ارسلت رساله للوزير ورد افيدوووني
 

السلام عليكم ورحمة الله وبركاته
ياشباب أنا جاني تعيين بالطايف في رنية وأنا عندي ظروف ليس لدي سيارة أنا من اهل الطايف ولكن قدر الله وماشاء فعل
دخلت إلى موقع وزارة التربية والتعليم وفيه خانة مكتوب اتصل بمسئول فدخلت وكتبت اسمي ورسالتي وسجلي المدني
في البداية حسبتهم مايردون ولا يعطون الرسايل وجه المهم ثاني يوم الصباح جاتني رسالة على الجوال تقول إن المعاملة بمكتب الوزير و اعطوني رقمها وتابعتها وطلعت صحيحة المعلومة امس دخلت على الموقع لقيت المعاملة ارسلت للإدارة العامة للشئون الإداريةوالمالية هل تتوقعون يفيدوني ويعيدون توجيهي لداخل الطايف

يا رجل توكل على الله
الأمور تزين أن شاء الله

ماعندي فكره بصراحه

اظن الشغله مطوله وانا اقول لاتفوت الفرصه

ولا تتركك الوظيه روح بنقل للقريه وهناك بيرجها ربك

عسى ربي يكتب لك التوفيق والسداد اينما كنت

وتذكر دووما انه في السماء رزقكم وماتوعدون

فوض الامر لله وبأذن الله يتيسر نقلك في اقرب فرصه

ليش تسرعت واناااختك ، كان تعاقدت مع سيارة وتوظفت وسددتها لما يجي الراتب ، والسنة الجاية تقدم نقل لداخل الطائف وباذن الله مقبول ، هم على معاملات الغاء الوظيفة مافي اسرع منهم في قطع الشي ، اما انك تلقالك وظيفة وتطلبهم وظيفة يموت الواحد وهو ملقى منهم ، انت رجال وتدبر امورك ، النساء ودبروا اوضاعهم كيف انتم يارجال؟ الله يهديكم بس ذكرتني باخواني متهورين

الله يسهل امركم

ليش تسرعت اخوي كان تعاقدت مع سواق او ليموزين يوديك للقريه ،،ولما تستلم الراتب تشتريلك سياره

والحمدلله بعد شهرين من المباشره راتبك في يدك

الله يهديك روح لوظيفتك وتعوذ من ابليس ومن الخدمة مرة واحده
استاجر سيارة كلها كم شهر وتزين علومك
اجل وش يقولون البنات الي موظفينهم بالربع الخالي يارب تفرج عليهم وعلى كل مكروب