استفسار عن بنك الرياض؟؟
السلام عليكم
مساكم الله بالخير سويت مقابلة في بنك الرياض وقالوا ان شاء الله قبلناك و نحتاجك خدمة عملاء!! مؤهلي بكالوريوس محاسبة حديث التخرج التقدير جيد وعندي عدة استفسارات ياليت القى جواب وظيفة خدمة عملاء أو صراف ايهم أفضل مع ذكر التفاصيل لكل وظيفة؟؟ والاهم كم رواتبهم للجامعي؟وعلى قريد كم؟ وكم مدة التدريب؟؟وكم يصرف لي أثناء التدريب؟؟ وكم الراتب الأساسي؟ والاجمالي؟ قبل و بعد التدريب الي عنده علم أكيد يفيدني جزااكم الله خير انتظر افادتكم |
الف مبروك والله يرزقك خيرها ويكفيك شرها ..
والله ماعندي معلومات عنهم ابد ..لكن ياليت تقولي وين التقديم بالرياض ودي اقدم عليهم وهل فيه شرط العمر مثل الراجحي ولا لا ..شاكر لك |
بحكم اني موظف سابق ف بنك الرياض ،
انصحك ابتعد عن وظائف البنوك لانك لن تجدد الراحة النفسية بحكم الرواتب رباء .. بحكم طبعيه عمل بنك الرياض بحكم ان موظفين ( المشرفين ) اكبر نصابين وفاسدين على مستوى البنوك السعودية يلهب البونص كاملة ويعطي الموظف 10 ارباع منها .. اي ياخذ 13 الف المدير والموظف مايعطية الا 1500 ريال !! هذا غير الراتب طبعا ، يتعب الموظف وينكرف و 9 ساعات امام الكمبيوتر والمدير رجل ع رجل ويتابع سوق الاسهم مدة التدريب قالوا لك 3 اشهر وهم اكبر كذابين ويمتد لحتى 5 سنوات او اكثر ويصرفونك ( مافية ترسيم ) ويمددون العقد بما ان العقد الراتب ثابت ولن تحصل على اجازة رسمية نهائيا او بدلات .. استخير وانا اخوك وابتعد عن البنوك |
اخوي هل سألت عن حكم العمل في بنك الرياض ؟؟
هل هو ربوي ولا إسلامي؟؟ لاتخلي نهاية تعبك ودراستك مال حرام؟؟ https://www.btalah.com/t73577.html :w |
وعليكم السلام..
ألف مبروك الله يوفقك قريدك 21 أكيد والراتب تقريباً الاساسي مفروض ماينزل عن ستة ونص لانك محاسبة ومع البدلات تقريباً ثمانيه ونص هذا بالنسبة لمؤهلاتك. انا موظفة بالرياض كابيتال فماعندي فكره كبيرة عن شغل الفروع وافضلية الصراف او خدمة العملاء بس اللي اعرفه ان فيه بدل صرافه ألف ريال للصرافين. والله يوفقك.. |
الساعة الآن 04:36 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين