وظيفه بمصنع
 

بسم الله الرحمن الرحيم
السلام عليكم ورحمه الله وبركاته
حبيت استفسر عن مصنع الاناره بالرياض للنساء *
لان حصلت فيها وظيفه وسأباشر بالعمل السبت بأذن الله لكني في حيره شديده
لان طبيعه العمل يعتمد ع الجهد والعمل يدوي وشاق ع اليدين لانه تركيب محتويات قاعده اللمبه الكهربايئه وباليوم اجباري عمل 300 لمبه باليوم والدوام فترته طويله من 7 الى 3 العصر
وعلما ان اكثر اللي بالمصنع شهاداتهم ابتداىي متوسط ثانوي
وشهادتي انا بكالوريس والحمدالله ع كل حال مع اني كثير بحثت بمدارس اهليه لكن م حصلت وظروفي اجبرتني ع هذه الوظيفه ولأساعد ووالدي المديون اااه الحمدالله ع كل حال
الزبده ابي ارائكم حول هالوظيفه وهل احد قد توظف فيها علما بان راتبها 3500وبطريق الخرج وانا بشرق الرياض و500 سأوفرها لوسيله النقل :z

الله يعينك

معقوله 28 مشاهده ولا رد يطممن طيب هل لو اتوظف فيها بيقطعون من حافز؟؟؟

وعليكم السلام

تعتقدين ال 28 مشاهده كلهم أعضاء؟ يمكن زوار

المهم اذا تسجل اسمك بالتأمينات الاجتماعية راح يتم ايقاف حافز وعاد انتي وحظك يمكن بعد اسبوع من التسجيل يمكن بعد شهر ويمكن تزيد او تنقص

اتوقع 99% يقطعو حافز
لان المصانع تدور سعوديات عشان السعوده فلازم تحطك في التامينات
وحافز خلاص كلها شهرين وينتهي والف زياده شي طيب
وكمان احسن من جلسه البيت الشغل حلو وبالنهايه بعد الاستشاره الاستخاره
استخيري
اانا رحت شفت المصانع بنفسي (الغذائيه)
وكنت حشتغل هناك لكن استخرت واستخرت واستخرت في النهايه ربي ماارد لي
ولا توظفت فيها

الله يوفقني ويوفقك بوظيفه احسن وافضل