حلول البطالة Unemployment Solutions - خريجين دبلومات الحاسب الالي لاتطبيق ولاتوظيف

حلول البطالة Unemployment Solutions (https://www.btalah.com/index.php)

من حقنا نتوظف حكومي بجميع تخصصات الكليه التقنيه ،،،

والي يقول مشي نفسك في القطاع الخاص من قال احنا جالسين انا حالياً موظف في القطاع الخاص لاكن لما تشوف الظلم والذل في القطاع الخاص وغير مافي امان وظيفي في اي وقت تتوقع يطردووك ديك الساعه قولوا قطاع خاص

من حقي اتوظف حكومي حالي حال غيري الي توظفوا محتاجين امان وظيفي ورواتب عدله

القطاع الخاص ظالمنا في الرواتب وغير مافيه امان وظيفي ،،،

لاعزاء للي مايطالبون بالوظيفه الحكوميه هذا حقنا ويجب ان نطالب به ،،، نبي نعيش حياه كريمه ونضمن مستقبلنا ومستقبل اولادنا

من حق أي مواطن أنه يتوظف وظيفه حكوميه

أنا موظف قطاع خاص . وعدوا على أصابعكم :

1- دوام 10 ساعات .

2- راتب ضعيف .

3- اجازات 5 ايام العيد وغيرنا 16 يوم .

4- الخميس دوام .

5 - إداره زفت وتهديد ووعيد وخصومات

حســـبي الله ونــــــعم الوكـــيل بــــــــــــس

والله كلنا موضفين القطاع الخاص الحال من بعضه

إدارهـ سيئة تعامل سيئ بيئة سيئة كل شي سيئ

وراتب ضعيف ودوام اكثر ولا يحتسب عليك اوفر تايم

والله معطيني اجازهـ 4 أيام بسسسسسسسس

بس وش نسوي ,,

1- هل ممكن أحد تطلع له وظيفه بدون مايطابق ( يعني فقط حسب تسجيله في جداره) ؟؟؟

2- هل ممكن أعرف من ديوان الخدمه المدنيه متى يكون دوري بالمطابقه ؟؟؟

أسئلة في محلها أتمنى احد يفيدنا ويجاوب عليها ..

ياريت اخوي تبحث معي عن اجوبه لهاذي الاسئله

ماقصروا الاخوان

وانا وضعي مثلهم في وظيفتي في القطاع الخاص ،،،

دوام 9 ساعات

راتب ضعيف

الخميس دوام

اجازه العيد 5 ايام بس وبالحسره اخذنا 5 ايام في البدايه عطونا 4 ايام وكلمناهم بالدقه يالله عطونا يوم زياده وصارت الاجازه 5 ايام

وغير الذل والقهر تشوف الاجنبي يترقى وتجيه زيادات عاليه وانت اذا جتك زياده 100 ريال تحب يدك بالمقلوب عيني عينك زادوا موظف عندنا سوداني الجنسيه 1000 ريال اللهم لاحسد لاكن السعوديين اذا وصلت زياداتهم 100 ريال تحب يدك بالمقلوب

وغير مديري سعودي لاكن متضايق منه وااجد يتصيد عليي اقل شي حتى اذا ماشاف شي يدور اقل شي اهم شي يهدر عليي اتوقع اذا ماهدر يجيه مرض مايرتاح لازم يهدر عليي كل يوم ضغط مو طبيعي مع اني ملتزم معااهم في الدوام وفي العمل اتحداه يطلع عليي يوم تأخير كل يوم احضر الدوام بدري ماعليي لاتأخير ولا غيابات ولا استأذانات ومع هذا مافي فايده

مديري حسب ماسمعت من الموظفين انه جاي بواسطه ماعنده ماعند جدتي مايفهم شي في الاداره وشغال صبي عند راعي الحلال ويجي يستقوي علينا حسبي الله ونعم الوكيل

الترقيات الى الاجانب بس السعوديين مشوا بوزكم مالكم شي

حسبي الله ونعم الوكيل

الله يوفقنا جميعاً ونتوظف حكومي ياااارب

[align=center]الله يعينك اخوي عبيد الحال من بعضه ,,,

ولازلت اعيد اسئلتي مين يقدر يفيدنا

1- هل ممكن أحد تطلع له وظيفه بدون مايطابق ( يعني فقط حسب تسجيله في جداره) ؟؟؟

2- هل ممكن أعرف من ديوان الخدمه المدنيه متى يكون دوري بالمطابقه ؟؟؟

[/align]

ياليت ياجمااعه نكلم المسؤلين او نوصل صوتنا للاعلاام حرام تخصصات الحاسب التقني مهمه بالدوائر الحكوميه وحتى بالمدارس سواء(برمجيات او دعم فني) ومومعقوله ابدا ان الدوائر الحكوميه ماتحتاجها الا اذا الاجانب سادين الفراغ هذا شي ثاني ....

ياليييييييييييييييت مانسكت عن حقنا احنا مواطنين ومن ابسط حقوقنا الوظيفه المحترممه

شرايكم نسوي تجمع لدبلومات الحاسب الالي لمتابعة اخبارهم أول بأول ؟؟؟؟