|
راح قلب عاليها واطيها على الشركة مع مكتب العمل دخلوا شفوا مشكلتي وعطوني رايكم
بسم الله الرحمن الرحيم
السلام عليكم يالاخواني وخواتي .............................. انا اليوم بطرح مشكلتي بشركة عملت فيها بالخبر بالقطاع الخاص من كبرى الشركات انا عملت للمدة سنه كاملة متواصله وبعدها قدمت الاجازة وسافرت ستراليا لان قدمت الابتعاث وتم ترشيحي والحمد الله ..... الراتب كان تقريبا 4000 كامل مع البدلات انا قدمت الاجازة الاول شيي مفتوحه بدون راتب مدتها ست شهور وعطوني راتبي الاخير + راتبي السنوي مع بدلات السكن + خصموا علي تأمينات الاجتماعيه للمدة ست شهور انا دفعتها من جيبي الخاص .................... الان المشكلة الي انا فيها يالاخوان يوم رجعت للسعوديه وماعارف انا يمكن رجع كمل بعثتي او ستقر بالسعوديه رحت للشركة وقلت لهم بشتغل معكم قالوا اوك ماعندك مشكلة بس بنفس الراتب قلت مو مشكلة قلت ضيع وقت معهم وستفيد خبره الاكثر ماردوا علي ولاحد كلمني منهم رحت لهم مره وقالوا بنتصل عليك ومره قلت لهم بغى حقوقي حسبوا للي المدة سنتين و ست شهور قالوا بيصروفوا للي تقريبا 1300 ريال :mad::mad: المدير الهندي حق قسم المحاسبه وجلس يقولي هذا نظام مكتب العمل :mad::mad: انا الحين حدي معصب عليهم وراح قلب الشركة عاليها واطيهاااا بحكم الحق معي اول شي راح سويها بقولهم بغى 2000 ريال عن كل شهر حق الفترة الي ماكنت موجود فيها حق التامينات هذي الي هي سنة و ربع شهور من حقي قلب الشركة عليها دام بيطبقون نظام مكتب العمل على مخي ................ وبغى راتبي السنوي + بدل السكن ............ واذا ماعطوني ايااااهم بقولهم انا طالع للمكتب العمل ومعي الاثبات حقي جوازي سفري وتاريخ ختم الخروج والدخول والفيزا وكل شي معاي وراح اخذ البرنت من مكتب التامينات الاجتماعيه ........... :wa مع العلم من خلال مكاني بالشركة انا عرفت ان الشركة تدفع رواتب كاملة للاشخاص سعودين ماهم موجودين بالشركة قال ايش نظام السعودة ومكتب العمل + المدير المشروع مصري يستلم 58 الف ريال شهري والشركة شبهه خسراااااانه مافيهااا مشاريع بالوقت الحالي مدير المحاسبه هندي راتبه فوق 45 الف ريال + سياره جديده سنوييااا :mad::mad::mad: وانا يوم طالبت بحقي سنتين وربع شهور قالوا بيعطوني 1300 ريال وربي حرام وش رايكم ياشباب هذي قصتي بالاختصار تتوقعون هل مدير المصري راح يخاااااف ويصرف مستحاقتي كاملة .......... ام راح توصل لمكتب العمل :y:y |
اقتباس:
|
لا اخوي قدمت ست شهور فقط بس هم بعد الست شهور
ماستقالوني لانهم مستفدين من الاسمي من نظام السعوده وقالي المصري بنفسه المدير العام انا بغى حقوقي يقولون لي بس 1300 ريال بس حقت سنتين وست شهور يقولي ثلث الراتب فقط اذا المدة الاقل من خمس سنوات ومايعطوني راتبي حق السنه هذي الي يوم كنت بستراليا ولا بدلاتي السكن .....الخ هل مكتب العمل لو رجعت لهم بيوقفون معاي او لا ؟؟؟ وستلم حقوقي كاملة + شهاده الخبره |
اخوي اختصر الموضوع ورح اشتك بمكتب العمل ومعاك اوراقك وخطاب شكوى ورح وده لهم الاستدعاء
|
اشتكى لمكتب العمل مادام يطبقون قوانيهم
اما جت عليك قالوا لا لا يا بابا على مين الحق معك وخذ معك اثباتاتك مداك تقول يصرفون للسعودين اللي معهم اجازه اخذ حقك وانا اختك لا تخلي الاجانب يلعبوا علين........................... حسبي الله ونعم الوكيل |
انا ابغى افهم 58000 على ايش والشركه خسرانه تدفع الراتب هادا كله ليش والهندي 45000 ليش مو احسن كان مكانه سعودي وبعد سنتين 1300 حسبي الله ونعم الوكيل فى الحراميه اللى مايخافو الله لاتسكت وخد حقك من اللكلاب الضاله بالتوفيق
|
ان شاء الله بكره السبت طالع مكتب التامينات الاجتماعيه وبعدها
طالع الشركة راح طلب منهم تعويض راتب الاساسي عن المدة 8 الشهور الي ستقلوا الاسمي فيها وراتبي السنوي حق السنه هذي + الحقوق الي قال 1300 ريال اذا رافضوا راح روح للمكتب العمل على طول والاحتمال ختصر الموضوع وطلع للمكتب العمل دايركت وقدم الشكوى ناويهم شر نتظر بس الصبح يطلع بكره طبعااا مديري المحاسب الوالد قالي الي مايستحي منك لاتسحتي منه وانا راح مشي على كلامه حسبي الله عليهم الي مستطونين البلد الاجانب وخاصه هالمصري وزيدكم من الشعر البيت العقد حقه المصري 90 الف ريال سنويا يغير سياره جديده |
ان شاء الله بكرة
رايح مكتب التامينات الاجتماعيه سحب برنت منهم + بروح للشركة كلمت مديري قلت بغى شهادة خبره قالي اوكى راح عطيك اياها للين تاريخ بكرة وهذي النقطة من صالحي وبعدها بعطي توكيل الى محامي واحد من اخوياي قال موضوعي راح يوديهم بستين دهيه من التامينات الاجتماعيه + مكتي العمل وراح يدفعون غرامه فوق 150 الف ريال لان معي جميع الاثباتات شهاده خبره مصدقة + برنت التامينات + جواز سفري والفيزا الاستراليه وختم الدخول والخروج هذي الاثبات عليهم وراح يقلب الشركة فوق تحت |
والله مدري بس الله يسر امرك
|
رحت اليوم وخذيت البرنت من مكتب التامينات الاجتماعيه + شهادة الخبره
الى تاريخ اليوم كتبها لي موظف شؤن الموظفين وسويت الوكالة شرعيه للمحامي من المحكمه وراح يروح للمصري يدخل عليه بكرة الصباح ياتنحل ودي واخذ جميع مستحاقتي وتعوضيات عن ستقلال الاسمي بالسعوده الوهميه او يروح مكتب العمل وفتح ملف شكوى بمكتب التماينات الاجتماعيه ضد الشركة والدعوى من صالحي مليون بالمية والله لطلع الفلوس من عينه المصري ...................... المصري مشتري له الاخ 3 بيوت في مصر كلام واحد مصري اليوم بالشركة قالي كله من النهب والاختلاس حسبي الله عليهم مصاريه |
وبعدين مع ذا الاجانب ؟؟
الله يرد لك حقك بس علمنا بالجديد |
[align=center]
الاجانب ماكلين البلد بجددد اذكر اشتغلت في شركة تبع الراجحي فيه اوروبي شغال راتبه 80 الف وفيه كندي راتبه 110 الاف في الشهر وكل واحد سياره وانا معي دبلوم راتبي 3500 ريال واكثر واحد سعودي سوبر فايزر يستلم 4600 ريال واحنا نكرف 12 ساعة والاجانب على المكيف والنت ... [/align] |
اقتباس:
ثانيا الحقوق كما قال لك اقل من خمس سنوات ثلث الراتب واكثر نصف الراتب واكثر من عشر سنوات راتب كامل ثالثا لاتحتاج محامي ارجع عملك على طول واذا ماردك لعملك داوم بنفس مكانك وبصم اذا يوجد بصمه اما غير كذا يجب ان تذهب لمكتب العمل بدون محامي قسم الدعاوي الله يعينك |
اقتباس:
المفروض يوم الاستحقاق عني بمكتب التامينات هم مانزلوني للحين لانهم مستفدين من نظام السعودة بمكتب العمل |
حقك باذن الله راح يرجع وحتى ان قالوا تعال خذ حقوقك
بلغ عليهم بالسعودة الوهمية وهددهم بمكتب العمل وعلمنا باسم الشركة علشان الكل يحذر منها مايتوظف فيها |
الله يقويك ما دام تقدر تشكي وتاخذ حقك
ليه السكوت طالب واسعى وربي معك |
الله يعينك وينصرك يارب
ايه والله الاجانب اكلو خيرنا وخير هالبلد الله يكون في العون |
ياشباب لانتهور ونتقدم بشكوى على طول : أخي ديلوماسي مالك حق في أشتراكك في التأمينات
لأن أ شتراكك يدفع بشكل سنوي دفعه واحده الي هو 9% من راتبك الأساسي + بدل السكن حتى لو كنت أجازة بدون راتب ولاحظ أنك مقدم أجازة بدون راتب مكتوبة وموقعه منك وتستحق 9% هاذي الي تم أستقطاعه من راتبك عند وصولك عمر 60 وأن عندك أشتراك مدته 20سنة على الاقل تستحق راتب تقاعدي الي هو أخر راتب كنت تستلمه+بدل السكن عند وصولك هذا العدد من السنين وفقك الله أي خدمة أنا حاضر |
ان شالله تتسهل امورك يارب ،،،، عطنا الاخبار اول بأول
منجد ماعدم ديرتنا الا الاجانب بالذات المصااااااااااااريه والبنغالة :@ |
باك بعد غياب الاسبوعين للانشغالي بنفس الموضوع
اول احب اقولكم ان خطتتي كانت كلها اوكى ضد الشركة خذيت جميع الاوراق الي ضد الشركة مليون بالمية قدام مكتب الاتمينات الاجتماعيه ومكتب العمل وعطيتها للصديقي المحامي وكاتب صحفي بجريده اليوم المهم راح قولكم ايش صار بالتفيصل وقعت الاستقلاتي بنفس شهادة الخبره الي خذتها بنفس التاريخ والمدة كاني ماسافرت برة السعوديه ولاشي وهذا يدل على غباء الشركة والخبره كاتبين اني على راس العمل حتى تاريخه ههههه رحت بالبدايه للمدير لعام بعد توقيع الاستقاله لكي طالب بحقوقي وقالي للاسف مالك شي عندنا وحنى نتبع نظام مكتب العمل والعمال قلت له اوك طال عمرك مو مشكله حقي مابيه مو بحاجته بعد الاسبوع ذهب صديقي المحامي الى الشركة مع جميع الاوراق وكالة شرعيه مني انا شخصيا بالمطالبه بمستحاقتي وتعويضي سنة ونصف الي تم الاستقلال الاسمي بها بالاتمينات ومكتب العمل بالسعوده الوهميه ذهب الي المدير العام المصري ودخل عنده بالمكتب وقال انا فلاف وفلان وقدر سوي وفعل وشتكي بمكتب الاتمينات الاجتماعيه ومكتب العمل وكتب مقال بالجريده في حال عدم التفاوض مع الشخص الي كان موظف عندكم طبعا المستحقات تطلع الاجمالي بحدود 50 الف ريال قابله للتفاوض مع الشركه الي وهي رواتبي الاساسيه + البدلان كامله المصري تربك وخاف من خويي وتنرفز كثير وبعد ماطلع خويي جتني الاتصالات من الشركة ومارديت عليهم الى شخص واحد وقلت له بليز انا موكل محامي ومعطيه فلوس عندكم شي تكلموا مع المحامي وبنفس اليوم تصلوا على الوالد من قبل الاداره الشركة لان في معرفه سطحيه مع الوالد والوالد قال الرجال طالب حقه كامل وانتم انكرتوا حق الموظف والحين هو جايك بنظام مكتب العمل مثل ماتتعدون المهم زبدة الكلام المحامي ودخلته للشركة خوفتهم الى بعد حد بحيث لو مدفعوا التعويضات راح يتم دفع مبلغ 150 الف ريال كغرمات ماليه للاتمينات ومكتب العمل وغير نظامهم راح يتعطل بمكتب العمل من جميع النواحي وان شاء الله قريب راح قولكم ايش صار بعدوتمنى تسامحوني كتبت وانا مستعجل لكم والى كنت ناوي كتب الي صار بالتفصيل |
الله ينصرك
|
| الساعة الآن 09:36 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين