|
::كيف تحول حلم الطلب من الصين الى حقيقة ..وتجربتي في شراء المفرق والجملة بالصور:
::كيف تحول حلم الطلب من الصين الى حقيقة .. وتجربتي في شراء المفرق والجملة والشحن البحري بالصور :: السلام عليكم ورحمة الله وبركاته من ماوجدت نقص في المنتديات من مواضيع عن الطلب من الصين للمنتجات ذا الجودة حبيت افيدكم بموضوعي البسيط واتمنى يكون خفيف على قلوبكم بعد بحث سنين بالمنتديات والمواقع ومن كثر مارايت اسعار المنتجات الصينية رخيصة وفرق كبير بين الاسعار بالصين وعندنا وخصوصا لما كنت ادخل موقع علي بابا النصاب قبل 10 سنوات تقريبا كان نفسي اطلب لو منتج وبعد محاولات للبحث في المواقع الاجنبية لقيت مواقع راااااااااائعة تعتبر كنز للي يعرف له ومالقيت اي تفاصيل شافية عنه بالمواقع او المنتديات العربية اول اسبوع تصفح كنت انام باليوم 4 ساعات فقط والباقي كله اتصفح الموقع ماني مصدقة الاسعار كل شي حلمت فيه واتمنيت اشتريه لكن الميزانية ماسمحت ابحث عنه والاقيه وبارخص الاسعار وبجد كنت اقول بنفسي مستحيل هالاسعار ومو معقول الفرق حتى ان الاسعار ارخص من علي بابا النصاب علي بابا والمواقع المشابهه له يتعاملو بالدولار يعني باختصار يبيعو للعالم الخارجي باسعار اغلى لكن مثل هذه المواقع لا تتعامل باليوان الصيني وماتقبل الا بطاقات صينية وماتشحن الا للصين والمنتج الواحد 100 مصنع يبيعه وباسعار مختلفة وبجودات مختلفة فضلت 6 اشهر ادرس الموقع والفكرة وكيف الواحد يختار افضل المصانع ووسائل الضمان والامان على المبالغ وكيف يتفاوض مع المصانع على الاسعار لين اتوكلت على الله وطلبت اغراض بسيطة ووصلت الحمدلله الشحنة وكانت اروع مما توقعت ماشاء الله تبارك الله خصوصا انه الاغراض 100% نفس الصورة الان لي سنتين الحمدلله مع الموقع وطلبت اكثر من 20 طلبية ماشاء الله تبارك الله كل شي اطلبه منه من اصغر الاشياء لاكبرها من طلبات المفرق شخصي لي وللعائلة اوالجملة والاغراض الكبيرة الحجم مثل الاثاث اشحنها بحري باختصار كني مسافرة وفر علي الموقع كثير الحمدلله يعني اول كان كمثال اغراض العيد تكلفني 2000 ريال وانا ماشتريت الا شوي الان كل شي شامل تبارك الله مايزيد عن 500 ريال وصارت لي مواقف كثير مع محلات الماركات الي بالمجمعات مثل مانجو و H&M و bebe وغيرهم كثير اشتري انا المنتج من الصين مثلا بـ 50 ريال اتفاجأ بهالمحلات انه يبيعوه بـ 250 ريال طبعا كل شي يتم عن طريق مواقع لا يحتاج لا سفر ولا مكالمات ولا غيره وهاذي صور لبعض المنتجات الي جربت شراءها من تصويري عندي مئات الصور اخترت لكم منها هنا المفرق بالاول صورة العرض بالموقع بعده الصورة من تصويري لا تدققو بالتحف والتصوير مالي في التصوير ماشاء الله وهنا الجملة وهاذي طلبتها عن طريق البحر ماشاء الله هذاذي المواقع للي حابين يطلبو : طريقة الطلب : 1 - البحث في الموقع بالصيني عن الشي المطوب وطبعا هنا تجي شطارتك لان راح يكون في مصانع كثير ومع الخبرة راح تعرف المصنع الممتاز من الرديء 2 - ارسال الروابط لمكتب او مندوب صيني او سعودي ثقة 3 - يتم الدفع على دفعتين الدفعة الاولى لاسعار المشتريات والدفعة الثانية وقت الشحن 4 - هنا يختلف من مكتب لمكتب في مكاتب تخيرك ايش تبغى تشحن بالضبط وكم الكمية وفي مكاتب الغير احترافية لا تجبرك على شحن كافة الاغراض مرة وحدة وعلى شركات محددة طرق الدفع تتوقف حسب المكتب او المندوب اذا بالسعودية تحويل واذا صيني Master او Visa او Paypal او AliPay طرق الشحن الغالب يشحنو على DHL للاستفسار اكثر حياكم عالخاص اتمنى اكون افدتكم وياريت الي يشوف الموضوع يرفعه بدعوة حلوة عشان الكل يستفيد باذن الله وسامحوني لو طولت عليكم |
راااااااائع
|
الله يعطيكي العافية
هل المواقع الصينية مدعومة باللغة الانجليزية وكيف يتم التحويل للانجليزي |
اقتباس:
|
(
طرق الدفع تتوقف حسب المكتب او المندوب اذا بالسعودية تحويل واذا صيني Master او Visa او Paypal او AliPay ما فهمت يا ليت توضحي لي كيف طريقة الدفع وانا موجود بالسعودية اعطي الفلوسللمكتب على طريقة دفعتين بس كيف اضمن حقي من المكتب .... ياليت تشرحي طريقة الدفع لانها اهم نقطه الله يوفقك على مساعدتك اخوانك ويرزقك ان شاء الله من حيث لا تحتسبين |
اختي جزاك الله خيرا ورزقك من حيث لا تحتسبين
كيف اشتري من هذه المواقع , وفين المكاتب اللي تقولين ياليت توضحين النقطة ذي وشكرا |
تووتي فرووتي
/ موضوع رائع ويفيد كثير نحتاج مثل هذي المواضيع عشان الكل يستفيد ونتعلم كيف نطلب من الخارج والله نسال كثير ناس تطلب من الخارج مايعلمك الصح ,, اختي توتي وين المكاتب الي بالسعوديه وكم النسبه الي يايستفيدونه منك وقت الطلب وهل لأزم طلب كميه معينه ؟؟ / والف الشكر لك ع الطرح المميز الي مثل كذا تـــم التقيــــم |
موفقة أختي
|
طيب اختي ليش ما تحولي الموضوع لدخل مادي لك يعني اللى الاعضاء هنا يختارون لك صور ويدفعون لك وانتي تقومي بتخليص الطلبية لهم وخاصة نك طالبه منهم قبل كذا يعني تعرفي الطريقة وكل شي !
سجلى عندك أول زبون |
بالتوفيييييييييييييييييييق
|
| الساعة الآن 06:11 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين