مشورتكم ياخواني
السلام عليكم ورحمة الله وبركاته ياخوان أنا في حيرة من امرئ وأبي مشورتكم أنا مخلص الجامعة قسمي مكتبات ومعلومات تقديري جيد قدمت على الكلية وماكتب الله نصيب والحين قدمت على الحرس الملكي بنصيحة من احد الجيران والحمد لله ما مضى شهر الا ومرسلين رسالة تم ترشيحك للمقابلة الشخصية قبول مبدئي لكن انصدمت في الرتبة خمس سنين جامعه في الاخير وكيل رقيب واحد الأقارب قلي انتظر السنه الجاية وقدم على الكلية الملك فهد وكلية الملك خالد ضباط لا تستعجل وجاري صراحة دخلها في راسي الحرس الملكي موعدي غداً ولله الحمد صليت الاستخارة لكن الاخ ما يستغني عن مشورت إخوانه سامحوني على الثرثرة جزاكم الله خير
|
وعليكم آلسلآإم ورحمه الله وبركآته ,
آخوي آلحرس آلملككي حلو بس جآمعي ويعطونك وكيل رقيب مآ آنصحك فيهآ لأن والله حرآم بس آنت آذآ ضآمن انهم يقبلونك السنه الجآيهه آحد الكليآت آلعسكريه آنتظر وش خسرآن كلهآ سنه وتعلق النجمه على كتفك آحسن من وكيل رقيب بالف مرهه بس اهم شيء اشغل نفسك بهذي السنه بشي يفيدك , والامر رآجع لكك ,. لان انا ما اعرف ضروفك الخاصه هل انت محتاج للوظيفه او عادي تنتظر سنه وبالتوفيق يآرب , |
اقتباس:
|
بالنسبه للكليات العسكريه مو كل جامعي يقدر يدخلها لكن انت قدم عليهم واذا لم تقبل وش تسوي مالك الا وكيل رقيب او رقيب على حسب القطاع .... بالتوفيق
|
تقديم الحرس الملكي مفتوح طوآل العام ..
اصبر لشهر 7 بتفتح الكليات العسكرية قدم واذا الله ماكتب لك فيها نصيب ارجع للحرس .. |
لو الحرس الملكي يعطوني رقيب ما راح أتردد
|
ياخوان وينكم
|
لو رقيب مقبوله
لاكن وكيل رقيب وجامعي ماتسوى دراسه 5سنوات والامر كله يرجع لك وانا اخوك استخر وشاور والديك واهلك واهل المعرفه |
اقتباس:
آستخخير ربك واجلس مع جآركم اللي نصحك بالحرس الملكي وتعمق معه اكثر وشآور اهلك وآصدقآئك آللي عندهم خبره عسكريه ولا تآخذ شور واحد مدني آخذ شور واحد عسكري ومجرب ويعرف العسكريه زين وآلله يكتب لك اللي فيه الخير وان آني جآلس آدعي لك |
استخير الله
وانتظر لين تفتح الكليات . . وان ما جاك نصيب قدم من جديد بلحرس الملكي ^^ والله يوفقك لكن ترا الامن العام والطوارى الخاصة يعطون رقيب .. |
الساعة الآن 11:52 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين