شي غريب ؟ جتي رسالة من هدف
 

السلام عليكم
يااخوان اما مسجل بحافز من زمان من ايام الامر الملكي اوكي وكنت ادرس بالثانوية
تخرجت قبل كم شهر دخلت قبل يومين اشوف الاهليه (غير موهل ) طلع العمر باقي عليه شهرين وشهادة الثانوية لازم تمر عليها 6 شهور
وقبل شوي جتني رسالة من هدف
عزيزي طالب العمل:
لوجود وظيفة تناسب موهلاتك نامل الحضور يوم السبت الساعه 8 صباحا في صندوق تنمية الموارد البشرية وصور من الموهلات العلمية
^^^^
وش القصه ترا ماخذت ولا دفعه من حافز ولا شي
علموووووووني:b

للرفع

انا نفسك .. ودي يجاوبون الاخوان ..

وعليكم السلام

اخوي هذي رسالة من هدف تابعة لصندوق الموارد البشرية
وهم يسهّلون عليك عناء البحث عن وظيفة في القطاع الخاص
يكون عندهم عدة وظائف مع راتبها تناسب مؤهلك ويعرضونها عليك ..
اذا وافقت يعطونك رقم الشركة والكروكي والشركة اللي تروح لها تسهل عليك المقابلة والقبول
فبتكسب موظف من جهة الموارد البشرية لأنها تدفع اتوقع 2000 ريال للموظف والباقي على الشركة
مثلاً راتبك 5 آلاف .. الشركة ما تكلفها راتبك الا 3 .. وال2 الباقية من صندوق الموارد البشرية

انت تبغى الزبدة انها تابعة لحافز او لا
ما اظن لها دخل .. قبلت او رفضت مالها أي علاقة
هي مجرد تسهيل لبحثك عن وظيفة لأنك مسجل اسمك في موقع هدف
فالأفضل تروح تشوف وش الوظائف المعروضة يمكن تعجبك وتتوظف بدل العطالة اللي ما منها أي فائدة


بس اهم شي قبل تروح يكون معك صورة من بطاقة الأحوال + المؤهل + الدورات إذا عندك + السيرة الذاتية(أهم شي)
وحاول تكون هناك من 7 ونص أو قبلها بعد عشان تاخذ رقم وتكون اول واحد وتلحق على وظائف حلوة
طبعا أهم شي في الوظيفة : الدواام (طول وقت الدوام - هل فيه دوام الخميس) - عمل ونظام الشركة - المزايا الوظيفية - الراتب
طبعاً آخر شي الراتب لأنك في بدايتك ومع زيادة الخبرة بإمكانك البحث على وظيفة أخرى براتب أعلى

نصيحة أخوية / حاول تفكر في إكمال دراستك ولو على حسابك الخاص .. أو توظف وكمل انتساب
هالأيام الثانوية ما تؤكلك عيش مع الأسف


اذا فيه شي مو واضح لك اسأل او ارسللي على الخاص
بالتوفيق ان شاء الله

..

مشكووووووووووووووووووووووووووووووورين

هذا نظامهم أصلا أنهم يعطون حافز للعاطل عن الوظيفة