|
أبدأ مشروعك فورا ب30000 وأجني دخل يومي بشرط
[align=center]
احبائي الكرام الفرص الذهبية قليلة وقد لا تتكرر هذه الفرصة شرطها الوحيد هو أن تعمل في المشروع بنفسك يعني اذا فكرت تجيب عامل وتحطه أو انك لن تتفرغ له فانها ليست لك اذا استطعت أن ترفع برقع الحياء ، وترغب بالرزق بتعب يدك ، وتبتعد عن العادات والتقاليد البالية التي لا تسمن ولا تغني من جوع فشمر عن ساعديك وأبدأ ومن البداية اقول ان المشروع بمدينة جدة اخي الكريم اذا كان لديك مبلغ 30000 ريال أو يمكن تدخل شراكة مع احد خويانك بالنصف وتديرون المشروع بنفسكم فانني اضمن لكم دخل ( باذن الله ) يعينكم على المصاريف بل اذا شديتم حالكم وصبرتم اتوقع لكم انكم ستفتحون محلات اخرى مستقبلا الأخوة الأجانب ليس لديهم عيب لذلك هم يجنون الآلاف والملايين بينما نحن نخجل ونخاف ونترفع عن بعض المهن الشريفة التي لو عملناها بأيدينا لأصبحنا أغنياء باذن الله تلك المقدمة كان لا بد منها لأن المشروع يعتمد على العمل باليد وهو ليس شاق وليس تحت الشمس وليس عيب فقط يحتاج شاب طموح صبور لا يهمه نظرات بعض المحبطين في مجتمعنا المشروع باختصار هو بوفية بوفية جاهزة للعمل ، بها كل المعدات تستطيع البدء بالعمل من بكرة ، فقط احضر أغراض السندويتشات من بيض وتونة وجبنة وغيرها وأبدأ بدخل يومي فورا دخلها يا اخوان لا يقل عن 200 ريال يوميا وقابل للزيادة انت ومجهودك وشطارتك محتوياتها : 3 ثلاجات مرطبات + 2 فريزر ارضي + قلاية بطاطس ودجاج كهربائية + مكينة قلي برجر + سخان السندوتشات 6 صحون + بوتجاز ارضي صغير وأنبوبتين + غلاية شاي تركي كهربائية + 2 خلاط عصير + 2 مكيف اسبليت + اغراض البوفية الضرورية ، يعني جاهزة من الى ايجارها السنوي رمزي 15000 بالسنة على 3 دفع ، يعني كل أربع شهور 5000 - يابلاش موقعها : جنوب جدة باحد المولات الصغيرة ، وهي الوحيدة بالمول . أنا أعرف صاحبها يرغب بتقبيلها لعدم التفرغ وأنا والله لن أحصل على أي عمولة ، ولكن فقط عرفت موضوع التقبيل وحبيت اني انقله اليكم يمكن يكون هناك شاب أو شابين طموحين ويبدؤون في مهنة سيطر عليها الأجانب وتكون فاتحة خير لهم وخصوصا ان المبلغ المطلوب بسيط جدا ولا اطلب منكم الا الدعاء للجادين الرجاء مراسلتي على الخاص لأعطائكم رقم صاحب البوفية [/align] |
الله يوسع عليك ويرزق صاحبها ....
|
بارك الله فيك اخوي
بس البوفية تحتاج متابعة يومياً عندنا بوفية. بس قبلناها على العمال لأنهم يتلاعبون وشايفين فيها خير وطلبوها منا. |
اخوي الدكتور تركي
شكر الله سعيك ويش قاعد اقول انا من الصبح اخوي انا قلت لازم من يريد تقبيلها يعمل فيها بنفسه عشان مثل ما انت قلت ، فيها خير كثير تكفى اخوي ارجع اقرأ الموضوع ... تكفى |
قرأت موضوعك يالأمير من أول
ولكن رسالتي. موجهه لمن يرغب في التقبيل على فكره ماني دكتور باقي ماحضرناها الله يوفقنا وياك |
والله تفكيرك جميل ورائع لو تكون نقطه انطلاقه من المنتدى هنا احد الأخوان العاطلين ياخذها وندعمه
ويبدأ يشتغل بنفسه ويسوي السندوتشات ويشتغل صدقوني والله اذا شال فكره العيب من راسه يطلع من هالبوفيه اكثر من راتب موظف حكومي ولا يمنع يجيب عامل معه يشتغل بس هو يكون الأساس وعلى الأقل مايكون باطل وينجز شيء بحياته يمكن اذا عرف الصنعه وعرف اسرارها يجمع مبلغ ويتوسع ويصير من كبار التجار فكره تشكر عليها ونيتك طيبه وسليمه الله يسعدك ويوفقك أهنيء المنتدى بوجود امثالك الي يحب الخير للناس خطوة تشكر عليها وانشاء الله نشوف امثالك من الي يحبون الخير لنفسهم ولوطنهم والله الي يسوي هالعمل انه رجل ويستحق كلمه الرجوله والكل بيدعمه |
انا بجاجه لها وكنت ادور عليها اعطيني رقمها والله يجزيك خير وين موقعها بالضبط
|
بالتوفيق لك يا ولد جده
|
الله يجزاك ويبيض وجهك
|
هل 30000 كافية انها تجهز بوفية كامله من إلى ؟
|
| الساعة الآن 11:37 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين