مقابله شركه المراعي+ استفسار
 

السلام عليكم ورحمه الله وبركاته
كيف حالكم يالبطاليين طيبين

قولو اميين الله يرزقني وياكم بالوظيفه المناسبه وبعدها :h:w:ash::m بالزواج
اااااااااممممييييين


تنبيه الموضوع كتبته للاستفاده+ سوالف خخ +استفسار صغير

نخش بالموضوع

رزقني الله بعد البحث عن الوظيفه بدون ما اقرى الاعلانات
ولقيت وظيفه بشركه المراعي
بدايه السالفه رحت للفرع اللي بمنطقتي ودخلت عليهم وقلت في وظايف ولا لا
لقيت هندي كشخه مو مثل الهنود اللي انتم خابرين قالي بلهجته في اسنين وسيفه
واهد هارس امن وأرد منتجات المهم انا طرت من الفرحه وقلت خلاص سأقتل البطاله بنفسي وارتاح منها
قلت هاك الملف قال لا روح للرياض ورح وقدم وتعال قلت زين زين

رحت للرياض وكان مقرهم على طريق القصيم بعد جامعه اليمامه

دخلت ومعي ملفي وشافني الحارس اللي عند البوابه وقالي ممنوع تدخل بملفك

قلت له انا جاي من فرعكم مخصوص ابي اتوظف قالي هاك هالوقه عبها وتوكل على لين تجيك رساله سويت اللي قاله ورحت وجتني رساله منهم مقابله الساعه 9 الصباح طبعا جيتهم

ودخلت من الساعه 8=45 دقيقه ولا سوو مقابله معي الا الساعه 9=40 دقيقه وانا اول واحد يسووله مقابله كان وراي اضن 20 واحد
المهم نادوني ودخلت عليهم سلمت وجلست طبعا اللي يقابلوني كلهم سعوديين وعددهم 2
وبعدها اساله عاديه جدا اسمك ووش شهادتك وهل معك سياره خاصه فيك وسوالف وقالولي وظيفتك مصفف ارفف قلت زين شي احسن من لاشي
المهم جينا للنقطه الفصل الا وهي مكان الوظيفه:) قالي وينك ساكن قلت له برا الرياض
مدري كأنه تفاجا قالي وظيفتك هنا بالرياض قلتله انا مقدم على وظايف محافظتي مابي الرياض
قالي بكيفك اذا تبي عطيناك ورقه مباشره بالعمل يعني انقبلت نهائي قلت لا ما ابي الرياض
ابي وظايف محافظتي قالي خلاص انا ابحط ل اوراقك انتظار وبن دق عليك وبعدها طلعت

الفايده اللي استفدتها من موضوعي الاعتماد على النفس في البحث عن الوظايف بدون حتى مايعلنو انت سو اللي عليك والباقي على الله

استفساري هو للي قدمو على شركه المراعي مثلي

هل هم بيدقون علي ولا بيسحبون علي
هاذا استفساري

والله يوفق من دخل ودعا لي بالخير

والسلام عليكم ورحمه الله وبركاته

الله يوفقك اخوي انا قدمت فها بس ماردو علي
إنشاءالله اتوقع بيدقون عليك

[align=center]الله يوفقك ي رب . .
أنا قدمت عليهم قبل شهر ولا دقوا علي . .
الله يرزق الجميع . .
[/align]

رد: مقابله شركه المراعي+ استفسار
 

بعد ثمان سنوات رجعت الحمدلله توظفت واموري طيبه لا المراعي وظفوني ولاغيرها

حفظنا الله واياكم

رد: مقابله شركه المراعي+ استفسار
 

منشط مبيعات او مصفصف كلها وظايف تابعه للعمالة وغير لائقه بمقامك ومهلكه اعتقد ان الوظايف موجودة بس يبيلها تعب البحث الميداني بالمدن الكبيرة الرياض او جدة او الشرقية.

رد: مقابله شركه المراعي+ استفسار
 

مصفف ارفف او عارض منتجات دايم يتم عرضها لسعوديين ونصحتي لك اذا تبي محافظتك ماتبي تطلع منها قدم على جميع شركة الالبان والعصيرات اللي تنزل منتجات في البقالاتلأن دايم ينزلون هذي الوظيفه للسعوديين يحددون لك مجموعه من البقالات والوظيفه هي تطلع المنتجات المنتهيه والتي قاربت على الانتهاء تحطها في الامام والجديده تحطها في اخر الثلاجه