|
ابي حل قبل الثلوث !
بالخير يا جماعة الربع :) عساكم طيبين إن شاء الله ! وصبركم عساه شديد إزاء هذه الكسافة التي ينعم بها أغلبنا وعلومكم زانة ! المهم وحتى لا أطيل عليكم أنا عندي سؤال لأختي واسئلةٍ واجد لي منا سائلتها إياكم لأني كل ما سألتكم قضبتوني السريع ونصحتوني أصبري / تفائلي ومدري وش والدعوه تبي حلول وحلول مهناش ! المهم ما عليكم مني ، خلوا بالكم ع أختي ( السؤال يا آل بطاله ) !! أختي استاذة في التربية الخاصه في الشرقيه وتبي نقل للرياض وقالوا لها أكتبي وش المناطق اللي تبين تنقلين لها حلو الكلام ! حلوين :Looking: طيب أختي حاطين لها قرى ومحافظات واجد حول الرياض وتبي تختار حديها على حسب : هل موجود أصلاً فيها مدارس للدمج / أو مدارس تخدم هالفئة فكيف تعرف ! لأنها تفاجئت أنهم حاطين أكثر من محافظة لتختارها وهي أصلاً مابها مدارس معنيه للإهتمام بالفئة اللي المفروض تدرسها ، فهمتوا كيف !! انتهى السؤال وإن شاء الله إنه سؤالن واضح وخفيف ، عاد الله الله بالإجابه عسى الله يدل من يدل أختي ويوفقه :d << كانت معكم من موقع الحدث : أخت اللي تبي تنقل ! / جدار برلين / غزة :) |
اهم شي جداره /برلين /غره
بالتوفيق يارب مالومك الاخبار هالفتره تخوف |
هههه الله يخليها لك
مبين متحمسة لها والله ماعندي علم لكن ان شاء الله يفيدوك البقية |
الحين وش نوحكم ما تجاوبونن يا مال الخير ! يعني علشان إن مشاركاتي قليله وإلا ما أعرف معكم وبكم أحد اتشلوط وتسفهونن ! وش هالحال ياربي ، وش الدبرة بالله ( ندق تلفون ما حد يرد أو مشغول نسأل بهالمنتديات العالم معطيتنا طاف وأقنور وش نسوي مثلاً وش نسوي ) ! يارب الصبر صبرنا بس والحقنا بمن يقرى لنا ويجيب الغنايم ! طيب اللي ما يعرف الجواب هل كيف يعرف أحد من آل التربية الخاصه بهالموقع أغدينا ننصاهم قبل يحل الثلوث وأسعف ملهوفن يبا إسعافه :) ويا نورهان أنتي وهيول جعل ربي يمد بأعماركن " زين والله " دخلتن وقلتن كلمة .. كلمة ولو جبر خاطر أو حتى دعوه من بعيد :d عموماً اليوم الأثنين وباتسر الثلوث وعقبه الإربعاء أي والله زي ما أقولكم بالضبط واللي ما يدري عساه يدري ويدرينا :Looking: استودعكم الله الآن على أمل اللقاء بكم يا جانا جواب ومعلوم ! سلامو عليكوا |
والله ماعندي علم بتخصصها واحتياجه وتوفره بمناطق
بس حبيت ادعيلك انتي وأختك بتوفيق وتسهيل اموركم |
بالتوووفيق
|
أرق وحسبي ربي عسى ربي يوفقكن ويحقق لك ما تبن آمين البقية إخواني وأخواتي آل المنتدى الكريم ! أريد منكم إجابة لو سمحتم على السؤال أعلآه ( وش المحافظات اللي حول الرياض فيها مدارس للتربية الخاصه للضرورة القصوى ) ! وشكراً :) |
بصراحة ماعندي زود علم لكن المجمعة فيها بعض الفصول
ولا ادري اذا مكتفين بالمعلمات ولا لا. |
بالتوفيق لو تغيري العنوان يمكن احد يفيدك ما ينفع مبهم ما احد يدخل
|
اقتباس:
فاتت يا ونيان :) ما عاد ينفع أغير العنوان أو ما أغيره خلاص جانا الثلوث ! أصلاً وبيني وبينتس يعني :d ما أعرف كيف تغيرون العناوين ! عموماً تسلمين يالغاليه وربنا يوفقك |
| الساعة الآن 10:37 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين