إجراءات الاختبار والمقابلة الشخصية للشركة البريطانية للطيران والفضاء BAE systems
بسم الله الرحمن الرحيم السلام عليكم ورحمة الله وبركاته كيف حالكم ان شاء الله كوييسسسين ؟ طبعا راح أتكلم عن الاجراءات اللي صارت معاي اليوم في اختبار تحديد اللغة الانجليزية بالشركة البريطانية BAE systems طبعا أنا رحت معهد الخليج ( نيوهورايزن - معهد اللغة الانجليزية - ) ... طبعا المدة من 15 لين 18 ( السبت - الثلاثاء ) .. تروح بأي وقت وتقولهم عندي اختبار للشركة ويختبرونك .. أول مادخلت لقيت واحد قلتله انو عندي اختبار تحديد مستوى للشركة ... قالي جاتك رسالة ع الجوال ؟؟... قلتله اي جاتني .. قالي وريني اياها .... طلعتها ووريته الرسالة .. بعدين اخذ بطاقتي وصورها وجلس يكتب البيانات .. طبعا الاختبار ع الحاسب مو على ورق ... الاختبار كله اختبارات ... يعطيك جمل فيها كلمات ناقصة وفيه اختيارات للكلمة الصحيحة تختارها .. طبعا مدة الاختبار ربع ساعه فقط ( 15 دقيقة ) ... يعتمد على سرعتك في الاجابة طبعا وكم سؤال تجيب في هالـ 15 دقيقة هذي . يعني كلما جاوبت اسأله اكثر راح تجيب درجة أعلى .. اللي ريحني انو اختبار وبعده مقابلة على طول ... يعني لو انقبلت خلااص يرسلون لك للفحص على طول .. سويت المقابلة .. جاني واحد بريطاني قعد يرطن معاي بالانجليزي عرف عن نفسك ومن وين من هالاسأله يعني .. بعد ماخلصت قالي الموظف خلااص توكل على الله وبتجيك النتيجة برسالة ع الجوال ع الاسبوع الجاي كذا .. وووببسسسس ... حبيت أنقل لكم التجربة للافادة .. دعواتكم لي بالتوفيق .. الله يوفق الجميع |
..
موفقين ان شاء الله ~ |
بالضبط هذا الا حصل معايا أليوم
|
الله يعطيك العافيه
|
للمعلوميه اخوي
المقابله اللي سويتها في المعهد بعد الاختبار هذي ماهي المقابله الشخصيه حقت الشركه هذي اختبار محادثه ويعتبر من ضمن اختبار اللغه الانجليزيه وله نتيجه وسكور معين مطلوب المقابله الشخصيه حقت الشركه تسوونها ان شاء الله بمقر الشركه بالرياض والله اعلم بالتوفيق للجميع |
الشي الثاني والمهم
اذا الشركه على نفس السستم القديم بيكون فيه اختبارات ثانيه للي يجتازون المرحله الاولى وهي اختبار اللغه الانجليزيه والاختبارات الثانيه بتكون اختبارات ذكاء ورياضيات واختبار تطبيقي عملي تسوونه بمقر الشركه آخر شي بس سهالات ان شاء الله طبعا هذا الكلام حسب النظام القديم ما ادري اذا الشركه غيرت نظام اختبارات القبول القديم ولا لا |
اوك نبي شي واضح
الحين اذا تم ترشيح المقبولين لاختبار الثاني الا هو القدرات هل هم مقبولين او لا لان الشغله تطول وراها مشاوير ومسافات بعيده واخرتها رفض |
اقتباس:
كل شي واضح يالغالي اكيد كل اختبار له درجه مطلوبه ولا ليش بيسوون لك اختبار ؟ القبول ان شاء الله بعد ماتخلص كل الاختبارات وتجيك رساله للمقابله الشخصيه اذا سويت المقابله الشخصيه يبلغونك بكل شي |
السلام عليكم ورحمة الله
اخواني انا اعتقد اهم شي الانجليزي لاهم بالطلبات الي طلبوها ماذكرو رياضيات وهيك شي اما في الرياضيات اغسل ايدي مقدر احل غي الضرب والطرح والجمع غيرها ما عرف |
الساعة الآن 12:54 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين