قصتي مع سوق الخضار ومكاسب ذهب & لاتتردد
بسم الله الرحمن الرحيم
اخواني السلام عليكم قصتي من الصباح الباكر اجبرت نفسي على النهوض الساعة الرابعة فجرا لأتجه الى سوق الخضار والفواكه لأكتشف سر العماله الاجنبيه وحبهم لسوق الخضار والفواكه شغلت السياره وتحركت الى السوق كنت انا وبضع شاحنات المتواجده ننتظر فتح بوابة السوق فتح السوق بعد وقت الصلاة مباشره ثم دخلو العالم الى السوق اقسم برب الكعبه ذهب ذهب ذهب تخيلو كرتون شمام 6 حبات ب 6 ريال وتباع برا السوق ب 30 ريال يعني مكسبك 24 ريال للكرتون كرتون الخيار 5 ريال وتباع برا الكيلو 5 ريال البصل الكيس الكبير 12 ريال وبرا ب 25 ريال وغيرها الكثير الكثير انا صراحه ما شريت شي حبيت اني اكسب خبره فقط واتعلم لكي ابدع في المستقبل تكفون تكفون ياشباب لاتستنون الوظيفة توكلو على الله وزاحمو الأجانب على فكره ترون الأجانب فرحانين لأننا نخجل ويدعون الله صباح مساء ان لاتفتح عيوننا عليهم وتقبلو تحياتي |
ليش تخجل ؟ أنت بايع شيء حرام ؟
الخضروات و الفواكه فيها خير و مكاسب مجزية لكن , لماذا لا يكون تفكيرك أكبر و تكون تجلب إلى هذا السوق فهي أحسن من ان تفتح محل أي , تكون وسيط بين المزارعين و تجار الجملة ( ركز بدايةً على البطاطس و البصل ) . أما إذا فتحت محل يعتبر جيد لكن مكسبك محدود و يجبرك على أن يكون مفتوح يومياً بعكس الوساطة التي مكسبها يعتبر كبير و تمكنك من الأستراحة لبضعت أيام . اتمنى التوفيق للجميع |
جيراناا مصارية لهم اكثر من 20 سنة وهم بس في سوق الخضره امهم تقول كل واحد في مصرمسوي له اعماره باسمة ...ماشاءالله مخ مصري مفتح ..
والواحد فيهم يدخل سوق الخضار من صف 6 ابتدائي لو تشوفون سيارتهم في الحاره الكل يقول وش السيارات الكشخة وبصراحة موفرين علينااا روحت الشراء من السوق لان ماشاء الله الكل يجي عند بيتهم حتى من الحارات الثانية ويشترون منهم واسعارهم ارخص من السوق .. |
اقتباس:
طيب وين ممكن احصل مزارع تتعامل معي في الدمام واكون وسيط ؟؟ |
اقتباس:
الشغله سهله .... تحتاج تكتيك :w:w:w |
بالشخص الناجح ياليت تفيد الشباب بكيفية جلب الخضار للسوق المركزي للخضار من المزارع وهل لها مردود مجزي وكم تتوقع بيكون رأس المال ولأنه أكيد بالبدايه الدينا والتريلا لن تكون موجوده ويعتمد فقط على الإيجار وشكرا لك ودجزاك الله خير
|
ياذا الوجه الاكرم والاسم الاعظم والعطيه الجزلى
سهل مرادنا |
اقتباس:
.. تقوم بشراء المحاصيل من المزارع والذهاب بها عصرا الى سوق الخضار بالدمام .. وهناك تجد اثنان من الدلالين المعتمدين .. ابو نادر من القطيف .. والغامدي .. وكل منهما لها مساحه خاصه يقوم عمالهم بتنزيل البضائع في الساحه للتدليل عليها باليوم الثاني بعد صلاة الفجر واذا بدأ الدلال بالحراج لا يمكن لك التراجع عن البيع حتى لو كان في بيعك خساره .. احيانا كثيره تجد اصحاب مطاعم وفنادق يمرون على البضائع اخر الليل واذا عجبهم شي وكنت انت ياصاحب البضاعه موجود يشترون منك وتعطي مندوب الدلال نسبته دون الانتظار للصباح .. بالنسبه للوساطه بين اصحاب المزارع وتجار الجمله صعبه شوي ومسيطر عليها الا اذا اشتريت محصول مزرعه بالكامل قبل نضوجه بشهر مثلا .. ووافضل شيء الشراء من اسواق القصيم وحائل وتبوك للجمله او سوق عتيقه بالرياض وبيعه جمله بالدمام .. |
اخي الكريم 00 بايسن كلك حركات00
اذا كنت جاد بالعمل في مجال الخضار والفواكه وتريد دعما ماديا ومعنويا ، فأنا جاهز لذلك ان كان هناك قبول وتوافق على الشراكة ارجو التواصل معي وشكرا |
سوق الخضاار فيه خير كثير لكن الشرط الوحيد اللي مخلي شبابنا ما يتجهون له هو القيام من النووم قبل الفجر وطلب الرزق واكثر الشباب الحين سهر في الليل .............. الله يوفقنا جميعا
|
الساعة الآن 05:46 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين