حلول البطالة Unemployment Solutions - شكر وتقدير للأستاذ الغالي " الوااالي " موضوع مهم جداً للجميع

السلام عليكم ورحمة الله وبركاته
شكر وتقدير للأستاذ الغالي القدير الوالي

يا إخوان تذكرون موضوعي السابق كنت شايل هم السيارة كيف أجيبها ؟ "P
عشان اشتغل عليها مشاوير

نصحني واحد أدبر حق الدفعة الأولى وآخذ سيارة مستعملة أقساط من أي شريطي في السوق
آعجبتني الفكرة :yaa: لكن كنت متوهق في الدفعة الأولى لأن ما معي شي :( ..

قبل يومين فجأة كذا
يعرض علي واحد ما أعرفه " من طرف واحد " إنه يآخذ اسمي ويفتح مؤسسة يطلع عليها فيز
يعني أسوي له وكالة .. والله ما أعرف فيها أي شي .... قلت له انا وش علي ؟ قال بس إسمك
تسوي وكالة ... قلت له ما يلحقني شي مستقبلاً ؟ قال لا حلفته بالله وحلف ... قال ما عليك
انت سوي لي وكالة وخلاص :Thumbs: .... انا قمت افكر فيها لأنه عرض علي مبلغ حلو يضمن لي الدفعة
الاولى أو بالأصح قريب منها :s ... جلست أفكر وأفكر ولازم توافق يا ولد وخذلك سيارة الرجال حلف
ما عليك شي مستقبلاً :k ... امس في الليل جلست ابحث في الانترنت هل الشغلة فيها شي
وما لقيت أو يمكن ما اعرف ابحث ... بس اللي لقيت تحذير انه لازم تستلم فلوسك لأنه
بعضهم يماطلك وما يعطيك شي :mad: ... الصباح عزمت اني اوافق اتصلت عليه وقلت له موافق
بس تحول الفلوس الحين على حساب خويي وانا آخذها منه بعدما اسوي لك الوكالة :Thumbs: قال اوكي
ما عندك مشكلة :eek: ... شاء الله إني أنام وصحيت قبل شوي ... وكالعادة اللاإرادية على قوقل
حلول البطالة .. وظائف الغربية :d المهم نزلت لهذا القسم واشوف موضوع اخونا واستاذنا
الوالي مرفوع بالأول ... قلت خليني استفسر من استاذنا خصوصاً إنه تاجر وعنده خبرة طويلة
وسبق قريت قصته قبل اسبوع .. وما شاء الله تبارك الله عليه :w ... المهم ارسلت له ع الخاص
استفسر عن موقفي وهل علي شي وعلمته بالقصة ... جا الرد سريع الحمد لله لأنه كان
متواجد في نفس الوقت :

اقتباس:

المشاركة الأصلية كتبت بواسطة الوااالي

و عليكم السلام

اي عامل يقوم بمشكله انت المسئول حتى لو كنت وكلت شخص اخر بادارة المؤسسه ؟
اذا ترتب على المؤسسه اي ديون فأنت المسئول امام السلطات الرسميه وليس الوكيل
اذا تأخر الوكيل في استخراج الاقامات مثلا فانت المسئول بدفع الغرامات .. وكذلك انت المسئول اذا رفع احد العمال قضيه لاي سبب كعدم استلام رواتب ..
.. اذا استأجر الوكيل محل ولم يسدد ا قام بأي امور مخالفه للانظمه فأنت المسئول اما الوكيل فأقل شيء يقوله .. انا مجرد وكيل لادارة العمل

... هذا جزء بسيط مما يحضرني الان والامر الاول والاخير لك ...

طبعاً تنسيق كلامه من عندي حتى تنتهبون للي بالأحمر

:r

الحمد لله والله ما جات على بالي لأني جاهل جداً في هذي الأمور وعلى وجهي
لأن الحاجة للمبلغ أعمتني اعوذ بالله .. شكري وتقديري لهذه الشخصية القديرة
الله يفرجها عليه دنيا وآخرة على هذا الموقف والتجاوب السريع ... كنت بروح ملح
يا إخوان وأتحسف ولا حد بيلتفت لي ... الموضوع يا إخوان نصيحة وشكر في
نفس الوقت .... والنصيحة للشباب مثلي لا يغترون بهذي العروض يمكن مستقبلاً
تتفاجئون بديون كبيرة جداً وتضربون الرأس في الحيط :b... ألقاكم
وقتها في عنبر 2 مع نوفل تغنون آه آه سكمانااآنااه :d

انتبهووووا وشكراً للوالي
وشكراً لكم

:w

والسلام عليكم ورحمة الله وبركاته
الله يفرجها علي وعليكم وعلى كل مسلم