|
حاملة شهادة بكالوريوس لغة انجليزية مع مرتبة الشرف
السلام عليكم ورحمة الله وبركاته خريجة جامعية من كلية الجبيل الجامعية, قسم اللغة الانجليزية معدلي 3.30 من 4 عندي خبرة 5 شهور كمساعده سكرتارية دورة في خدمة العملاء شهادة من تدريب ارامكو الصيفي مقيمة في ينبع الصناعية اللغه العربيه ممتاز الانجليزية جيد جدا ( لان طبعا مو لغتي الام ( - قمت بالتقديم لدى باب رزق جميل والى الان لم يتم الرد - قمت بالتقديم لدى مركز سيدات الاعمال في ينبع والى الان مافي شي جديد - حاولت اقدم اوراقي لدى بنك الرياض و الراجحي بس للاسف ماقبلت تاخذ الملف, تقول انو عن طريق الموقع مع العلم اني مقدمة ع الموقع بس للاسف عدد المشاهدات 0 ( مالت عليهم ) - حاولت التقديم بالمدارس الخاصه في ينبع ولكن للاسف اغلبهم مكتفيين - حاولت التقديم بروضات الهيئه الملكية وصدمتني انهم يبغون رياض اطفال ع العموم ابحث عن وظيفه دوام واحد وتكون ادارية او اكاديمية دعواتكم لي ودعواتي لكم ان ربي يرزقنا الرزق الحلال ( انا مؤمنه ان وظيفتي تدورني وانا بنفس الوقت ادور عليها بس متى نتلاقى!! الله اعلم ) |
الله يرزقنا وياك عزيزتي ,,,
|
اح ما شاء الله تبارك الله عليك .... يا شيخه قدمي على المستشفيات وإن شاء الله ما راح تطولين ابدا خاصة الوظائف الاداريه اذا كان فيه مستشفى كبير عندكم قدمي اوراقك عندهم او ارسلي على الايميل والله يكتب الي فيه الخير للجميع ......
|
اقتباس:
ربي يسسسسعدك على رفع المعنويات المستشفيات ناويه اروح بس اذا دوامين ياختي مره صعبه, بس ان شاءالله بروح واشوف وضعهم |
[align=center]
ماشاء الله عليك شهادتك ممتازه ومرغووبه وخاصه عندك خبرات في السكرتاريه معقووووله ماحصلتي وظيفه اذا تحبي تعملي في الريااض راح نسااااعدك الله يوفقك ويرزقك من اوسع ابوابه [/align] |
جده والدمام و الرياضه ملياااانه وظايف ادري, ربي يسهلها للراغبين
بس في ينبع للاسف جدا صعبببب, والوظائف النسائية قليييله,, اكثر شي لقيته ( بائعه ) انا مو ضد الوظيفه بس مو معقوله راحت 5 سنوات من عمري دراسه وبالنهايه شهادتي وشهادة المتوسط او الثانوي تتساوى! الله يسهل والاقي شي |
للاسف كانت عندي مقابله اليوم مع مدير مستشفى خاص.. ومع كل الشهادات اللي عندي مصر يحطني في الرسبشن!
العذر: ان ماعندنا شي ششاغر بالاداره واصلا اذا بالاداره لازم يكون عندك خلفيه عن نظام المستشفى! الله يكون بالعون |
| الساعة الآن 11:00 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين