة القذره ..... اكرم المنتدى من ذكر اسمها :court: ماعمري شفت القصه و مافيها اننا نشتغل في قطاع تعليمي حكومي .. ولكن عقود العمل فيها تتبع للشركة وهي تحت اداره اجنبيه يعني انا موظفه اهليه في قطاع حكومي :) رقم ( 1 ) هالشركة ماترحب بالسعوده ابدا .. ولا يا جماعه تقدرون تقولون لي كم مواطنه عندنا تملك تخصص انجليزي يعني يجيبون اجنبيه ليييييييييييييييه ؟ طيب تخصص الحاسب الالي مهوب ( بندق نسمع به مانشوفه :d ) بربكم يستاهل يستقدمون اجنبيات من بره عشان حاسب آلي ... لا و القهر بكالوريوس .. :( طيب تعالوا نحسبها شوي .. استقدام موظفه اجنبيه كم يكلف الدوله ؟ راتب + بدل سكن + بدل تاثيث ( حسب ماسمعت في السنه الاولى فقط ) + تذاكر سفر + علاوة سنويه طيب و السعوديه :cry: راتب - تامينات اجتماعيه رقم ( 2 ) الشركة المذكوره اعلاه .. تسوي حركة ما اخترعها يهودي تكرمون :( اذا كنت موظف و طلبت اجازة استثنائية لظرف طاريء مثلا 3 شهور .. انسى انك ترجع عقب هالاجازه ... يعني بالصريح ( استغنينا عن خدماتك :) ) وصارت معي .. وحسبي الله و نعم الوكيل كانهم يقولون لي ( محد قالك تاخذين اجازة استثنائية ) رقم ( 3 ) اللي بقوله الحين هو اللي بيوضح لكم سبب قهري الشديد .. كنت اشتغل عندهم وانا حامل .. و يوم ولدت قالوا لي اجازة الولاده عندنا اسبوعين فقــــــــــــــــط و بسبب جهلي بنظام العمل و العمال ... و بسبب استغلالهم الشديد لعدم معرفتك بنظام العمل و العمال و لانهم شركة تستهلك الموظفين و بالاخص الضعوف السعوديين .. ماكان فيه اي جدل .. داومي ولا ... اوووووووت :cry: ( اللهم عليك بهم فانهم ظلموني ...) رقم ( 4 ) و الاخير تجبر كموظف حضور دورات تدريب و لكن بدون شهادات اذا طلبت شهادة تعريف يماطلون فيك شهور .. ( والسبب يحرمونك من التقديم في وظايف اخرى يعني يفوتك التقديم ) العلاوات ماتجي الا بالتعجيز مهوب بعدد سنوات الخبره طبعا الاشياء اللي تقهر كثير .. و مافيه وظيفه تخلو من المظاليم اللي مثلي يا نااااااس لازم نظام العمل و العمال يدرس في مرحلة الثانويه .... :( :( :( اللهم من اراد بنا سوء فرد كيده لنحره و اشغله في نفسه و اجعل تدبيره تدميره يارب العالمين اللهم عليك بهم فانهم لا يعجزونك .. |
اهلا اختي أم رغد
ونرحب فيك بالموقع وماشاء الله عليك كتاباتك رائعه ومن الواقع عسى أن تجدين من يشاركك همومك ونصل جميعا الى حلول ايجابيه اما من ناحية عملك والشركة التي تحارب السعودة اتمنى أن تذكري اسمها وعنوانها وكل شيء عنها لنستطيع مراسلة وزارة العمل والعمال ونشر جميع مخالفات هذي الشركة التعليميه المخالفه وايضا نحاول ان نعلن اسمها في لصوص الوطن لأن مثل هذي الشركات هي من أجبرت الشباب على البطاله والله يوفقك وننتظر منك المزيد والمفيد اخوووك الووووووووف |
اختي ام رغد انتي كتبت موضوع انا دايما افكر فيه وشاغل بالي يقولون الاجنبيه ارخص ولا تكلفهم واجد بس لو تجي تحسبي تكاليفها يجيب راتب سعويه وزود وش القصه بالضبط ابي افهم والله لو يوفرون لنا وظايف حتى لو بالفين اني اقبل ولا الفراغ والقعده وتسلمي عالموضوع الرائع :d
|
أم رغد حياكي الله والله مشكلة قلناها كثيركثير بس ما حد يمك الله يعين .
تحياتي |
انا مع الأخ ألوووف ياليت لو تكتبين اسم الشركة ومايصير الا خير ان شاءالله
شاكر لك طرحك المفيد والجميل |
اقتباس:
|
اتمنى ان تعودي يا ام رغد
بتفاصيل الموضوع والعناوين الوووووف |
لا حول ولا قوة إلا بالله .. صارت معي كثير
بس صار عندي ضد مناعة .. الله يسهل لك يا أم رغد الوظيفة المناسبة اللي تريــحك وتستانسين فيها أما هالشركة يبي لهم رفع دعوة قضائية وتتسكر عشان يعرفون إن الله حق وين المسؤليين .. يشوفون هالفوضى والتلاعب شي يرفع الضغط .. ويخليك تحس بالغربة وأنت في بلدك و وسط أهلك حسبي الله على كل ظالم وباغي الله يسخر لك القلوب الطيبه الرحيمة والصالح من خلقة .. تحياتي .. |
ام رغد كان الله في عونك والله ينصرك على الي ظلمك والمشلكة هذي سمعتها من اكثر من شخص وجهات مختلفة وهي شركات التشغيل ويكون التعين فيها بالمحسوبية والراتب بالمحسوبية يعني شركة محسوبية بس الي يدفع الدولة بمحسوبية
انتي روحي الحرم وسوي واحد دعا ان شالله ربنا في يستجيب صرنا هنود اذا بوظفوا الاجانب |
( اللهم عليك بهم فانهم ظلموني ...) اللهم من اراد بنا سوء فرد كيده بنحره و اشغله في نفسه و اجعل تدبيره تدميره يارب العالمين اللهم عليك بهم فانهم لا يعجزونك .. |
الساعة الآن 02:16 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين