|
شركة شلمبرجير
سلام عليكم ورحمه الله وبركاته .. صباح/مساء الخير ,. اخباركــم عساكم بخير
حبيت استفسر عن شركه شلمبرجير .. دقو علي قالو لي تعال سوي مقابله شخصيه .. وسالتهم اذ تعينت على اي قريد .. قالو الـ7 .. وخفت اتكلم معهم عن الامور الماديه ويكرشوني:q عشان كذا يا شباب ابيكم تفيدوني .. عن طبيعه عملهم .. وكم راح يكون راتب بالاجمالي اللي يتعين على قريد 7 .. ومتى اصير قريد 8 .. وهل شغلهم بالصحاري والربع الخالي والا وين ؟ اتمنى القى احد يفيدني .. مالي الا الله ثم هالمنتدى |
اللي اعرفه عن هذي الشركه انها شركة ممتازه جدا وعالميه وتنافس اكبر الشركات كأرامكو وغيرها
بس سمعت ان فيها كرف شوي < ( المثل يقول من لا غبّر شاربه ما دسّمه ) ! وماديا بتعيّن خير ان شاء الله واذا كنت مهندس مرره ماعليك خوف ان شاء الله وعموما اغلب شركات البترول بكج ورواتب ومميزات حلوه ونصيحة في المقابلات الشخصيه دائما اذا بغيت تتكلم عن الامور الماديه خليهم ينتهون من المقابله وكل شي بعدين اسألهم بأسلوب لبق الله يوفقك |
^^
قمه الوفاء يعطيك العافيه .. لا ماني مهندس .. شهادتي دبلوم من كليه ينبع الصناعيه منتظر معلومات اكثررررر عن الرواتب والمرتبه والفوائد .. وهل فيها رواتب بدل سكن مثل ارامكو ؟ ثلاث رواتب بالسنه |
http://skfupm.kfupm.edu.sa/vb/showthread.php?t=74961
هذا الموقع موجود فيه معلومات وافيه عن الشركه ان شاء الله تفيدك |
ممكن اسم الشخص اللي اتصل لك والرقم؟
|
يعطيك العافيه قمه الوفاء .. بس للحين ما لقيت اجابه عن سوالي .. اللي هو اللي يتعينون فيها على المرتبه الـ7 كم يأخذون رواتب وعلاوت وكلش ؟ .. وهل فيها 3 رواتب نهايه السنه مثل ارامكو وسابك ؟
|
اخوي رومنسي شيّكت على الرابط اللي حطيته لك ؟
ترى مليان معلومات عن الشركه بكل شي رواتب وقريدات |
حبيبي قمه الوفاء تعبتك معي ادري هههههههههه ما قصرت يا غالي والله يوفقك
الموقع اللي عطيتني اياه كله سواليف بين مهندسين متخرجين من البترول والمعادن .. يعني ما يفيدني كم يستلم المهندس ووش شغلته لانني فني تقني واكيد اني استلم اقل منهم وشغلتي غير عنهم .. وفوائدي والبونص تختلف .. |
جزاك الله الف خير
|
بالنسبة للشركة فهي قوية جدا والوظيفة تكون في حقول النفط المنتشره في المملكة تداوم على سبيل المثال ستة اسابيع واجازة ثلاثة اسابيع وغير الكورسات وكذا والدوام بختلف من قسم الى اخر وبالنسبة للراتب فهو 8640 اساسي + 1950 بدل سكن +650 بدل مواصلات الا اذا مازادوه يعني بس هذا الاكيد والبنية للقريد فانت اللي تاخده يعني كل ماخلصت كورسات اكثر اخذت القريد في غضون سنة وكم شهر تكون اخذت قريد 8
ان شاء الله افدتك .. تحياتي ^_* |
اخوي رومنسي بالمنطق والعقل
هل تعتقد شركه زي هذي عالميه وشغلها في البترول بتكون رواتبها من ابو 3 الاف واربع مثلا !! مستحيل اغلب شركات البترول رواتبها بالـ 6 الاف وطالع غير المميزات الثانيه والبدلات اللي بتجيك منهم غير البرامج التطويريه للموظفين اللي ممكن يكون فيها ابتعاث للخارج والشي الأهم انه على قد تعبك تاخذ يعني على حسب ساعات عملك وهذا احلى مافي الشركات هذي الله يوفقك ونا اخوك |
اقتباس:
يعطيك العافيه والله يجزاك خير يا غالي .. انت وقمه الوفاء ما قصرتم معاي والله يوفقكم الارقام اللي انت عرضتها ان شاء الله انها صحيحه او اكثر < بدا الطمع:q .. طيب انا سمعت ان الشركه مثل ارامكو وسابك من ناحيه البدلات وين بدل الخطر وغلاء المعيشه ؟ والا مو محسوبه عندهم وبخصوص الاجازه هل انت متأكد منها .. ست اسابيع دوام 3 اجازه؟ |
هلا اخوي .. حاضرين ماسوينا شي ..
الدوام يعتمد على القسم اللي تعين عليه هذا اللي ذكرته قسم D&M على سبيل المثال يكون الدوام ستة اسابيع بثلاثة اسابيع ..بالنسبة للراتب لو تلف الشركات كلها مابتحصل شركة تعطيك راتب كذا لا سابك لا ارامكو كثير من موظيفين سابك او رامكو راحو شرلمبر جير لان العرض قوي الراتب اللي ذركته لك ارقامه صحيحه جدا ويمكن زودوه هذا راتب السنة الاولى السنة الثانية يزيد الراتب لان السنة اولى تحت التدريب .. اذا كنت تبحث انك تكون نفسك ولا انت مرتبط توكل على الله وقدم زين في المقابلة والله يوفقك |
لاهنتوا اخواني
ممكن اعرف موقع الشركه بالشرقيه لاني ودي اقدم عندهم... |
هل الشركة هذي فيها فرص لحاملين الشهادة الثانويه .. !!!؟
|
اقتباس:
وحتى للمتوسط بالتوفيق |
الحمدلله .. بس معليش لو كلّفت عليك .. كيف طريقة التقديم !!؟
|
أفيدوني يا جماعة الخير كيف اقدم فيها مع العلم أني عندي دبلوم محاسبة بس المحاسبة ما توكل عيش ابي اشتغل في شمر جير حتى لو بالثانوية واذا كان فيه وظائف للثانوية كم راح يكون الراتب في البداية
اللي عندة معلومه لا يبخل علينا ٠٠٠ هاتف او جوال او ايميل نرسل لهم |
صاحب الموضوع فيد الشباب كيف قدمت
تبي تستفيد وماتفيد مو حلو يلغالي هم ساعدوكم ساعدهم وقول لهم كيف قدمت |
هل تعتقد شركه زي هذي عالميه وشغلها في البترول بتكون رواتبها من ابو 3 الاف واربع مثلا !!
مستحيل اغلب شركات البترول رواتبها بالـ 6 الاف وطالع غير المميزات الثانيه والبدلات اللي بتجيك منهم غير البرامج التطويريه للموظفين اللي ممكن يكون فيها ابتعاث للخارج والشي الأهم انه على قد تعبك تاخذ يعني على حسب ساعات عملك وهذا احلى مافي الشركات هذي وين 6000 ألف أكثر بكثير خوي فيه مهندس تعيين على قريد 8 يستلم أول مربوط وهو فرش 22000 ريال رواتبهم عالية وخيالية وأفضل شركة في السعودية بس يكرفونك كرف شغلهم في حقول النفط وتامين طبي قريد a أفضل التأمينات الطبية بس تصلح لواحد أعزب أما المتزوج صعبة |
ماحد جاوبني جديد عندة ثانوية كم أساسي يعطوه واشلون التقديم فيها
|
للرفع
في انتظار الرد |
هل يقبلون موظفين لديهم خبرة حكومية
|
تخصصي لحاام دبلوم هل يقبلون وكم الراتب ؟؟
|
لاحو ولاقوة الا بالله..
|
ممكن اعرف يعتي ايش المقصود
بثلاث رواتب كل نهاية سنه ؟؟ |
رواتب المهندسين من 22000 الى 25000 ريال فكيف الثانوي والفني والدبلوم أقل شي 11000 ريال
|
اقتباس:
يعني اذا كان راتبك الاساسي 7000 اضربه في ثلاثة يعني يعطونك 21000 ريال دفعة واحدة في نهاية السنة غير الراتب |
مهندس عمليات
الف شكر |
ثانوية عامة كيف اقدم
افيدوني .؟ |
يالله ياكريم ترزقنا بوظيفة في شركة شلمبرجير
دبلوم تقنية بترول وعاااااااااطل في بلد البترول بالتوفيق للجميع |
|
رد: شركـــه شلمبــرجيـر
السلام عليكم ..
انا قبل كم يوم سويت الفحص الطبي الحمدلله .. بس حاب اعرف كيف طبيعة عمل الموظفين انا حطوني بقسم WS/frac و كم الرواتب للي معاهم ثانوية و كم يكون القريد و ياريت الي عنده تفاصيل و معلومات يساعدني مشكور .. |
رد: شركـــه شلمبــرجيـر
اقتباس:
وأذكر يقول دوامه في البحر ونومه في البحر يداوم مثلا اسبوعين ويفك اسبوعين بس رواتب دسمه ويقول شاري له أرض ومشتري لأهله بيت يعني رواتب ممتازة جداً.. بالله الله لا يهينك وين مقر شركتهم في المملكة في أي مدينة ووصف الشركة لا هنت.. معي ثانوي ودبلوم حاسب وخبرة في المبيعات وتعبت وأنا ادور في شمال المملكة والقصيم والرياض أبي عندهم أي وظيفة ما في مشكلة المهم اعيش بحلالي وتعبي. |
| الساعة الآن 02:01 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين