من يدعمني
 

السلام عليكم بدخل على طول بالموضوع انا ودي الشري دبابات يعني 3على الاقل بس ماعندي ماده تكفي من يدعمني وانا الشغلهن وعطيه حقه ونتقاسم الربح بسراحه دورات بس غاليات الدبابات على2500 الصيني بس والله فيها ربح خيالي خصوصي بالقصيم ماشيه صح الي يبي يراسلني على الخاص والله اني محتاجه المشروع هذا مره طبعن عندي من يبي يشغلهن ولدي بيشغلهن

مشكور

هلا اختي انا ادعمك انا من القصيم ممكن الفكره بالتفصيل بالخاص

أتمنى التوفيق لكم .

بتوفيق لك اختي

ارسلي لي فكرة مشروعك بالكامل وانا مستعد للتمويل بحدود 5 الى 10 دبابات

السلام عليكم ورحمة الله وبركاتة انا من القصيم .. لكن بنسبة لمشاريع الدبابات تغيرت مو زي أول بعد الحادث الي صار في السنه الي فاتت وتوفو فيه البنات الله يرحمهم صار فيه تشدد في موضوع تأجير الدبابات وفكرت في المشروع ودرسته ومريت ع كل محلات بيع الدبابات في عنيزة وبريده وسعرت الدبابات من مقاس 150 ومقاس 100 ومقاس 50 واجرريت اتصالات على الشركات في جدة والرياض مثل كثبان الصحراء وغيرها وكان فيه تفاوت بالاسعار وفرق في سعر الجملة وفيه فرق في نوع الدباب من ناحية السعر وفيه فرق في نوع الدباب من ناحية نوعه وأفضلية استخدامه لغرض التأجير و المكسب هذي بنسبه لسعار الدبابات وكانت الميزانية المحددة للمشروع مع كامل تكاليفه بحدود 60 الف يشمل المخيم و الماطور و العزبه وا وا وا. نتكلم في موضوع البلدية البلدية حطة شبك في منطقة الغضاء في عنيزة و الشبك نعم كبير ومساحته كبيره لكن فيه رسوم يدفعها المستثمر وفيه رسوم يدفعها لنظافة في حالة تسليمك الموقع يجي المندوب ويشيك ع الموقع اذا نظيف تستلم الـ 500 ريال حقة النظافة

^
طيب اخوي هل هذا المشروع يحتاج الي ترخيص من البلديه ؟؟
ولابأمكان اي شخص انه يدخل فيه حتى لو كان موظف !!

لا بالفترة الي فاتت ماكان فيه ترخيض بس رسوم الموقع و النظافة
وانا موظف وكنت بدخل فيه وظيفتي بعد اشوي معقده في الامور التجارية و التأشيرات مو مسموح لي لكن ماكان في اي مانع ابد عادي .
وجيب مخيكم واغراضك وهو حلوو للي بيحطه مخيم تاجير لدبابات وبنفس الوقت مخيم له في موسم الامطار يطلع للمخيم هو وزملاءه او اخوانه الي يريحه بحيث انه يكون موجود ويراقب حلاله ويشرف عليه .
لكن تراها تجاره موسميه بنسبة في منطقة القصيم .
اما بنسبه للأطفال عادي لو تحطه في حديقه او مزروع لكن مدري وشو الشروط المطلوبه .
اذا اعجبك المشروع وحاب انك تدخله انصحك تروح لشرقيه او جدة او الثمامة برياض
لني انا استفسرت عن هالمشروع كثير وذكرو لي كثير من اصحابي من سكان الرياض انه فيه بعض السودانيين يملكون مية دباب وشغالين ^_^ الله يرزقهم .
انصحك تتمشى ع هالمواقع و لاا تنسى الفني مطلوب عشان تعرف الدبابات ممكن تعلق من الاتربه او تنقلب او يصير فيها اي عطل يكون الفني موجود مايحتاج توقف الدباب عن العمل فتره طويله لين تصلحة
وانصحك خذ الدبابات الي لها وكيل او لها محل في منطقتك عشان ماتبلش في قطاع الغيار .
اتمنى أني افدتك