من ملازم طيار الى ملازم كداد !!!
بسم الله الرحمن الرحيم
انا يالربع عمري 18 سنه تخرجت 1433 نسبتي 83 وقدرات 76 وتحصيلي 70 قدمت على كلية الملك فيصل الجويه وانقبلت ورحت الفحص وتمرمطت بالرياض يومين وقلت مو مشكله كلها تهون لعيون النجمه وصلت الفحص طولي ولله الحمد 188 جسمي زي الفل سويت جميع الفحوصات كل شي تمام اخر شي صرفوني بان عندي اصابه بسبب حادث سببت لي مشكله بفقرات الظهر والقفص الصدري واني غير لائق طبيا وطردوني وانا مافيني الا العافيه :d ولا بحياتي صار لي اي حادث قلت الرزق على الله وينك يالجامعه رحت الجامعه قالوا نعطيك دبلوم سياحه ولا شوف لك جامعه ثانيه وانا ما اقدر ابعد عن اهلي وساكن بأبها وبعد تفكير طويل قلت مالي الا عبدالعزيزبجده رحت قالو سنه تحضيريه وبدون مكافئه وسكن وصعبه لا سكن ولا مكافئه وبعيد عن اهلي جربت وقدمت جندي بحرس الحدود ولا قبلوني والان بعد الطيران والنجمه الى حافز وابشركم توني الان دخلت قالوا غير مؤهل سنك صغير :wa ومهم فالحين الا دق مخالفات انا يالله في نفسي بعد اسدد وصلت معي قلبتها كد عالخطوط :yaa: اخذ 500 من هنا راحت في مخالفه من جهه اخرا لكن ما اقول الا نحمد الله على كل حال والرزق على الله |
يالله الرزق ع الله ..
توك ع التحطم ... الترم الثاني لاتفوت الجامعه .. بلا عسكريه بلاوجع راس .. انت معدلك ما شا الله حلو ... مو حلو يضيع في جندي بالعسكريه .. العسكريه خلها اخر شي .. كلها تعب وهم .. عندك كليه ينبع الصناعيه جدا حلووو.. فيها سكن للطلاب وكمان مكافئه .. وبرضوه التوظيف ماتطول شهرين ثلاثه بالكثير وتتوظف .. بس شد حليك في الانجليزي .كل شي انجليزي .. اخوي تخرج منها وتوظف في شركه حتى ماطول يمكن 3 شهور وتوظف بعدها .. بالتوفيق لك وللجميع .. |
اي والله انك صادق
نورت الموضوع يالغالي |
ياا زين المكده يا اخووي شي طييييييييييب من حبي للمكده مسمي نفسي خط المطار وطلعت من المنتدى كم مشوار ابشرك تطيب الخاطر
المفرووض يسوون لنا سلمك الله قسم خااص للكدداين ترا افضل عمل حاليا هو الكداد |
ايه حرام انك صادق لدرجة اني صرت مدمن خطوط يخوي
علمني وش الوظيفه اللي فيها فلوس وتمشيه :wa |
الكده حلو ودخلها حلو ...
عمي متقاعد من العسكره ويشتغل كداد .. وقاعد يعمر بيته من الكده . الله يطول بعمره والجميع يارب .. لكنها متعبه خصوصا كل يوم مساافر :( والكدادين ماايخفون كله مسرعين ومعلين السرعه ..وكثيره حوادث :c انا انصحكم في كليه ينبع الصناعيه :rolleyes:انا لو ولد دخلت فيها من دون تردد :g حتى التخصصات الادبيه لها مستقبل .. ادخلو منتدى الكليه وشوفو التخصصات .. الله يوفق الجميع . |
الرزق على الله والترم الثانى سجل بالجامعه أفضل لك من هم العسكريه
|
الله يوفقك ويكتبلك الى فيه الخير ..
|
اشبك كذا كأنك يائس
ترى توك في عز شبابك ولس ماوصلت 20 سنه قدم مره واثنين وثلاثة ممكن المره الجاية تشبك معاك ومايصرفونك ويقولون لك فقرات وماني عارف ايش انت اهم شي لايوووقف |
معدلك ماشاء الله حلو قدم الترم الثاني على جامعة الملك خالد دام إنك في أبها وإن شاء الله يقبلونك
بالتوفيق |
الساعة الآن 06:01 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين