ماهي أسهل وأفضل المشاريع برأس مال 600 ألف تقريبا !!!؟
 

بسم الله والصلاة والسلام على رسولنا الكريم ..

أخواني .. بعد ذكر الله والصلاة على النبي صلى الله عليه وسلّم .. حبيت أستشيركم .. !

ماهي أسهل المشاريع برأس مال من 500 ألف إلى 600 ألف ((( تقريبا )))

صاحبة رأس المال .. هي (( الوالده الله يحفظها ))

وحابّه تشغّله في مشروع سهل .. ممكن إقترحاتكم ؟؟

وأذكركم مره أخرى بذكر الله والصلاة على النبي .. والله يحفظ الجميع ياارب ..

شدني في الموضوع ان الفلوس لوالدتك الله يحفظها لك و يخليها لك
واعجبني فيك اهتمامك بها و باموالها

المهم انا بعطيك نصائح خلاصه تجربه قصيره فالتجاره و كانت فاشله لكن استفدت منها اشياء
* اي تجاره لابد ان تداريها انت بنفسك ليل و نهار تكون حريص عليها
* لابد ان تكون شخص اجتماعي ذا علاقات عشان تمشي اموريك
* اي تجاره فيها مكاسب لكن لابد ان تعرف سر الصنعه و تتعلم بنفسك لان محد بيعلمك

موضوعك هذا بحد ذاته بدايه فشل لان اي شخص ينفع معه مشروع لاينفع مع اخر
انا مثلا دخلت مجال السيارات المستورده من الخارجا بنائا على احد الاشخاص اللي اعرفهم و كان ناجح فيها
و الان ماشاء الله يمتلك مصنع و تريلات كله من وراها
لكن انا فشلت بسبب النقاط الثلاث اللي فوق
فلابد تشوف الشي اللي يناسبك
ونقاط القوه و الضعف لديك

يمكن كلامي عام لكن صدقني هو اللي اعتقد انه الصح

بالتوفيق يارب

يوم شفت موضوعك تذكرت عرض قبل كم يوم

30 هايلوكس 2012 أصفار في الإمارات ,,

الواحدة بـ 60 ألف ,, والبيع لكامل الكمية ,,

وأسعارها هنا في السعودية على 80 الف وأكثر

ويمكن الدفع على 3 دفعات إذا حبيت أدلك عليها

هلا بك اخوي


انصحك لوجه الله

اغلب مشاريع السيولة العالية اما محبطة لراعيها
او يبيلها وقت طويل لاسترجاع راس المال


انا ابادلك على شغلة وانصحك بها


اخوي ( خل الفلوس تجيب الفلوس من دون مشاريع ولاهم )

بالعربي يالحبيب

ارم فلوسك بالسوق وبعد فترة استردها ومعها الارباح


الشغلة مضمونة باذن الله ما فيها اي مخاطرة

وحلال 100% والارباح حدث ولا حرج انت وشطارتك

وافضل ما في ها المشروع ان راس مالك محفوظ ولا ينقص منه شي




ترى ما اقصد الاسهم اقصد المقاولات المشاريع

ادري الموضوع يبي له شرح

بس متى ماعزمت

نزل الرد هنا باي استفسار وابشر بالخير


موفق

افتح لك محلات محل معسلة ملابس فالدخل يتراوح من 8-15 الف شهريا و افتح مطعم ايضا ومحل خضار فجميعها فيها دخل وخير وخلك متميز توصيل مجاني الخ .... بالتووفيق لك و للوالده الله يحفظها لك أن شاء الله ويطول بعمرها يارب

الله يستر عليك ويسلّمك يالغالي ..

كلامك صحيح فعلا .. لو واحد دخل مجال ما يفهم فيه .. صعب ينجح فيه ..

لكن إن شاء الله مع كثرة الإستشارات ومقارنتها باللي يناسبنا راح نوصل إن شاء الله للشي السليم ..

وأشكرك من قلبي على نصيحتك :)

قصدك .. تشتري السيارات بسعر جمله مثلا .. وتبيعها هنا بسعرها الأصلي ؟

ممكن الفكره حلوه .. بس الخوف إن الكمّية ما تمشي .. !

أكيد فكره جميله .. وأحتاج شرح لها عشا توضح أكثر .. بإنتظارك يالغالي .. :)

تسلملي يالغالي .. والله يستر عليك يارب ..

وفكرتك جميله .. لو انه يكون محلّين أو 3 بالكثير صحيح يبغالها شوية جهد .. لكن ممكن تكون أفضل من أنك تحط الفلوس كلها في مشروع واحد وتنتظر نجاحه

بإمكانك تستعين بخبراء يفيدونك مقابل مبالغ معينة
وأظن أنك ما راح تخسر لما يفيدك خبير ..

ومثل ما قال الأخ اللي فوق ، لا تعتمد على تجارب الاخرين الشي اللي نجح معاهم مو شرط ينجح معاك

وأنا أنصحك طبعاً بشركة مقاولات صغيرة ، ثم تتوسع فيها
لأن المبلغ يناسب والشي الثاني أن هذا زمن المقاولات واقتصادها مرتفع

والرأي لك ولوالدتك طبعاً ، ولاتنسى ( الاستخارة )

ربي يوفقك يالغآلي :)