شركة سعودة
السلام عليكم ورحمة الله وبركاته
شخباركم سالفتي انا قدمت على شركة تدريب منهي بالتوظيف >>>انتبه من الاعلانات ذي:b المهم درسة 6 شهور حاسب(معالجة نصوص وادخال بيانات) و 6 شهور(انجليزي) فترة الدراسة يعطونا 1800 ريال خلصنا ورفعو الراتب 2700 مع التامينات وكل يوم يوعدونا با التوظيف وهم نصابين يستفيدون منا>>[mark=#FF0000]يجينا الراتب وحنا في بيوتنا:Thumbs_down: [/mark] عرفنا انها سعودة والي قاهرني اكثر ان مديرنا صيني هو صاحب الشركة ونص الشركة صينين مافيهم الى 3 سعودين حتى هم نصابين كل يوم يوعدونا بالتوظيف وابي اشتكيهم في مكتب العمل هل لي حق ولا كنك يابو زيد ماغزيت :k |
طيب يااخي اذا هم يعطونك راتب وانت جالس بالبيت حلوو ..؟؟
اذا تقدر تسجلني معك بالسعوده يكون افضل احسن من جلستي كذا بدون وظيفة ... وشكرا لك |
منت بلحالك اعرف شباب كثير نفس النظام ......
راتب و في البيت ... مرتاحين ومبسوطين حب يدكـ وجه وقفا ... |
للتوظيح للي يقولون زينه وحلوه وشوف لنا حبيت اقول انها حرام !!
تقدرون تتاكدون بنفسكم وتسالون المشايخ ادري اغلبكم بيجي ويقولي ياخي وش نسوي بطالة وشي احسن من شي ما حصلنا وظائف ... الخ لاكن االحرام يمحق الواحد نصيحه يا اخوان ((ومن ترك شي لله عوضه الله بخير منه )) وبالنسبه لصاحب الموضوع على كذا هم مستغلين اسمكـ ولا وضفوكـ فعليا قدم شكوى عليهم واشرح لهم السالفه من اولها الى اخرها اللهم اغننا من واسع فضلكـ ويوفق جميع اخواني الباحثين ع العمل والمسلمين اجمع |
طيب ياقوة الاحلام ابيك تجلس 9 سنوات عاطل وبعدها ابيك تجي هنا وتقول حرام وحلال ..؟؟؟؟؟
وبعرف كيف راح يكون ردك وطريقتك ... ورجاء لا تتحدث بشي انت ماجربته اصلا انت لو مجرب المعاناه اللي جربتها انا بعد 9 بطالة كان ماقلت هالكلام لكن كلامك مردود عليك ... وبعدين الحرام مو اني اسجل بالسعوده او غيره الحرام اني جالس 9 سنوات ولا حصلت فيها عمل هذا مو ظلم وربي هذا اكبرر ظلم والله لا يسامحه اللي كان السبب |
يد بيد نرفض
نحن لسنا سعودة وهمية نحن هنا لكي نعمل تقدم بشكوى ضدهم ولا قلهم أعطوني عمل بالعكس هاذي من أسبا ب الجريمة في المجتمع وقمة الأستهتار بشاب السعودي نحن هنا لكي نعمل |
جدا حلوة 2700 ريال بس وين مكانها وخلن اروح افضل من حافز جعلها ف رقبتهم
|
خذ اوراقك وروح اشتكيهم
المال الحرام مافيه بركة |
اقتباس:
اخي العزيز بامكانك تشتكي الشركه عن طريق موقع التامينات الاجتماعيه بانك مسجل بالتامينات بدون عمل وسوف تقوم التامينات بالباقي اما من يقول حرام او حلال :::::::::::: انا اسميها دعم الشركات للمواطنين لرفع الاقتصاد الوطني والبحث عن وظيفه مناسبه للموظف وبهذة الطريقه اصبح لدينا استفادة مشتركه للدوله والمواطن والتاجر الله يوفق الجميع |
اقتباس:
|
اللي عنده شركه سعوده تبي بنات وناخذ راتب واحنا فالبيت يرسلي على الخاص اسم الشركه امانه معه ترا الطفره شينه
|
أنا أبي أسجل فيها
|
اخي
العزيز اول شي رح لرئيسك المباشر وكلمة وقوله لذا ماتشوف لي حل انا سوف اشتكي وتدرد لهم حتى تصل الرئيس وكلمه وقوله انا مشكلتي كذا لانهم خوافين ترى بيشوف لك حل لاتقول ابي اشتكي قول انا ضروفي صعبة ودي ترسموني واذا شفته طنشك وقعد يسوف قول له انا ماودي اشتكي لاكن انتم حديتوني على الشكوى وانا مارايح اسكت لي كم شهر وانا مسجل في شركتم والموظف السعودي بعد ثلث شهور محد يستطيع يفصله حسب نص نظام العمل من المادة 80 وتاخذ حقك باذن الله . تحياتي،،،،،،،،،،، |
الله يعين
|
والله ياليت تفيدونا ادا فيه شركة سعودة للبنات بلغوني ع الخاص =(
|
انا ابي اسجل وش اسم شركة يا الغالي
طفررره شينه |
حرام لان بها مساعدة على الباطل وهما يستفيدون من اسمك ملايين من الدولة تسهيلات واعانات حكومية وغيروا يعني المبلغ الي تاخذوا عندهم مقابلة سرقة ونحن أهل البلد اولى لو كل سعودي رفض كان اشتغلت أنا وانتم وتركنا حافز وكل مليون يروح لهم أحنا اولى به والله المعاهد تاخذ دعم من الدولة سنوى باسم التدريب المنتهي بالتوظيف ويدفع لها الصندوق الخيري وصندوق تنمية الموارد وكلها أموال حرام من سكوت المواطنين عليهم ورفع شعار ابغا فلوس حتى لو حرام والحمدلله المال الحرام يحرق صحة اكله ويمحق البركة في المال الحلال ولا يستجاب دعوت من ماكلة ومشربة حرام والله 9 سنوات وانا جالسة في البيت وارفض الحرام وانا محتاجة للفلوس بس الحرام بين والحلال بين الله يغنينا بحلالة عن حرامه واذا بتشتكي أولاً اسأل في التامينات عن ماذا سيحصل لهم حضر اثباتات بإرسال بريد اكتروني بطلب رفع الراتب لك لانك محتاج واكتب هذه العبارة صحيح إني لا اعمل لديكم ولكني احتاج زيادة في الراتب مراعات لظروفي واحتياجاتي واذا ردوا انهم لن يزيدوا الراتب هذا اقرار منهم انهم يستخدمون اسمك واذا تثق بوصولك لمستندات اخرى حضرها قبل لتشتكي حتى لا يستطيعون الانكار اين العقد الموقع اقراءه جيداً حتى لا تتضرر ثم اسال عدة محامين عبر التويتر والهاتف واشتكي
|
^ اخوي مع احترامي لك (لاتدعي المثالية الزايدة ) وتحلل وتحرم وتفتي من مزاجك ؟؟!!
دام الطرفين راضين بهذا الشيء وكل واحد عارفه ايش له وايش عليه مو حرام ..!!! وهذي فتوى الشيخ : عبدالله المطلق حول السعودة ..! www.youtube.com/watch?v=IlMfflwxfrQ |
يحرمون ويحلللون
هذا رزق جاه راح ودرس 6 شهور وتعلم وعطوه فلوس مثله مثل حافز تجيك الفلوس وانت بالبيت وينها دلني عليها هالشركه |
الرياض ( صدى ) :
أكد الشيخ عبدالرحمن بن ناصر البراك أنه لا يحل للشباب والشابات السعوديين أخذ رواتب من شركات ومؤسسات القطاع الخاص بهدف توظيفهم توظيفًا وهميًا من أجل نظام السعودة. وعزا البراك ذلك إلى أنهم يأخذون هذه الرواتب بغير مقابل، موضحاً: “حتى لو رضي أصحاب الشركات أو المؤسسات فإن في ذلك إعانة لهم على التلاعب والكذب”. وأشار عبر صفحته الرسمية بموقع “تويتر” إلى أنه بافتراض أن الشركات والمؤسسات مظلومة فيما شُرط عليها من قبل الدولة بإلزامية التوظيف فإنه لا يحل أخذ ما يدفعونه من مرتبات، لأنهم ملزمون بذلك – على هذا التقدير – بغير حق. ووجه نصيحته للشباب قائلاً: “الواجب على الشباب بنين وبنات أن يستغنوا وألا يرضوا لأنفسهم بأخذ مرتبات بغير حق في وظائف وهمية، وعليهم أن يطلبوا الرزق بأسباب واضحة نقية، ففي هذا الخير والبركة”. في المقابل، طالب البراك الشركات والمؤسسات بأن تتقي الله وتفي بما شُرط عليها، فتوظف من السعوديين العدد المفروض توظيفًا حقيقيًا، كي يستفيد الشباب خبرةً إضافة إلى الراتب. الرياض ( صدى ) : حذّر الشيخ عبدالله بن سليمان بن منيع عضو هيئة كبار العلماء والمستشار بالديوان الملكي من السعودة الوهمية مشددا على ضرورة تهيئة أهل البلاد ليتسلموا أعمال البلاد. وقال: إن ولي الأمر – رعاه الله – تألم التألم الكامل لذهاب مصالح البلاد لغير أهلها ومن خلال تطبيق السعودة على الوجه الصحيح يستغنون عن غيرهم و تسد الحاجة للتقليل من البطالة أو القضاء عليها ومن ذلك تأهيل المواطنين بأعمال فنية أو إدارية أو غيرها وهذا هو مقصد ولي الأمر، وفقاً لـ”المدينة”. وأكد على وزارة العمل أن تعنى بالسعودة العناية الكاملة والملاحظ تجاوز بعض الشركات النظام فترفع أسماء سعوديين ليظهر في النظام أنهم يعملون في تلك الشركات. وأضاف ابن منيع، إن الراتب الذي يحصل عليه الموظف لا يجوز كما يعتبر الذي يتعاون مع تلك الشركات من الذين خانوا مصالح بلادهم وعصوا أمر وليّ الأمر، وينبغي أن يتساعدوا ويتعاونوا ويبذلوا كل ما يستطيعون في التعاون مع ولاة الأمر. حتى مفتى عام المملكة منزلين له يوتيوب محرم الموضوع اسالو أمل الذكر أن كنتم لا تعلمون المال ححححححححححححرررررررراممممممممم وعلى فكرة أنا لست مثالياً أنا واقعي وهذه الحقيقة المرة |
سبحان الله
|
خلك بس احسن من لا شي ..
وانت تستلم المكافاه ابحث عن وظيفه مدنيه ,, افضلك واريحلك ,, والي يقول السعوده مو زينه :g مثلها مثل حافز الي هو صحيح مو زين حافز:Thumbs_down: فقط يتفاخر بعدد المشتركين بالبرنامج ذا للاسف الشديد :mish: .. مدنيه وانا اخوك اريح وافضل :Thumbs: |
اسمه( تدريب منتهي بالتوظيف) ولم يتم توظيفك ! هذا استغلال
|
الساعة الآن 01:23 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين