|
لمن لديةمعلومات بخصوص محل ملابس يفيدني بارك الله فيكم
السلام عليكم .. اخباركم جميعاً.. انا قبلت فترة جتني فكرة ملابس نسائية واكسسورات استوردها من الصين لكن ما اعطيت الموضوع اهمية لكن اليوم اسولف مع واحد قال بشري محل ملابس نسائية حجم المحل يمكن 4*3 ملابس من اسبانيا ان دخله بالمواسم باليوم 3 بعض الاحيان ورمضان ياصل 8 باليوم وسئلته عن قيمة القطعه تكلفتها قال 30 واصل لسعودية وش رايكم ...؟ انا فكرت اذا المشروع كذا اجيب من باريس لكن كم تطلع علي القطعه واصله لسعودية ..؟ وبالبداية كم قطعه اوفر مثلا اذا محل حجمه 12 او 15 متر مربع ...؟؟ وسعر البيع كم يكون ارجو افادتي بالمعلومات وياليت الي عنده موقع لاستيراد ملابس باريس او لندن يزودني فيه الله لايهينكم |
نسيت لا اذكر نوعه البضاعه بلايز
|
ارجع للموضوع بضيف شي ما اقدر لازم اضيف رد جديد لحوول بس
انا اتكلم طبعا عن المشروع بشكل عام وش رايكم فيه يعني محل بيع بلايز استورد بالجمله بامكان من الصين من لندن من باريس من تركيا بس وش رايكم فيه وبالنسبه لدخل ..؟ |
حياك اخوي ..
مشروعك ممتاز جدا جدا بعد توفيق الله , وانصحك بالتوجه الى تركيا واوروبا . بالنسبه لأوروبا ركز على شركات الأوت لت ( out let ) وهي موجوده بكثره في ضواحي باريس و لندن و ايطاليا وخصوصاً حوالي مدينة مــيــــــلان ( يااااااالبى بس ) وتبعد حوالي نص ساعه بالسياره عن ميلان . |
اقتباس:
انت قيمة المشروع بانه ممتاز بشكل عام ان النشاط بيع البلايز النسائية ممتاز او لاني ذكرت جهات الاستيراد ...؟ كذالك يدخل ضمن جهات الاستراد الصين عطني رايك من كل النواحي تقيمك للمشروع نشاط بيع بلايز بغض النظر عن جهة الاستيراد لان ممكن يكون لندن ممكن تركيا ممكن الصين لكن ابي بشكل عام ومن تقريبا احتاج قطعه للمحل مساحة 15 او 20 م |
والله يالغالي اسوق البلايز ماشي
وبهالسعر والله تمام واذا تحاول تقدر تجيب بلايز مو عاريه مره افضل والله يوفقك ويسهل دربك |
اقتباس:
صحيح ... كلامي ممتاز بشكل عام , ولكن انت حبيت تتخصص في البلايز فقط !! وهذا امتز من الممتاز :y .... طيب ليه ؟ لأن البلايز من اقوى السلع المستهلكه عند النساء ( طالبات الجامعات - الموظفات - المدرسات ...... الخ ) . الاستيراد من الصين ما انصحك فيه !! لأنك منت قادر تتميز بموديلاتك وفجأه بتلقا نفسك كررت نفس البضاعه الموجوده في السوق , لأن اغلب تجارنا يستوردون من الصين . تـــــركيا ... انصحك فيها وبقوه , ومستقبلاً ادخل على اوروبا . اهم شي ( موقع المحل ) الموقع الموقع الموقع الموقع الموقع ... |
كاتم العبارات بشرنا شو صار معك
|
السلام عليكم
بالتوفيق اخوي .. كاتم .. باذن الله بيكون ناجح وهالشي مطلوب جدا .. وانا مع راي الاخ فتى نجد ما شاء الله كفى ووفى بالرد ... وارجع اشدد ركز ايش الموضة اذا ودك فعلا تفلح البضاعة ... وبخصوص الملابس الصينية يمشي سوقها بشكل كبير حتى لو كانت مكررة ... بس اللي بيمشي بشكل اكبر لو جبت بضاعة فعلا نادرة وتكون القطعة مشغولة ومميزة |
لازم يكون عندك سجل استيراد عشان تجيب بضايع بغرض التسويق
التكلفة تحسبها كذا التكلفة الاجمالية ( سعر البضاعة + قيمة الشحن + الجمرك ) تقسمها على ( عدد القطع ) = تكلفة القطعة الواحدة موفق |
| الساعة الآن 07:26 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين