استفسار عن الابتعاث الخارجي الرجاء من الجميع الدخول
[align=center]بسم الله الرحمن الرحيم
السلام عليكم ورحمة الله وبركاته اخواني و اخواتي اسعد الله جميع اوقاتكم بالخير و المسرات انا اخوكم بالله خريج ثانوي طبعاً تخصص ادبي ومثل ماتعرفون هنا التخصصات الادبيه مالها مستقبل انا سجلت فيه اكثر من جامعه وما انقبلت طبعاً نسبتي بالتراكمي 71.75 والقدرات 83 قبلتني طيبه وعرضو علي 16 تخصص وجميعها مالها مستقبل جغرافيا تاريخ لغه عربيه اداره مكتبيه تخصصات مالها مستقبل كنت اتمنا تخصص لغه انجليزيه لكن ما حصل لي المهم انا جالس افكر بلابتعاث الخارجي على حسابي الخاص (مامعي شي) لكن فكره فقط هي طبعاً مثل ما سمعت انك تبتعث على حسابك الخاص وبعد من 4 -8 اشهر يضمونك للبعثه على حساب الدوله فقلت شي ممتاز بحاول ادرس لان عندي طموح يعني انا الان افكر بدراسة الطيران لكن ما ادري هل اقدر او لا اذا اقدر ايش هي الطرق الي اسويها كيف اقدم الشي الثاني ايش هي التخصصات الي اقدر ادخلها مع العلم اني شرعي الشي الثالث التكاليف كم هي خلال سنه ايش هي الجامعات الي اقدر اسجل فيها بالفتره الحاليه او خلال الشهرين القادمه ي جماعه انا انسان عندي طموح ما ابي اسجل في عسكريه ولا ادرس فقط عشان اقول انا جامعي ابي ادرس عشان اخذ تخصص له مستقبل ومضمون التوظيف فيه الشي الثاني ابي تخصص ممتاز مثل طيار او مساعد طيار طبعاً سالت عن الطب و التخصصات الصحيه وقالو يقبلونك عادي لكن تدرس اول سنه التخصصات العلميه هل هذا الكلام صحيح واذا صحيح كيف اقدر اسجل بشكل عام محتاج جميع التفاصيل الخاصه بلابتعاث وكيف اقدم على ابتعاث على حساب الدوله لاني والله ما معي شي لكن حتى لو ما قدرت ابتعث على حسابهم بأذن الله بحاول ابتعث على حسابي واحول بعدين على ابتعاث الدوله والشي الاخير ياليت من يملك معلومات تفيدني يقولها حتى لو ما سالت عنها يعني تخصص ممتاز وطريقة التسجيل والجامعه و الخ.. وياليت لو فيه شركات تسوي بعثات تدلوني عليها او اي جهه اقدم عليها واخذ ابتعاث دلوني ولكم الاجر ان شاء الله ي جماعه ساعدوني الله يجزاكم خير وان شاء الله تتسهل لي الامور انتظر مشاركاتكم ...[/align] |
يجي من يفيدك
والله يوفقك ي الغالي |
اذا انت ( طموح ) وتقدر تتغلب على جميع الصعاب اللى تواجها اتوكل على اللة واطلع واذا انت متخرج شرعي اش المشكلة هيا صح غلطة مو انت تتحملها حط في بالك ذا الشي
انا بساعدك واوقف معاك الى الاخير اول شي تسوية حدد الدولة اللى بتروح عليها ومن ذحين اقولك ابعد عن كندا لانها جد صعبة في القبولات الشي الثاني اذا انت من سكان الرياض روح الوزارة واستفسر قبل لا تسوي شي بخصوص الاقسام الشي الثالث الاقسام المتاحة لك وقوية زي علوم حاسب الى محاسبة واقتصاد واهم شي روح الوزارة اسئل عندهم العلم الاكيد بخصوص الاقسام واتمنى اني افدتك اللة يوفقك |
اقتباس:
ارشح لك المحاسبة بالمقام الاول مع اتقان اللغة الانجليزية وبإذن الله تشوف الخير. |
يعطيكم ربي الف عافيه
طيب ايش هي شروط الابتعاث.؟؟ وايش هي التخصصات المتاحه لي .؟؟ |
انتا رايح على حسابك مافيها شروط ابدا بس لازم قبل لا تسافر تفتح ملف طالب دارس على حسابة الخاص وتاخذ الموافقة منهم من الوزارة
|
^
^ مافهمتني ايش شروط الابتعاث يعني الجامعات ايش تطلب هل عندهم ينظرون لنوع الشهاده ادبي او علمي اذا كذا وش هي التخصصات الي اقدر ادخلها افضل الجامعات طريقة التسجيل بالجامعات مواعيد التسجيل المبالغ الي بدفعها طيف ابدء الاجراءات من وين ابدء ابي احد عنده خلفيه عن الموضوع ويسهل الموضوع علي ويعطيني نصيحته |
على حسب الدولة اللى بتروح عليها وهناك ما عندهم شرعي ولا علمي
وافضل شي اشوفة محاسبة حلوة ومجالاتها واسعة واذا انتا مرة مستعجل على السفر ابدا الاجرائات من بعد اجازة الحج |
بدوية ماركة
يااخوي انشالله امورك بسيطة انا كنت مرافقة زوجي مبتعث واقدر افيدك بعض الاموراولا روح لوزارة التعليم العالي واسالهم اذا يضمونك للبعثة وشنو الشروط ثانيا تقدر تاخذ من النت موعد من السفارة الامريكية ولازم احد يكتب لك بالانجليزي وتدفع رسوم للطلب وحق الفيزا الي اعرفة فوق 500 ريال وتحدد وقت المقابلة هذا طبعا بعد روحتك لوزارة التعليم ويقابلونك السفارة بالموعدويسالونك اسئلة عامة ياخوي ولاتحاتي شكثر بنات مبتعثات تخصصهم ادبي ومنها اعرف تاريخ ولما تبتعث تدرس سنة لغة وبعدها تحدد اي تخصص نفسك فية وياريت ماتنساني من دعائك:do5h:
|
اقتباس:
عندنا هنا اغلب التخصصات لازم تكون خريج علمي لكن فيه معاهد خاصه لو كنت ادبي وحبيت تدرس تخصص صحي يقبلونك وتدرس اول سنه التخصصات العلميه وبعد كذا تبدء تدرس التخصص السؤال هل جميع التخصصات بالخارج مفتوحه لي اقدر اختار الي ابي ولا نفس ماهو موجود هنا اغلب التخصصات للعلمي مع ان بعضها ماله علاقه بعلمي او ادبي الشي الثاني انا ابي جامعه معتمده بالتعليم العالي عندنا عشان اقدر احول ابتعاثي من خاص لحكومي مستقبلاً ان شاء الله لو ابتعثت الشي الاخير المحاسبه هنا بالسعوديه ما اقدر ادرسها لان شهادتي ادبي هل بالخارج اقدر ادرسها بغض النظر عن نوع شهادتي اتمنا وضح استفساري والفلبين هل فيها جامعات كبيره.؟ |
كل جامعة لها معاير في القبول وفرضا انتا دخلت هندسة الوازرة مار اح تضمك للبعثة خلي ذا الشي في بالك والمحاسبة للكل شرعي والعلمي
وتقدر تدرسها براحة بدون اي مشاكل وما انصحك في الفلبين شوف دولة غيرها افضل |
اقتباس:
انا هذا نفس الكلام الي حصلته فـ النت الان انا ببتعث على حسابي انزين مثال اخترت جامعه يشملها الابتعاث الي تقدمه الحكومه طبعاً مدام يشملها اقدر انضم للبعثه بعد ابتعاثي بفتره ان شاء الله السؤال هو الان انا اخترت الجامعه (س) كيف اقدم عليها طيب اروح لسفاره قبل اقدم او بعد ما اقدم وانقبل .؟ لان مو معقول بدفع رسوم والخ... وانا ما انقبلت في شي فهمتني اختي والشي الثالث انا ادري الادبي يبتعثون لكن سؤالي انا هنا في السعوديه محروم من تخصصات معينه مثل المحاسبه التخصصات الصحيه الهندسه الخ... تخصصات كثيره لاني ادبي بالخارج هل هالشي موجود يعني ما اقدر ادرس هذي التخصصات او عادي ادرسها اتمنا وضحت سؤالي يعني انا ابي كيف اقدم مثال هل اروح الان وابحث عن جامعه واقدم عليها وبعد ما يرسلون لي القبول اروح لسفاره و و و و الخ... او اروح لسفاره وبعدين اقدم ولا ايش اسوي ابي من الالف للياء وابي اعرف هل اي تخصص ابيه اقدر اقدم عليه اتمنا فهمتوني ومشكورين ماقصرتم على تجاوبكم |
اقتباس:
المحاسبه تعتمد على الرياضيات هنا ما يقبلونك تدرسها لانك ادبي مو علمي ومادرست رياضيات طيب كيف اعرف التخصصات الي تقبلها البعثه وش هي شروط الابتعاث يعني محددين تخصصات معينه تبتعث فيها.؟ |
ادخل موقع وزارة التعليم العالي وراح تحصل الجامعات الموصى بها ( أي المعتمدة ) وكذلك تعرف الجامعات اللي غير معتمدة.
وراح تتعرف على التخصصات المتاحة. |
اخويا مين قلك ما تدرسها هنا صاحبي متخرج شرعي ودخل التقنية قسم محاسبة وخلص وشوفة في امريكا والتحق خلال 4 اشهر
والتخصصات المتاحة من الوزارة تسويق - محاسبة -تائمين -تمويل -مالية مكتوبة في موقع الوزارة عشان ترتاح وضيف فوق ذلك علوم حاسب الى واقتصاد |
مافيه بالموقع الجامعات الموصى بها
وين احصلها .؟ طيب لو بدرس محاسبه كيف طريقة التقديم.؟ |
هذا الرابط حق الجامعات في بعض الجامعات موقفة علها خط احمر ممنوع التقديم عليها بسبب التكدس الطلاب
http://ru.mohe.gov.sa/univ.aspx?uc=s...rtid=0&stid=-1 |
هذا الرابط لدولة امريكا والجامعات اللى هناك و موجود فيها تخصص المحاسبة مكتوب بالانجلزي Accounting
|
يعطيك ربي الف عافيه
يعني الان اختار الجامعه واقدم عليها وبعد القبول اقدم على الوزاره.؟ |
لو لا سمح الله ما قدرت تدرس بالخارج, تقدر تدرس بجامعة الملك فيصل انتساب مطور محاسبة لو عينك عليها
تشوف المحاضرات عن طريق النت وتقدر تحملها على جهازك والشروط شهادة الثانوية وتسدد الرسوم وانتهت الحفلة :) واللغة الانجليزية تروح لك أي معهد متخصص وتدرس فيه سنة وست أشهر وتطلع بلبل :k |
^
انت طموحك انتساب .؟ |
اقتباس:
هل ذكرت لك أن طموحي هو الانتساب :i ذكرت ببداية الرد اقتباس:
مستقبلاً حاول أن لا تكتب هذه الجملة, لان من يكتبها يكون مدرك لحقيقة وضعه :) اقتباس:
|
اقتباس:
وانا عيد عليك نفس سؤالك لي انت قرية موضوعي وفهمته اشك في هالشي انا طرحت موضوع فحواه تقول كتالي: (طرق وتفاصيل وامور الابتعاث كيف وأين وكم وماذا ) ما سألت عن اي شي يخص الدراسه الداخليه فأنت لا تجي تكتب ادرس انتساب وانتهت الحفله لان هذا فيه قلت ذوق واحترام لصاحب الموضوع ولنفسك وللمتابعين ولمن جالسين يساعدوني انا اعجبني شخص رد وكتب (يجي من يفيدك) يعني اسف ما املك معلومه افيدك فيها لكن ما جاء وكتب طيب ليه ما تدرس انتساب وانتهت الحفله لان هذا اسمه قلت ادب وذوق انت يجب عليك ان تقول خيراً او تصمت ما تحطم صاحب الموضوع (انا) وكتبت صاحب الموضوع لاني اتكلم بشكل عام يجب عليك ان تختار كلمات مشاركتك بكل ذوق واحترام وتكون مناسبه للاستفسار (انتهت الحفله ) انا اكثر ما استفزني هذي الجمله وكأن من يطمح بالدراسه الخارجيه فقط يبحث عن حفله و (شو ) يعني شوفوني انا مبتعث انا انسان ابحث عن الارتقاء بنفسي ابحث عن تأمين نفسي بشهاده مرغوبه موضوعي واضح لكن مثل ماقلت لك انت من الي يقراء ولا يفهم لاني قلت احتاج شهاده لها مستقبل مو بس والله انا جامعي لكن عاطل انتساب شي مضحك انك تطلب من شاب العمر قدامه يدرس انتساب .؟!! الموضوع يشتمل شقين 1- انت تتكلم بشي انت جاهل فيه وهذي مصيبه 2-انت تتكلم بموضوع فاهم حيثياته والمصيبه اكبر واعظم شهادة الانتساب غير مرغوبه الا في الترقيات لمن هم على راس العمل والتعيين فيها صعب ومستحيل في كثر من الامور خاصه في قطاع التعليم توقف التعيين بالانتساب الا بتخصص اللغه الانجليزيه فأنت الان طموحك او تبغا طموحي اكون حامل شهاده فقط اسم.؟ كتبت موضوعي وحطيت فيه كل التفاصيل مو عشان يجيني شخص ويحاول يحطمني عشان يجي شخص ويفهم طموحي ويساعدني يحفزني يدلني على الطرق السلميه الصحيحه مثل ما تفضل اخوي عاطل مشكور واختي الثانيه الي عطتني معلومات مفيه وكل من شارك بالموضوع انا اكتفيت برد بسيط ما ابي اعلق بشكل مفصل مع انه استفزني ردك لكن قلت كل انسان وعقليته لكن الان تجبرني ارد بشكل مفصل وابين لك انك من الناس الي تتكلم عنهم يقراء ولا يفهم احترم الجميع واشكرهم جميعاً وانا اخترت دراسة المحاسبه ان شاء الله وياليت اي شخص عنده معلومات ينورني فيها فضلاً لا امراً وجزاكم الله الف خير |
ما ادري شكلك متوتر من ورا الجهاز
وكلامك السابق مجرد حشو فمو مستاهل إني اعلق على كل جملة وأفند فيها فقط اللهم هذه الجزئية بحكم أنها أكثر شيء زعلتك اقتباس:
|
اقتباس:
لا مو حشو كلامي لكن انت ما تملك القدره على الرد ولا الجراءه والشجاعه على الاعتذار جمله بسيطه مكونه من كلمات قليله " اسف فهمت موضوعك غلط وردي مكان في محله " كنت تقدر تقولها بدل المكابره على الغلط .؟ََ على العموم الموضوع واضح للجميع وعلى كل حال لا حول ولا قوة الا بالله والف من ذكره فـ ذكر الله شي طيب ويجب ان نكثر منه يعطيك ربي الف عافيه على التواجد |
راح نساعدك ولا تشيل هم ان شاء اللة
|
انصحك بالصين ورح تدعيلي
لانك اذا جبت البعثه رح تعيش ملك ورح تجمع لك مبلغ وقدره خلال دراستك ومنها تعليم زائد تحويشه من المكافات |
يعطيكم ربي الف عافيه
طيب كيف اقدم على جامعات الصين وايش اللغه حقت الدراسه.؟ وكم التكلفه.؟ |
لغة الدارسة صينية استثناء الطب يدرس باللغه الانجليزية
تعال خذ لك كورس لغه الى ان يجيك الالحاق بالبثعه لالحاق رح يجيك خلال ترم ولا تاخر كحد اقصى سنة نقول سنة تكاليف دراسة اللغه 15 الف لمدة سنة يعني بالريال تقريا 8500ريال او انقص السكن شقه قول الف ريال شهريا يعني 12 الف ريال بالسنة المعيشه 500رسال شهريا يعني 6000الف في السنة المجموع 26 الف ريال تقريبا شامل كل شي بعد الالحاق رح ترجع اللي خسرته في سنة بالضعف |
مشكله اذا الدراسه باللغه الصينيه
طيب ي الغالي انا لقيت جامعه وابي اقدم لكن مو عارف الطريقه http://www.atu.edu هذا رابط الجامعه كيف اسجل وكيف اعرف معلومات عن الجامعه تكاليف مكان الخ... انا يقولون هذي جامعه رخيصه وهي معتمده من وزارة التربيه و التعليم |
اقتباس:
مرحبا ان شاء الله اقدر افيدك باللي اقدر عليه بالنسبه للتخصصات الادبيه الوزاره تبتعثهم على تخصص تسويق فقط .. بامكانك بعد مايرشحونك تقدم تحويل لتخصص ثاني طبعاً شروطهم بالتقديم شوي شينه بالنسبه للبكالوريس .. يبون "ايلتس وقدرات" فوق الثمانين والنسبه اللي يبونها 95 وفوق وبالنسبه اذا تبي تدرس على حسابك اول خطوه ترسل للوزاره اذا التخصص اللي تبي تدرسه مسموح او لا ثانياً راح يكون بحثك عن جامعه عندها معهد لغه .. لان اول سنه عموماً راح تدرس لغه انقليزيه قبلل البكالوريوس مهما كان تخصصك ثالثاً: ترسل للجامعه او المعهد وتقدر تجيب قبول مشروط من جامعه يعني "انك تدرس بمعهدهم وتجيب درجة التوفل او الجيمات " ويقبلونك تلقائياً حط ببالك شي اسمه الشهاده البنكيه : "هذا لازم يكون عندك مبلغ مالي كل جامعه تشترط مبلغ معين " مثلاً جامعه تشترط يكون عندك 17000 دولار .. فتروح للبنك وتقول لهم ابي شهاده بنكيه للجامعه الفلانيه وبالمبلغ الفلاني ولازم يكون بحسابك هذا الرصيد .. بعد ماتراسل الجامعه .. وقبلوك خلاص ؟! راح يرسلون لك رقم .. هذا تقدر تطلع فيه فيزة الدراسه وخلاص وتقدم طلب الحاق لما توصل امريكا عاد انته وحضك يا يلحقونك بالبعثه او لا .. لكن اذا تبي تروح على حساب الدوله تقدم عليهم راح يبدا التقديم الجاي ان شاء الله برمضان .. وماتختلف الاجراءات عن اللي فوق بس الضمان المالي راح تعطيك الدوله اياه وترى موقع الخطوط السعوديه بالعاده ينزلون بعثات دراسيه لهم حاول تشيك عليهمم : بالنسبه لموقع الجامعه اللي حاطه .. خش اي موقع جامعه بتلاقي فوق كلمه Admissions من هنا تعرف الفصول اللي تبدا فيها الدراسه شوف هنا http://www.atu.edu/imsso/admission.php وشوف على اليسار : APPLICATION PRIORITY DATES FALL SEMESTER (August Intake) May 1 ****** SEMESTER (January Intake) October 1 SUMMER SESSIONS (June and July Intake) March 1 Applications will still be accepted after priority dates. فيه ترم يبدا بماي ، ترم باكتوبر و الثاني بمارس بس مثل ماقلت لك انته ماراح تدرس جامعه على طول لازم اول سنه انقلش :) واذا تبي مساعده انا موجوده وربي يسهل لك ويفتحها بوجهك |
انت تقدر تروح تدرس في المعهد عشان اللغة الانجليزية وهاذي في المجمل ماتكلفك 30 ألف ريال
بعدها تقدر ومن خلال طرق كثيرة وميسرة تحول لبعثة الملك وتكمل دراستك في الجامعة بالتخصص اللي تحب موفق .. :) |
الساعة الآن 07:04 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين