معي 170 الف ابغى اخليها تزيد بشهر
السلام عليكم ووشلونكم وكيف الحال
الحقيقة يااخواني اني وبعد حوس ودوس من هالافكااار استقريت على مشروع شراء تريلا (قلاب) وتاجيرها على شركة مقاولات,, المهم من خلال دراستي للموضوع هذا نصحني احد الاخوان ان ابحث عن اي قيادي في شركة مقاولات (يكون معرفة )يستطيع تأمين عقدتاجير مناسب للقلاب,, وبالفعل ومن خلال التطقس والتمحص وجدت احد ابناء قبيلتي مهندس ذو منصب قيادي في شركة مقاولات كبرى في مدينتي ,, المهم ذهبت لهذا الرجل ووجدته على قدر كبير من الاحترام وصبلي شاهي ,, المهم شرحت له وضعي من أ الى ي , قالي ابشر بعزك , واثناء ذلك شعرت بقشعريرة بشعر راسي من الوناسة ,, بس قالي اصبر علي بعد 15 / 2من السنة الجديدة تنتهي عقود بعض المعدات ذات الايجار الممتاز وبعدها راح اسويلك عقد لمدة سنتين اقل شي,, المهم طلعت من عنده بقلب يملأه الفرح ,, واشتغلت عندي احلام اليقضة ,,,, اسف على الاطالة زبدة الكلام : مين عنده مشروع (بيعه وشروه ) سريعه , خلال شهر ,ومضمونة استطيع زيادة فلوسي ولو مبلغ بسيط ,, المهم اني اشغلها اتمنى التفاعل من الجميع ( الوقت يداهمني) |
ياجماعة معقولة مافيه مشاريع سريعة الارباح؟
|
للاسف مافي ربح سريع خلال شهر وانتبه ترى الحفاظ على راس المال ازين لك
|
لكن لو قدرت تشتري ارض مساحة 400 متر في مناطق قريب دخول الخدمات عليها ومن المالك مباشرة تقدر باذن الله تربح لك 3 الف ريال او 4 الاف على اكثر تقدير والله يوفقنا واياك
|
الاخ / احمد ,,,,تحية طيبة
اشكرك عالنصيحة ,,,ولكن الاراضي الان بعد القرار الاخير اسعارها بتنزل , انا دار براسي مشروع وهو شراء سيارات مستعملة من حايل وبيعها هنا بتبوك فيها مبلغ حلو يقولون ,,, والظاهر ان بعد الاستخارة بابدأ بعد العيد |
ترا الاراضضي زينه ،، بسس يبيلها صصبر واجد ،، وتبيعها دبل السسسعر اللي ششريتها به ،،
|
القلاب شريته ولا للحين ؟
وبكم أسعاره ؟ كم المبلغ اللي وعدك فيه ؟ والله يرزقنا وإياك |
اقتباس:
بالنسبة لاسعاره عندنا بين 130 الى 140 راس التريلا الاكتروس 2002 او2004والصندوق يكلف 75 جديد من المصنع , والمستخدم تحصل ب50 نظيف بالنسبة للعقد بحدود 14 الف والديزل عليهم .. انا علي السواق والزيت والكفرات والصيانة |
ايش رايك بمشروع الكتاب والمسابقه ممكن تربح خلال شهر او اكثر وفلوسك ما تروح لان النسخ حقه الكتاب موجودة فكر وربك كريم
|
ابتعد عن السيارات
شف العقار تراه طيب اشتغل فيه افضل من المقاولات ترا المقاولات مايدفعون لك المقاولين الكبار نصابين ولهم سلطه ماتقدر عليهم ابداً |
الساعة الآن 10:29 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين