السلام عليكم ورحمة الله

شباب انا اشتغل بشركة بنظام الورديات و مديري ال (باكستاني) غير شفتي ثاني يوم بنفس الأسبوع هل فيه نظام يحميني بمكتب العمل ويخليه مايغير شفتي ثاني أمس كان ظهر وثاني يوم خلاني اداوم صبح قلت له مايمديني اصلح نومي كلمته بكل ادب واحترام غيره بعد الاوف ما اقدر قال لا تبي والا اوت المهم اني غايب اليوم هو كان فيه تراكمات مشاكل قديمه هو طبعا عنده فساد وحرامي وغشاش وباقي المصريين زملائي بالدوام مكتمين عنه يغطون على بعض فسادهم كان بالبدايه يرخي لي الحبل ويغطي عني اشياء كثيره وكنت استغرب اثره يلمح عشان اتستر عليه لكن بعد مازبدتها بوجهه وقلت له انت حرامي واعرف سواليفك حقد والمشكله الاداره وقفت معه

طبعا انا باخذ راتبي الشهر وبسحب والسبب :

1- الوظيفة برى مدينتي انا بالدمام والوظيفة بالخبر

2- الموتر مايجمل كل يوم خرابات اخر مره مصلحه بكل الراتب

3- وغير كذا شفتات

4- والراتب 3000 ريال وانا باليوم ادخل لهم مالا يقل عن 20 الف ريال هذا اذا مافيه شغل

5- المصريين الي معاي رواتبهم 4000 و5000 بحكم الأقدميه بس 4 سنوات وشغالين نكبات وتدبيس لو أتاخر 5 دقايق دق على الدنيا كلها داااااااااا ابراهيم مقاااااااااااااااااش ايش اسوي والله هاااااااازا مازين ( مايقهرني الا لما يتكلمون سعودي )


بس السؤال فيه قانون يمنع تغيير الشفت والا لا ؟

فيه احد يفيدني

والله مادري يجي من يفيدك الله يعنيك ولا تسيب حققك ها كدا مال حرام ماعندهم مشكله بس اهم شي فلوس قلعه تقلعهم يارب

شوف ياخوي بنصحك نصيحة مجرب هذا الوضع

اول شيء / انت لا تشيل في نفسك منهم

ثانيا / احرص على رزقك

ثالثا / لايحق لمدير خصم او رفع الصوت على موظف في اول نصف ساعه من الدوام

رابعاً / المصري الي يضايقك اكويه وعامله باهانه الين يحترم نفسه ولا تاخذ عمل وتكليف خارج حدودك العمليه

وجوالي 0557969894 جده فهد

عزيزي حاول تدور وظائف أفضل وأنت على رأس العمل والله يرزقك بأحسن منها

وبعدين نصيحة لك في أي عمل خل شخصيتك رسمية وتعاملك معهم في حدود العمل
ولاترفع صوتك عليهم ولايرفعون صوتهم عليك وأحذر من أي أجنبي أن يقلل منك أو شخصيتك أو عملك

وبحكم أني أغتربت 7 سنوات بمصر .. خلك بجيح مع الأجانب دامك في بلدك وأبعطيك معلومة عن المصري مثل دواسة البنزين تدعس عليه يمشي تشيل رجلك يوقف بحلقك وسلامة فهمك

اليوم ثاني يوم اغيب عن العمل وبحيره استقيل والا لا عطيتهم خبر اني غياب ومبيت النيه للأستقاله
لكن بشوف الوضع بكرا وربي يوفقنا وياكم لمافيه الخير ياخي لو الراتب 4000 او 5000 بتحمل اهانات لكن مافيه شي يستاهل 3000 ريال ماتسوى من جد

ادرس وخل شهادتك تعزك وانا اخوك مابعد القطاعات الحكوميه او الاهليه الكبيره مثل الشركات العظمى(سكيكو_ارامكو_سابك) غيره لا

انت في الشرقية وياكثر الشركات الكبيرة عندكم وخاصة البتروكيماويات
يعني لو تدرس دبلوم عالأقل او تدريب منتهي بالتوظيف
أمورك راح تضبط

بس ٣٠٠٠ قليلة ولاتيجي حق مواصلاتك وتعبك وأخلاصك
من الان أبحث عن البديل

الحمدلله أستقلت اليوم والله مع أني بصير عاطل ولا عندي مصدر دخل ثاني لكني براحه نفسيه من أشكالهم وبفرغ نفسي للدعاء عليهم واسئل الله يعوضني خير

بس صارت حركه غريبه اني كنت متغيب من تاريخ و21 ميلادي يعني داومت 20 يوم بس من شهر اكتوبر هذا . والسبب أن البنوك بتسكر بالعيد فنزلو الرواتب بتاريخ 23 من الشهر يعني أمس ونزل الراتب كامل ههههههه

وكانو مقهورين مبيتين النيه اليوم يعاقبوني على الغياب وصراخ وقلق وناويين يخصمون علي الشهر الثاني من الغيابات لكن باغتهم بالأستقالة وكانو مولعييين ههههههههه